Anna Bolena xarmagarria
OLBE-k antolatutako Donizettiren Anna Bolena opera. Bilbao Orkestra Sinfonikoa. Zuzendaria: Jordi Bernacer. Bilboko Opera Abesbatza. Zuzendaria: Boris Dujin. Bakarlariak: Joyce El-Khoury (sopranoa), Silvia Tro Santafé (mezzoa), Marko Mimica (baxua), Celso Albelo (tenorea), Anna Tobella (mezzoa), José Manuel Díaz (baritonoa). Eszena zuzendaria: Stefano Mazzonis di Pralafera. Eszenografia: Gary McCann. Lekua: Euskalduna Jauregia. Data: azaroaren 19a.
Donizettiren Anna Bolena opera handi, arranditsu eta ahots zailtasunez beteriko horietako bat da. Hau da, handikiro gozatzeko opera bat. Eta OLBEk ekarri digun ekoizpena partituraren eta libretoaren bertute guztiei etekina ateratzen dieten horietakoa izan da. Hau da, pelikula bat balitz, krispetekin hasi eta eserlekutik mugitzen ez garen horietakoa izango litzateke, ezta begiak kliskatu ere.
Ikusleek oso ondo pasatu zuten. Eta ez da harritzekoa. Henrike VIII.a erregearen abentura bitxiek eta ezkontza-esperientzia dohakabe eta kriminalek entzuleen morboa pizten dute beti. Eta Anna Bolena gaixoaren kasua benetan berezia izan zen.
Baina hemen musikaz hitz egingo dugu. Eta, ikuspegi artistikotik, eskainitako ikuskizuna bikaina izan zen. Izan genuen Anna Bolenak benetako filigranak egin zituen bere ahotsarekin. Joyce El-Khoury sopranoak, libanoar jatorrikoa, malgutasun, sentsibilitate, potentzia eta distira lezioak eman zituen bere tinbrean. Va infelice azken arian bereziki liluratuta utzi gintuen, bere kantuan ñabardura bikainak erakutsiz.
Baina uste dut Silvia Tro Santafé mezzo valentziarra ez zela atzean geratu. Bikain eta segurtasunez jokatu zuen Jane Seymourren papera, ñabardura askoko rola, non interpretatzeko talentu handia erakutsi zuen.
Bestalde, Marko Mimica baxu kroaziarrak Henrike VIII.a sinesgarri eta ahots-sakontasun handikoa egin bazuen ere, ez dut uste oker nabilenik esaten badut saioaren gizonezko ahotsen artean, Celso Albelo tenorearena nabarmendu zela bereziki, Percyren rolean. Teknika ezin hobea erabiliz, erregistro agudo seguru eta garbia erakutsi zuen une oro, entzuteko zoragarria. Une bikainak izan zituen, baina azpimarratuko nuke Vivi tu... Nel veder la tua costanza aria, segurtasun harrigarriarekin kantatuta.
Bestalde, eszenografia xehetasunez zainduta egon zen. Azkenaldian egiten diren muntaketa minimalistetatik urrun, Anna Bolena honek hedapen eszeniko nabarmena izan zuen Gary McCannen lan bikainari esker.
Eta, amaitzeko, bai Bilbao Orkestra Sinfonikoaren lanak, Jordi Bernacerren gidaritza delikatu eta zorrotzarekin, bai Bilboko Opera Abesbatzaren aktuazioak, soila eta ongi enpastatua, lagundu zuten opera saio hau gogoratzeko saio bat izan zedin.
Durangoko Hitz liburu-dendan otu zitzaidan Saturraran operak merezi zuela kritika. Jose Julian Bakedanoren arrapostua batetik, liburu-dendako Gaizka Olabarriren berben ilusioa, horrenbeste urtean Hitz liburu-dendako ardura eraman izan duen Nekane Bereziartuak opera hori ikusteko... [+]
Orgia
Pier Paolo Pasoliniren obran oinarritutako ganbera-opera.
