Anduaga txapeldun
OLBE-k antolatutako Belliniren I Puritani opera. Euskadiko Orkestra. Zuzendaria: Giacomo Sagripanti. Bilboko Opera Abesbatza. Zuzendaria: Boris Dujin. Eszena zuzendaria: Emilio Sagi. Eszenografia: Daniel Bianco. Bakarlariak: Jessica Pratt (sopranoa), Xabier Anduaga (tenorea), Andrzej Filonczyk (baritonoa), Manuel Fuentes (baxua), Alejandro López (baxua), Josu Cabrero (tenorea), Laura Vila (mezzoa). Lekua: Euskalduna Jauregia. Data: urriaren 15a.
Ez diot inolaz ere gureari bakarrik distira eman nahi, ezta I puritani ekoizpen eder honetako gainontzeko bakarlarien aktuazioa gutxietsi nahi ere, baina, egia esan, etxean kilate askoko tenorea dugu, eta merezi duen lekua eman behar zaio.
Uda honetan Xabier Anduagak txundituta utzi gintuen Donostiako Musika Hamabostaldian La fille du régiment operan egindako interpretazio bikainarekin. Horregatik, jakin-min handia genuen ikusteko (eta entzuteko) obra honetan, I puritani operan hain zuzen ere, lehen erakutsitako ezaugarri horiek guztiak oraingo honetan frogatuko ote ziren jakiteko. Esan daiteke I puritani-ko Arturoen papera zailenetakoa dela tenore batentzat. Berez, bakarlariaren kalitate-neurria ematen digun rola da. Eta, kasu honetan, neurria bikaina izan zen.
Dena den, ez ziren Anduagaren dohainak bakarrik izan emanaldi hau azken aldian ikusi dugun onenetakoa egin zutenak. Puntu positibo asko izan zituen Euskalduna jauregiko jardunak. Alde batetik, eszenografia oso ederra izan zen. Zuriaren ugaritasunarekin eta kolore beltz ukituekin, Daniel Biancoren eszenografiak ametsezko mundu batera eraman gintuen, obraren atzealde historikoa desitxuratu gabe, guztiari aura zinematografiko bat ematen ziona.
Gainera, Euskadiko Orkestra, Giacomo Sagripantik gidatuta, dotore aritu zen. Nabarmendu gabe azpimarratzen jakin zuen, une oro ahotsekin oreka ona mantenduz. Emanaldi honen beste puntu oso positibo bat Bilboko Opera Abesbatzaren aktuazio bikaina izan zen, opera honetan lan batere erraza ez zuena.
Xabier Anduaga abeslariarengana itzuliz, bere kristalezko agudoek eta bere erregistro ertain ederrak distira egin zuten. A te o cara arian eta Fini mi lassa duoan, gaueko beste izarra izan zen Jessica Pratt sopranoarekin batera, entzuleak maitemindu zituen.
Bakarlarien arloan, ez zuen Anduagak soilik distira egin. Esan dudan bezala, Jessica Prattek Elvira zoragarria egin zuen. Pertsonaia honek ahotserako dituen zailtasun guztiak erraz eta edertasun tinbriko handiz konpondu zituen. Gozotasuna eta adierazkortasuna erakutsi zituen erdi bana.
Gainerako bakarlariek protagonisten mailan egoten jakin zuten. Bai Andrzej Filonczykek, Riccardoren paperean, bai Manuel Fuentesek, Sir Giorgio Valtonenean, eraginkortasunez bete zituzten beren interpretazioak.
Donizettiren Don Pasquale opera
Taldeak: EOS eta Bilboko Operako Abesbatza.
Bakarlariak: S. Orfila, M.J. Moreno, F. Demuro, D. Del Castillo, P.M. Sánchez.
Eszena-zuzendaria: Emiliano Suárez.
Eszenografia: Alfons Flores.
Lekua: Euskalduna Jauregia.
