Jarrera
Bizitzak buelta ugari ematen ditu, ugari eta ustekabekoak. Zea Mays-en sorrera oso hurbiletik bizi izan nuen arreba zale amorratua izanagatik, baina gerora haienganako arreta galdu nuen nolabait, lanean jarraitzen zutela jakinda eta horregatik pozik, baina beste talde batzuei erreparatuz. Duela urte batzuk, baina, zuzenean ikusi nituen, eta hura zaplastekoa! Taldetzarra, betea eta irmoa erabat. Gerora, pandemiaren hasieran etxean Atera diskoan erreparatu nuen txundituta, a ze lana! Eta paradoxak paradoxa, pandemia ilunean ikusi nuen lehen kontzertua, sinesgaitza, haiena izan zen, Victoria Eugeniakoa, eta a ze kontzertu, ze hunkidura, eta zenbat emozio bizi izan genituen –guztiok- oraindik arrotz genituen maskara haiek ia bi orduz jantzita–.
Eten luzea egin behar izan du taldeak, baina bizitza –beti bizitza– ospatu beharra gailendu da oraingoan ere. Atera-n protagonismoa hartu zuten sinte-ak gelditzeko etorri dira, eta oraingoan ere baliatu dituzte lau pizti hauek kantuei gorputz borobilagoa emateko. Adore-k dauka taldearen DNA erabat itsatsita: suitzarren pareko erritmoa, doinu itsaskor eta sentikorrak eta kantu borobilak; Zuk borroka hasi pausatuagoa da baina irmoa, eta murgiltzen da post-punk-aren eta Alemaniako aitzindarien erritmoetan. Kemena-k, aldiz, uztartzen ditu pasarte orkestralak, rockeroak eta dantzagarriak. Inondik inora-k gitarra sarkor eta distiratsuak ditu, 90eko hamarkadaren gerizpean. Kuraia da zerutiarragoa, baina intentsitate, kadentzia eta dramatismoz bustiz doa. Corazón de tango da bocho-ko klasikoa sinte-ekin eta gitarrekin biziberritzeko ariketa (eta emaitza) aberatsa. Adore, kemena, kuraia da metalero pisutsu jaio eta post-punkaren erlojuak gidatzen duen gezia. Ez naiz ni goxo pausatuan Rozalen batu dute haiekin. Ez zaitez sartu deiadarra elektronika minimalistak eta rock indartsuak arintzen dute. Eta, azkenik, Bizia da ospakizunaren rave-a. Izan ere, lehen eta orain, Zea Mays-en kantu bakoitza, ezaugarri eta arrazoi desberdinengatik, ospakizun bat da.
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]