Alokairu baten klausula bidegabeak kentzera zigortu dute lehen aldiz funts putre bat
Kataluniako Maizterren Sindikatuak duela hiru urte jarri zuen salaketa Espainiako hirugarren funts putre handiena den Azoraren aurka. Alokairuko kontratuetan ezartzen zituen hamar klausula salatu zituen sindikatuak, eta horietatik bederatzi ezeztatzeko agindua eman dio Bartzelonako epaitegi batek Azorari. Tankerako lehen ebazpena da Espainiako Estatuan, eta Maizterren Sindikatuaren ustez balio dezake "beste milaka abusu kasu geldiarazteko". Donostian Azoraren Maizterrak plataforma sortu zuten enpresaren etxe kaleratzeak salatzeko.
Alokairuzko etxebizitzen kontratuetan "gehiegizko klausulak" ezartzeagatik zigortu dute Katalunian Azora funts putrea. Kataluniako Maizterren Sindikatuak duela hiru urte jarri zuen salaketa, Ronda abokatuen elkartearekin eta Silvia Torres Azoraren jabetzako etxebizitzako maizterrarekin batera. Hamar klausula salatu zituzten, eta horietatik bederatzitan arrazoia eman die Bartzelonako epaile batek hiru urteren ostean.
Espainiako Estatuan lehen aldia da funts putre baten jarduera zigortzen dela. Maizterren Sindikatuak ohar bidez eman du "garaipenaren" berri, eta baikor agertu da auzi honek funts putreen "beste milaka abusu kasu geldiarazteko" ateak ireki dituelakoan. Azora funts putreak Bilboko eta Donostiako autobus geltokiak erosi berri ditu, eta Donostian haren aurkako plataforma ere sortu dute, Azoraren Maizterrak deiturikoa, etxegabetzeak salatzeko.
"Abusuzko" bederatzi klausula
Silvia Torres Granollers herriko bizilaguna da, eta salatu du Azorak alokairua hileko 690 eurotatik 1.100era igo diola hiru urteko epean. Orain epaitegi batek ebatzi du, hain zuzen, ez dela legezkoa KPI kontsumo prezioen indizearen gainetik garestitzea alokairua.
Azorak kontratuak presiopean eta hirugarren pertsonen lekukotzarik gabe sinatzera behartzen ditu maizterrak
Beste zortzi klausulagatik ere zigortu dute Azora. Besteak beste, kontratuak presiopean sinatzera derrigortzen ditu maizterrak funts putreak, hirugarren pertsonekin kontsultatzeko aukerarik eman gabe. Torresek dokumentua sinatzeko azken hitzorduan ikusi zuen kontratua lehen aldiz, hura aztertzeko denborarik izan gabe.
"Neurriz kanpoko" zigorrak ere ezartzen ditu funts putreak bere kontratuetan. Besteak beste, fidantzarik ez itzultzea pareta zuriak margotzeagatik, edota kanpo arrazoiengatik sortutako arazoak maizterraren bizkar uztea.
Azorak indargabetu egin beharko du, halaber, tartekako ikuskapenak egiteko klausula. Tarteka etxebizitzaren egoera gainbegiratzeko bisitak egiteko eskumena hartzen zuen funts putreak, baina epaitegiak ebatzi du maizterrak etxebizitza uztean soilik frogatu beharko duela kalterik egin ez izana.
Milaka etxebizitzekin espekulatzen
Azora funts putrea Espainiako Estatuko hirugarren handiena da: 13.000 etxebizitza ditu jabetzan eta beste 20.000 kudeatzen ditu.
Urtarrilean salmenta espekulatibo bat salatzeko ekintza egin zuen Arberoa Lurra eta Etxebizitza kolektiboak, eta horrekin lotuta egon daitezke atxiloketak. Goizeko seiak aldera atxilotu dituzte, "atea kasik hautsiz eta esku-burdinak segidan ezarriz", Ostia sareak... [+]
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Asteburu luze bat. Ingurutik bueltatxo bat eman eta pikoteoa egiteko probestu dugu. Turistak selfie-ak egiten. Turistentzako bideak, alokairuak, dendak, hotelak, aparkalekuak, menuko platerak, seinaleen kartelak munduko hizkuntza orotan. Turistak ohiko lekuak leku arrotz... [+]
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]
Duela sei urte 250.000 eurotan erositako Aiherrako etxe bat, egun 1,6 milioi eurotan salgai. Joan den larunbatean Hazparneko Puyo higiezin agentzian sartu dira 50 herritar inguru Etxetxuri etxaldearen salmenta espekulatiboa salatzeko. Ekintza iraun bitartean agentziako... [+]
2024ko urtarrilaren 1etik goiti, Ipar Euskal Herrian bigarren etxebizitza bat erostekotan diren pertsonak gonbidatuko ditu Herrian Bizi plataformak jadanik bigarren etxebizitza gisa baliatuak diren etxe edo apartamendu bat erostera.
Aiherrako Herriko Etxea arranguraturik agertu da 250.000 eurotan erosia izan zen etxe bat, abantsu 1,6 milioi eurotan salgai ezarri ondotik. Etxexuri egoitza 2017an erosi zuten gaur egungo jabeek, eta arraberritzen lan handiak egin zituzten; ganerra eta barnea berregin zituzten,... [+]
Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]
Senpereko Olha etxearekin espekulatzea eta lurraren erabilera pribatizatzea salatu dituzte, besteak beste. Donibane Lohizuneko geltoki pareko errepidea eta Baionako A63 autobidera ematen duen biribilgunea moztu dituzte. Ostia sarea, ELB, Lurzaindia eta Senperetarren Kolektiboak... [+]
Uztailean onartu zuten legea eta irailaren 5etik aurrera sartuko da indarrean. Etxebizitzak alokatzeko hiriko exekuzio berezien bulegoan izen emanda egotea, hilabetez azpiko egonaldiak legez kanpokoak izatea eta arau-hausteak zigortzea ekarriko du, besteak beste.
Babes politikorik ez duelako, eta bizilagunen desadostasuna onartu ondoren, Iruñeko alkateak aparkalekuaren proiektua bertan behera utzi du "behin behinean". Ibarrolak proiektuaren aurkako protesten atzean EH Bildu dagoela adierazi du.
Azken urtean alokairuan jarritako gelen eskaintza igo egin da Hego Euskal Herriko lau hiriburuetan, batez ere Donostian. Hiriburu garestiena izaten jarraitzen du Donostiak: hilean gela baten batez besteko prezioa 450 euro ingurukoa da; Bilbon 400 eurokoa eta Gasteizen eta... [+]
Senpereko Olha etxea saldu dute, baina espekulazioaren aurkako borrokak jarraitzen du herri hartan. Asteartean Donibane Lohizuneko Maison Adam denda blokeatu dute, bere jabeek erosi dutelako etxea 1,3 milioi eurotan. Hogeita hamar lagun inguruk hartu dute parte ekintzan.
Salerosketaz arduratu den Urruñako notarioak asteazkenean eman die salmentaren informazioa espekulazioaren aurka etxaldea okupatuta zuten eragileei.