Musika: Héctor Parra.
Libretoa: Calixto Bieito. Ensemble Intercontemporain.
Zuzendaria: Pierre Bleuse. Eszenografia: Calixto Bieito. Bakarlariak: Ausrine Stundyte (sopranoa), Leigh Melrose (baritonoa),... [+]
Txoriek negar egiten dute. Ez guk bezala, nonahi, noiznahi, mainontzi, edota besterik gabe barruari eutsi ezinik… Ez zait berehalakoan ahaztuko behin Beran gertatua: urtero Ertz musika jaialdi sonatua egiten zen bertan eta tarteka paisaiarekin zerikusia zuen ekitaldiren... [+]
OLBE-k antolatutako Belliniren I Puritani opera. Euskadiko Orkestra. Zuzendaria: Giacomo Sagripanti. Bilboko Opera Abesbatza. Zuzendaria: Boris Dujin. Eszena zuzendaria: Emilio Sagi. Eszenografia: Daniel Bianco. Bakarlariak: Jessica Pratt (sopranoa), Xabier Anduaga... [+]
OLBE-k antolatutako Verdiri eskainitako errezitaldia
Bilbao Orkestra Sinfonikoa. Zuzendaria: Daniel Oren. Bilbao Operaren Abesbatza. Zuzendaria: Boris Dujin. Bakarlariak: Angela Meade (sopranoa), Daniela Barcellona (mezzoa), Sergio Escobar (tenorea), Giovanni Meoni... [+]
Ez da oso ezaguna Madama Butterfly operan kontatzen den istorioa Euskal Herriarekin erabat maiteminduta zegoen Pierre Loti idazlearen obra batean oinarrituta dagoela. Madame Chrysanthème da obra hori. Antzeko argumentua du, nahiz eta Lotiren originalak amaiera zoriontsua... [+]
Nekatu gabe mila aldiz goza daitekeen obra horietako bat da Rigoletto. Verdiren opera gailenetakoa da, pasarte oso ezagunak eta edertasun handikoak eta ikusleak erakartzen dituen argumentua dituena. Bere alaba ustezko madarikazio batetik etsi-etsian babesten saiatzen den... [+]
OLBEk azken urteotan egin duen proiekturik interesgarrienetako bat Tutto Verdi izenekoa izan da. Verdi musikagilearen opera guztiak antzeztu dira ziklo honetan, salbuespenik gabe. Eta opera horietako azkena da orain aipatuko duguna: Alzira.
Arrazoi askorengatik merezi zuen... [+]
Irratian operaz jarduten duenean aditu, eta operara joateko gogoa eragiten du. Kartsu mintzo baita mikrofonoaren aurrean. Operaz. Horixe du pasio, barru-barruraino sartua du pozoia, eta ez dago beneno hori aterako dion sendagile ez belagilerik.
Plazer izugarria da Euskalduna Jauregian emakumeen ariman sakontzen duten XX. mendeko bi lan hauez gozatu ahal izatea. Gutxitan izango dugu opera labur, bizi eta, argumentuari dagokionez, gogor hauek entzuteko aukera, benetan oso gutxitan programatzen direlako. Eta, egia esan,... [+]
Beti da plazera Mozarten opera batez gozatzea. Salzburgoko konposatzailearen errepertorio zabalean benetako harribitxiak daude, eta ez bakarrik musikaren ikuspegitik. Horixe da La clemenza di Tito obraren kasua, lan berezia baita, ikuspegi psikologikotik izaera introspektiboa... [+]
Operazaleok pozez itxaroten dugu OLBE-ren denboraldiaren hasiera. Eta aurten poza bikoitza izan dugu. Alde batetik, titulu eder-ederra, publikoaren kuttuna izan dugulako, eta, bestetik, interpretazio mundialak disfrutatu ditugulako. Behin baino gehiagotan entzun dugu Bilbon... [+]