Arrain egosia, hominido erara
Jordan ibaiaren harana, duela 780.000 urte. Hominido talde batek arrain egosia jan zuen Hula lakuaren ertzean. Israelgo Gesher Benot Ya’aqov aztarnategian arkeologoek aurkitutako arrain arrastoei esker iritsi dira ondorio harrigarri horretara.
Bagenekien hominidoak duela 2 milioi urte inguru hasi zirela arrain gordina jaten, baina orain arte adituek uste zuten gizakia duela 170.000 urte hasi zela elikagaiak prozesatzen. Hortaz, nazioarteko ikerlari talde batek Nature Ecology and Evolution aldizkarian argitaratu berri duen lanak lehen gizakien dietaren iraultza uste baino askoz lehenago gertatu zela frogatzen du.
Lehenik eta behin, desagertutako hainbat arrain espezieren arrasto asko topatu dituzte aztarnategian, eta horrek adierazten du kontsumoa ohikoa zela. Gainera, hainbat geruzatan aurkitu dituzte arrastoak, luzaroan kontsumitu izanaren seinale. Espezie horietako bat Cyprinus carpio edo zamo arruntaren familiako arrain handi bat zen. Arrainaren hortzeko esmaltea osatzen duten kristalak handitu egiten dira beroaren eraginez. Kristal horiek aztertuz ikusi dute karpa handi horiek egosteko tenperatura egokian jarri zituztela, eta ez zituela su espontaneo batek erre. Finean, komunitate haiek arraina egosteko tradizioa zutela.
Gizakiak janari prestatua jaten hasi zirenean, denbora eta energia gehiago izan zuten sistema sozial eta jarrera berriak garatzeko
Elikagai gordinak deskonposatu eta digeritzeko askoz energia gehiago behar da. Hortaz, lehen gizakiak janari prestatua jaten hasi zirenean, denbora eta energia gehiago izan zuten sistema sozial eta jarrera berriak garatzeko. Gainera arrainak omega 3 azidoak, zinka ea iodoa dauzka, garunaren garapena bultzatzen duten substantziak.
Ikerlariek uste dute ur geza zeukaten eremuak funtsezkoak izan zirela Homo erectusa Afrikatik haratago hedatzeko. Ur geza edateko erabiltzen zuten, jakina, baina, animaliak ere edatera hurbiltzen zirenez, ehizarako gune ezin hobeak ziren. Eta arrainak ere hominidoen migrazio bideak baldintzatu zituen neurri batean: sakonera txikiko uretan arrainak harrapatzea erraza zen eta sari nutrizional handia ematen zuten.
Eta, hala, arrain errezeta soil horrek giza garunaren eboluzioa, ingurumenarekiko harremana eta migrazioa taxutzen lagundu zuen.
Etiopia, 1974ko azaroaren 24a. Lucy-ren hezurdura aurkitu zuten Hadarren, giza arbasoen arrasto zaharrenetakoa. Australopithecus afarensis espezieko hominidoak 3,2 eta 3,5 milioi urteren artean ditu.
Homo espezieen arbasotzat jo zuten orduan, gu guztion amatzat. Mende erdi... [+]
Berkeleyko unibertsitateko (Kalifornia, AEB) arkeologo talde baten arabera, ezkerreko irudian ageri den eszena ez litzateke zuzena. Hau da, gizakiek ez zituzten lantzak jaurtitzen mamutak eta beste ugaztun handi batzuk ehizatzeko. Horixe zen orain arte zabalduen zegoen... [+]
Geissenkloesterle (Alemania), dela 42.000 urte. Danubio ibaiaren arroko kobazuloan bizi zirenek txirula bat egin zuten hegazti hezurrak eta mamut bolia erabiliz. Garai bertsuan, Esloveniako Divje Babe kobazuloko biztanleek ere txirula bat egin zuten hartz baten femurra baliatuz... [+]
Sulawesi (Indonesia) uhartearen hegoaldean, Leang Karampuang kobazuloan hiru irudi antropomorfoz eta basurde batez osatutako margolana aurkitu dute Griffith eta Southern Cross unibertsitateetako eta Indonesiako Agentzia Nazionaleko arkeologoek. Nature aldizkarian argitaratutako... [+]
Euskal Herriko kobazuloetan Madeleine aldiko (duela 18.500 eta 13.500 mila urte bitartekoak) labar-artea metodo konputazionalak konbinatuz aztertuta, ezaugarri espazialen eta ikonografikoen arabera bereizi dituzte irudiak, eta ondorioztatu dute lau multzotan bana daitezkeela.
Duela bi urte, Edgard Camarós arkeologo katalanak bi giza garezur eta "Minbizia?" zioen txartel bat topatu zituen kartoizko kaxa baten barruan, Cambridgeko Unibertsitatean. Garezurrak Gizatik zetozten, Egiptotik eta berriki Frontiers in Medicine aldizkarian... [+]
1991n Alpeetan Ötziren gorpua aurkitu zutenetik, egoera oso onean kontserbatutako 5.000 urteko arrastoak ikerketa asko egiteko erabili dituzte. Hasieratik arreta eman zuten azalean zeuzkan 61 tatuajeek. Adituek uste zuten tatuaje horiek azalean ebaki txikiak eginda eta,... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
1992. eta 2006. urteen artean, Erromako Bracciano lakuko uretan, Neolito goiztiarreko La Marmotta aztarnategia industu zuten. Berriki, Plos One aldizkarian han aurkitutako bost piraguen inguruko ikerlana argitaratu dute. Ontziak 7.000-7.500 urte inguru dituztela ondorioztatu... [+]
Axlor aztarnategian (Dima), duela 100.000 urte inguruko gizakien fosilak aurkitu dituzte IIIPC Historiaurreko Ikerketen Kantabriako Nazioarteko Institutuko ikertzaileek. Zehazki, 10-12 urteko bi haurren eta heldu gazte baten hortzak dira, eta Iberiar penintsularen... [+]
Mecklenburgeko golkoan, Baltikoko uretan, ia kilometro bateko harrizko egitura bat identifikatu zuten arkeologoek 2021ean. Orain diziplinarteko ikerlari talde batek harresiari buruzko ikerketa argitaratu du PNAS aldizkarian.
Egiturak 10.000 urte inguru ditu eta gizakiak egina... [+]
Irulegiko Burdin Aroko herri gotortuan azaldutako brontzezko piezari buruzko ikerketa “osoena” azaltzen duen artikulua argitaratu du aditu talde batek nazioarteko aldizkari zientifikoan. Orain arte ez genekizkien hainbat berritasun dakartza.
Asteburu honetan historiaurreko margoak zeuden kobazulo bat bisitatu dut. Burdin eta manganeso oxidoa erabilita orain dela 30.000 bat urte egindako margoak. Bisita hauek interesgarriak iruditzen zaizkit, gizaki gisa munduan dugun lekua birkokatzeko; aukera dira historia... [+]
Willendorf (Austria), 1908. Wachau bailarako aztarnategi batean, Josef Szombathy arkeologoak emakumezko baten estatua antropomorfo txiki bat aurkitu zuen, 11 cm ingurukoa, harrian zizelkatua eta okre gorriz tindatua.
Orduz geroztik, Paleolitoko venusik ezagunena da, eta... [+]
Siberiako taigan duela 8.000 urteko gotorlekua topatu dute Berlingo Freie Universitäteko ikerlariek, inoizko zaharrena. Gotorlekuak Iraultza Neolitikoarekin batera iritsi zirela uste izan da luzaroan, nekazaritzak komunitateak egonkortzea ekarri zuelako.
Baina duela... [+]