“Aurten ez nuen baitezpada txapela irabazteko derrigortasun edo anbizioa sentitzen”
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik. Txapel kopuruaren antzera, hirugarrenez tokatu zaio Amets Arzallus bertsokidearekin kantatzea buruz burukoan, hendaiarrak aipatu bezala, “bertsoaz harago doan egun horretan”. Gai sozial eta politiko ezberdinetan ere kantatzera ausartu da hernaniarra, faxismoaren gorakadari, emakume langileen esplotazioari, homofobiari edo etorkizuneko borroka perspektibei oihartzun eginez. Maialenen sentsazioak eta perspektibak partekatu dizkigu txapeldunak.
Ez duzu zure lehen finala, jada ariketarekin ohituta zaude. Baina nola sentitu duzu zure burua aurtengo finalean zehar?
Egia da batzuetan korrontearen kontra bezala ibili behar izan naizela, nire gora eta beherekin, baina uste dut azkenean lortu dudala egoera sintonizatuago batean kantatzen. Labur esanda, poz handia da berriz ere txapela janztea. Barruan gogo bat sentitzen dut, baita zor bat ere taldekideekiko. Saioan zehar eta txapelketan zehar utzi dituzten ale bikainak ere aipatu nahi nituzke. Egia da oraindik saio ostean perspektiba faltarekin hitz egiten dudala gertatu denaz, baina orokorrean esango nuke lantsua izan dela aurtengoa.
Estatistiken arabera, finalera zuzen sailkatzen denak, hau da, pasa den edizioko txapeldun gisa sartzen denak ez du txapela lortzen. Zuk mentalizazio lan berezia egin duzu egun hau iritsi aurretik?
Banekien finala zaila izango zela, batez ere txapelketaren formatu eta kantatzeko formatuak berak inposatzen duen kortseagatik. Egia da kosta egiten dela mentalizatzen, baina nire bizipenekin eta txapelketako ibilbidearekin bestelako irakurketa bat egiten dut, eta uste dut ikasten dela txapelketan ere egoten. Adibidez, lehen finalak eta honek zentzu ezberdina hartzen dute. Aurten ez nuen baitezpada txapela irabazteko derrigortasun edo anbizioa sentitzen nire baitan. Egia da beste garai batzuetan sentitu izan dudala agian gogo eta grina hori. Baina gaur ez nuen baitezpada gose izugarri hori sentitzen.
Hasierako agurrean aipatu duzu, aldaketak beti nahi baino beranduago etorri ohi direla txapelketan. Egia da aurtengo finala historikoa izan dela bai lekuagatik, Barakaldotik Iruñera igaro delako, baina batez ere lehenbiziko aldiko, emakume gehiago sartu direlako finalera.
Bai, noski, aldatu da. Batez ere, nik uste, finalaren esanahia aldatu dela, aipatu berezitasunak barne. Bestela, nirekiko finaleko aldaketak aipatzeko ere, egia da taldearen konposizio honek, gaur egungo garaiak edo nire ibilbide pertsonalak aldatu egin didatela finala bizitzeko testuingurua bera. Uste dut, hau guztiagatik, azken fase hau lasaiago bizitzea permititu didala. Ez diot balioa kendu nahi finalari, batere, baina beste ikuspegi batekin bizi izan dut egun hau, esperientzia eta adinagatik, neurri batean.
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Ezin ekidin Nafarroa Arena BEC-ekin alderatzea. Publikoa otzanago antzeman da, olatuak ez dira berehala altxa eta burrunbatik ere, amaiera arte, gutxi. Behin lehertutakoan, ordea, uhin expantsiboa hedatu da plazan. Egun lantsua izan dela nabarmendu dute eguneko protagonistek... [+]
Goizeko eta arratsaldeko saioetan zortzi finalistak aritu ostean, Amets Arzallus eta Maialen Lujanbio pasatu dira buruz burukora. Saioa buruz burukoan lehertu da, eta bi txapeldunek lazo gorriz biribildutako saioaren ostean... Maialen Lujanbio Zugasti da berriz ere txapelduna. [+]
Goizeko saioaren ostean, eguerdia hankak luzatzeko eta indarrak hartzeko baliatu dute entzuleek. Bati eta besteari entzunaz, buruz bururako izen ugari jasoko ditu galdetzen duenak, eta Ametsek bi bider botatako "parte" hitzen interpretazio anitzak ere bai... [+]
Hona egun osoan zehar Dani Blancok harrapatu dituen hainbat momentu:
Hona Bertsolari Txapelketa Nagusiko finalean goizeko saioan kantatu dituzten puntu-erantzun guztiak.
Iruñea bertsoaren hiriburu bihurtu da egun oso batez. Lehen aldiz bertan aritu dira jokatzen Txapelketa Nagusiko finala. Maialen Lujanbiok bere txapeldungoa jokatu du honako bertsolariekin: Aitor Mendiluze, Alaia Martin, Amets Arzalllus, Beñat Gaztelumendi, Joanes... [+]
Orain dela hiru hilabete abiatu zen Bertsolari Txapelketa Nagusia eta gaur amaituko da Iruñeko Nafarroa Arenan. Ibilbide honetan finalean abesteko txartela honako bertsolari hauek lortu dute: Aitor Mendiluze Gonzalez, Alaia Martin Etxebeste, Amets Arzallus Antia,... [+]
Nafarroa Arenan elkartu dira gaur zortzi finalistak, abenduaren 18rako motorrak berotzeko. Lehen aldiz Iruñean egingo den Txapelketa Nagusiko finala handia izango da: 13.000 ikusle elkartuko dira, nazioartetik 30 gonbidatu izango dira eta 350 lagun arituko dira antolaketa... [+]