Lurraldeen mestizajea
Bartzelonan “Biennal del Pensament 2022” egin dute eta nafar hiriburuan 1972-2022 Iruñeko Topaketen omenezko programa. Programazio kultural esanguratsuak garai bertsuetan hemen eta han gertatzea ez ezik, EAEko agendan Iruñeko jardunaldien oihartzun isila ere albiste izan da. Lurraldean hormigoizko horma ikusezin batek eragiten duen blokeoaren aurrean, lurraldeen mestizajea proposa dezagun. IruñeaInnsbruck, HernaniSevillaMarkinaGerendiain…
Diziplinen mestizajea
1972an orduko abangoardia artistikoa bildu zen Iruñean, eta Prada Poole arkitekto esperimentalak plastikozko burbuila puzgarrien bidez osatu zuen Topaketen behin-behineko eraikina, Ibizan probaturiko egituraren garapena. Topaketen 50. urteurrenean, Poolen lana azaltzen duen erakustaldi bat egin da Iruñean, arkitektura praktika artistikoen zakuan sartuz.
Pentsaldien mestizajea
2022ko Iruñeko Topaketetan entzundako pentsaldiak, praktika artistikoetatik sorturikoak, interesa piztu dezakete edonorengan. Lehena, ikerketa fokoei buruz. Interesa sortzen digun “horretan” zentratu beharrean, gatazka eragiten digunean lan egingo bagenu, errealitatearen konplexutasunetan murgilduko ginateke eta emaitza borobilen ordez, erantzun oparoak, itxierarik gabekoak eta segur aski kontraesankorrak izango genituzke. Kontraesana duintasunez besarkatzearen beharra goraipatuko genuke (Mireia Sallarésen hitzetan). Bigarrena, gorputzari buruz. Hain gaude ohituta errealitatea gizakiaren lekutik begiratzera, baina mikrobiologiatik gorputza bakteria kolonia bat da, energia eta elikadura trukatzen dutenak, eta ez dago argi non hasi eta bukatzen den, gorputz indibidual baten ideiarik ez dago (Maria Ptqk-k esana). Zibilizazioren zutabe nagusiak desegiten hasi dezaketen begirada hauek datoz gizakiaren zibilizazio proiektuaren porrota gertu dagoenean, 2022an 1972ean baino gehiago.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
Badira zenbait pertsona aztertzekoak direnak, euren artean Elon Musk. Duten askatasunaren ideiak dena kontrolatzeko beharretik datorrela dirudi, botere guztia izatetik, botere guztia izanda negozioak sortzea errazagoa delako, eztabaidarik ez baitago; eredu hegemonikoak indartsu... [+]
Ikasle asiriar eta babiloniarrek ez zuten ezagutzen eskua altxatzeko artea. Mendeak igaro behar izan ziren, bai eta beharbada milurtekoren bat ere, Egiptoko eskola bateko ikasle batek, zerbait galdetu nahi baitzuen, eskua altxatzeko artean saiatzeko: azalpen bat ematen ari zen... [+]
Garai hiper azeleratu eta likido hauetan erantzun sendoek heldulekuak eskaintzen dizkigute. Erraza da krisi garaietan halako premisa bati heldu eta zure egitea, bandera altxatzeraino. Inguruan gertatzen ari den guztia ulertzeko erantzunak behar dituzu, erantzun azkarrak; eta... [+]
Andere agurgarria:
Zer moduz uda? Ondo espero dut. Oraingo honetan, harira joango naiz, zure baimenarekin.
Dakizunez, merkatu ultra-liberalenen berezko lehia-logikan sartuta, ikastetxeek era guztietako "proiektuak" abiarazi behar dituzte. Jakin behar duzu... [+]
Esan ohi da uda sasoia parentesia dela politikan. Agian politikaren ikuspegi instituzional hutsa duenak pentsatuko du horrela, baina oraindik ere amaitzear den aurtengo udak eman digu zer aztertu.
Uda sasoia hasteko zela osatu zen Araba, Bizkaia eta Gipuzkoako autonomia... [+]
Baserritarrek badute oporrik? Galdetu dute eskolan. Ezezkoa erantzun dute ikasleek. Orduan, egunero lanean, baserritar izan nahiko zenukete etorkizunean? Eta inork baserritarra izan nahi ez badu, nork egingo du guretzako janaria? Airean gelditu da galdera.
Pertsonaren osasun... [+]
Osatu dira, horretarako bitartekoak jarri, eta nahiko azkar. Ze lasaitua, dena isildu denean. Baina balantza handia izan da, eta begien atzean izu bat gehiago pilatu zaie, uneren batean pentsatu dutelako, gainera, agian, ez zirela inoiz itzuliko, edo ez guztiz. "Pasa... [+]