Autodefentsa feminista aldarrikatu eta gizonen inplikazioa exijitu du mugimendu feministak
Urtero bezala, mugimendu feministak mobilizazioak iragarri ditu Emakumeen Kontrako Indarkeriaren Aurkako Nazioarteko Egunerako. Autodefentsaren aldarrian eta gizonen interpelazioan jarri dute fokua aurten. Itaia emakumeen antolakunde sozialistak bere deialdi propioak egin ditu.
Astelehenean, Euskal Herriko Mugimendu Feministak agerraldia egin zuen Bilbon, azaroaren 25era begirako deialdiak iragarriz. Beldurra eta kontrolaren aurrean, justizia feminista! Antolatuta gaude! leloa aukeratu dute aurtengo Emakumeen Kontrako Indarkeriaren Aurkako Nazioarteko Egunerako, eta lelo horren pean indarkeria matxistaren "hamaika formak" salatuko dituzte. Emakumeen aurkako indarkeriak har ditzakeen forma askotarikoen adibide gisa aipatu dituzte "indarkeria instituzionala, lan esparruan jasaten duguna, etxean jasaten duguna" edota "heteroarautik ateratzearren jasaten duguna".
Pasa den udako gertakariak jarri dituzte adibide gisa, ziztaden aferarekin ikusi baitugu nola azaleratu den indarkeria forma berri bat. Mugimendu feministak salatu du indarkeria forma berri hori aplikatzeko mekanismo ezberdinak jarri direla martxan: "kontrol sozial etengabea, beldurrean oinarritutako mezu eta neurriak, poliziaren presentzia neurrigabea... eta dena, berriz ere fokua emakumeongan jartzeko. Esan dezakegu sistema heteropatriarkal kapitalista are modu gordinagoan azaleratu zaigula".
Indarkeria horren guztiaren aurrean hartu beharreko bidea zein den argi dutela adierazi dute, azken urteetan hartutako berbera dela azpimarratuz: antolakuntza eta borroka. Beren arabera, hori zertan oinarritzen den adierazi dute: "Gure arteko sareak eraiki, elkar zaindu, borroka komunak martxan jarri, ardurak hartu, gizonak interpelatu eta sistema errotik aldatzeko bideak eraiki". Eta bide horretan tresna eraginkorrena delakoan, autodefentsa feministaren aldarria egin dute.
Exijentziak helarazteko ere baliatu dute hitzartzea, eta gizonak interpelatu dituzte, indarkeria matxistari dagokionez duten erantzukizunaren ardura har dezaten eskatuz. "Utzi erasotzaile izateari eta konplize izateari. Hartu egoerak eskatzen duen ardura eta erantzukizuna. Azaleko diskurtsoek ez dute balio praktikan ezer ez bada aldatzen".
Horiek esanda, Euskal Herriko hiriburuetako manifestazioak iragarri dituzte, herrietan ere mobilizazioak antolatzera edota horietan parte hartzera dei eginez.
Hegi Euskal Herrian azaroaren 25ean egingo dira manifestazioak. Donostian, 19:00etan abiatuko da Bulebarretik; Gasteizen, 19:00etan San Anton plazatik; Iruñean Gaztelu plaza izango dute abiapuntu, 20:00etan; eta Bilbon Jesusen Bihotzetik aterako dira, 19:00etan.
Biharamunean egingo dute manifestazioa Baionan, azaroaren 26an. 19:00etan abiatuko da mobilizazioa Herriko Etxeko plazatik.
Aldarri bertsuak aho ezberdinetan
Mugimendu feministaren ildo berean mintzatu da Euskal Herriko Bilgune Feminista ere, azaroaren 25era begira argitaratu duten Nazkatuta gaude. Autodefentsa feminista! idazkian. "Nazkatuta" daudela adieraziz hasitako irakurketak, mugimendu feministarenak bezalaxe, aipatzen ditu indarkeria matxistaren forma askotarikoak eta udan ziztaden aferaren harira jazotakoak. "Zorionez, feministok hamaika forma horien aurrean beste hamabi modu bilatu ditugu horiei aurre egiteko. Horregatik, horri guztiari aurre egiteko autodefentsa feminista da dugun tresna", aldarrikatu dute.
Horrez gainera, gizonak interpelatu ditu Bilgune Feministak ere, "erantzukizuna eta ardura" haiengan jartzeko nahia esplizitatuz. "Olatu feministak iritsi zirenean, gizon batzuek ondo ikasi zituzten diskurtso eta azaleko jarrerak. Lotsarik gabe erabili dituzte ikasitakoak. (...) Ikusi dugu nola sistema kapitalista heteropatriarkalak feminismoaren termino eta iruditegietatik etekina atera duen bezala, gizonek ere berdintsu egin dutela. Itxurak ez baitu errokoa aldatzen", arbuiatu dute.
Emakundek ere gizonengan jarri du begirada azaroaren 25eko kanpaina osatzerakoan. "Zer ez duzu ulertu nahi? Solik bai da baietz" da leloa, eta gizonen zuzentzeko helburuz sortua izan da.
Itaiak deitutako mobilizazioak
Mugimendu feministak egindako mobilizazio deialdiak alde batera, Itaiak deialdi propioak egin ditu Euskal Herriko hainbat hiri eta herritan.
Emakumeen antolakunde sozialistak ere indarkeria matxista hartzen ari den forma ezberdinak aipatu ditu, horiek egungo bizi eredura egokitzen doazela adieraziz. Eta autodefentsa aldarria ere egin dute, nahiz eta "autodefentsa sozialista" aldarrikatu duten "autodefentsa feminista" beharrean. Izan ere, ulertzen dute sistema kapitalista dela "indarkeria erreproduzitu eta areagotzen duena" eta hortaz "gizarte kapitalistan indarkeria matxistarekin amaitzea ezinezkoa dela", eta hargatik autodefentsak sozialista izan behar duela. A25 | Indarkeria matxistari aurre egiteko sozialismoa eraiki! bideoan jaso dute beren irakurketa.
Atzo eguerdian labanaz eraso zion bere amari Irunen eta Donostiako Ospitalean hil da. Erasotzailea epailearen aurrean deklaratzeko esperoan dago.
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]