Data:... [+]
Egia esan, pena ematen dit kritika honi izenburu hau ipintzea. Bizeten Carmen oso opera ederra da, sentimendu unibertsalak jorratzen dituena, hala nola pasioa, jeloskortasuna, maitatuaren posesioa, independentzia... Eta hori guztia musika-lan bikaina oinarri hartuta. Baina... [+]
Durangoko Hitz liburu-dendan otu zitzaidan Saturraran operak merezi zuela kritika. Jose Julian Bakedanoren arrapostua batetik, liburu-dendako Gaizka Olabarriren berben ilusioa, horrenbeste urtean Hitz liburu-dendako ardura eraman izan duen Nekane Bereziartuak opera hori ikusteko... [+]
Orgia
Pier Paolo Pasoliniren obran oinarritutako ganbera-opera.
Musika: Héctor Parra.
Libretoa: Calixto Bieito. Ensemble Intercontemporain.
Zuzendaria: Pierre Bleuse. Eszenografia: Calixto Bieito. Bakarlariak: Ausrine Stundyte (sopranoa), Leigh Melrose (baritonoa),... [+]
Txoriek negar egiten dute. Ez guk bezala, nonahi, noiznahi, mainontzi, edota besterik gabe barruari eutsi ezinik… Ez zait berehalakoan ahaztuko behin Beran gertatua: urtero Ertz musika jaialdi sonatua egiten zen bertan eta tarteka paisaiarekin zerikusia zuen ekitaldiren... [+]
OLBE-k antolatutako Donizettiren Anna Bolena opera. Bilbao Orkestra Sinfonikoa. Zuzendaria: Jordi Bernacer. Bilboko Opera Abesbatza. Zuzendaria: Boris Dujin. Bakarlariak: Joyce El-Khoury (sopranoa), Silvia Tro Santafé (mezzoa), Marko Mimica (baxua), Celso Albelo... [+]
OLBE-k antolatutako Verdiri eskainitako errezitaldia
Bilbao Orkestra Sinfonikoa. Zuzendaria: Daniel Oren. Bilbao Operaren Abesbatza. Zuzendaria: Boris Dujin. Bakarlariak: Angela Meade (sopranoa), Daniela Barcellona (mezzoa), Sergio Escobar (tenorea), Giovanni Meoni... [+]
Ez da oso ezaguna Madama Butterfly operan kontatzen den istorioa Euskal Herriarekin erabat maiteminduta zegoen Pierre Loti idazlearen obra batean oinarrituta dagoela. Madame Chrysanthème da obra hori. Antzeko argumentua du, nahiz eta Lotiren originalak amaiera zoriontsua... [+]
Nekatu gabe mila aldiz goza daitekeen obra horietako bat da Rigoletto. Verdiren opera gailenetakoa da, pasarte oso ezagunak eta edertasun handikoak eta ikusleak erakartzen dituen argumentua dituena. Bere alaba ustezko madarikazio batetik etsi-etsian babesten saiatzen den... [+]
OLBEk azken urteotan egin duen proiekturik interesgarrienetako bat Tutto Verdi izenekoa izan da. Verdi musikagilearen opera guztiak antzeztu dira ziklo honetan, salbuespenik gabe. Eta opera horietako azkena da orain aipatuko duguna: Alzira.
Arrazoi askorengatik merezi zuen... [+]
Irratian operaz jarduten duenean aditu, eta operara joateko gogoa eragiten du. Kartsu mintzo baita mikrofonoaren aurrean. Operaz. Horixe du pasio, barru-barruraino sartua du pozoia, eta ez dago beneno hori aterako dion sendagile ez belagilerik.
Plazer izugarria da Euskalduna Jauregian emakumeen ariman sakontzen duten XX. mendeko bi lan hauez gozatu ahal izatea. Gutxitan izango dugu opera labur, bizi eta, argumentuari dagokionez, gogor hauek entzuteko aukera, benetan oso gutxitan programatzen direlako. Eta, egia esan,... [+]
Beti da plazera Mozarten opera batez gozatzea. Salzburgoko konposatzailearen errepertorio zabalean benetako harribitxiak daude, eta ez bakarrik musikaren ikuspegitik. Horixe da La clemenza di Tito obraren kasua, lan berezia baita, ikuspegi psikologikotik izaera introspektiboa... [+]
Operazaleok pozez itxaroten dugu OLBE-ren denboraldiaren hasiera. Eta aurten poza bikoitza izan dugu. Alde batetik, titulu eder-ederra, publikoaren kuttuna izan dugulako, eta, bestetik, interpretazio mundialak disfrutatu ditugulako. Behin baino gehiagotan entzun dugu Bilbon... [+]