Interes-tasa: haiek igo, zu pobretu
Diruaren merkatuko prezioa, interes-tasa, etengabe ari dira igotzen mundu osoko banku zentralak, baita Europan ere. Europako Banku Zentralak (EBZ) hainbat urtez dirua kasik doan eman ondoren, %0,50 igo zuen tasa hori uztailean eta %0,75 irailean, inoizko igoerarik handiena.
Prezioen igoera baten aurrean, soluzioa moneta politika gogor bat izatea dela dioen ortodoxia ekonomikoari eutsi dio EBZk. Baina aditu askoren ustez hori ez da irtenbidea izango.
Hasteko, ez duelako jotzen inflazioaren jatorrira: iaz hasi ziren prezioak goraka –Ukrainako gerra oraindik ez zegoenean–, elektrizitate enpresek merkatu marjinalistaren zirrikituak aprobetxatuta. Eta batez ere, ez da soluzio bat munduko zorra jadanik BPGren %350 delako, Roser Espelt ekonomialariak duela hiru aste orriotan gogorarazi bezala; zor hori kitatzeko diru gehiago ordaindu behar izateak, galbidera eraman ditzake familiak, enpresak eta herrialde osoak.
Nazio Batuen Erakundeak berak, azkeneko bilkuran banku zentralei eskatu die gelditzeko sukar monetarioa, “mundu mailako atzeraldia” eragin dezakeelako.
Baina batzuei hipoteka %37 igoko zaien bitartean, bestetzuei mesede galanta egingo die diruaren garestitzeak: Espainiako Estatuan 14.630 milioi euro igaroko dira bankuen eskuetara Carlos Sánchez Mato ekonomia irakasleak El Salto-n azaldu zuenez, “horiek baitira EBZren benetako akziodunak”.
Soldaten igoera “arrisku foku bat” da gobernadore jaunarentzat
EBZk interes-tasak igotzen jarraituko duela jakina da. Baina noraino? Bere buru Christine Lagardek Europako Parlamentuan onartu zuen igoerak ez duela sabairik, eta bileraz bilera joango direla ikusten –hurrengoa urriaren 27an dute–, eskaintza eta eskariaren arteko “puntu neutral” batera iritsi arte. Asko dira, ordea, puntu hori ezinezkotzat dutenak, 2008ko krisiaz geroztik dirua “pozoindu” egin dutelako bankuak salbatzeko, Yanis Varoufakis greziar finantza ministro ohiak idatzi moduan. Baina ekonomia agintariek beste kezka batzuk dituzte antza…
.jpg)
Irailaren 29an Espainiako Bankuko Gobernadore Pablo Hernández Cos Barakaldon izan zen, CEDE Espainiako Zuzendarien eta Exekutiboen Konfederazioak BECen antolatutako ekitaldi batean. Interes-tasak %2,5era igoko direla iragartzeaz gain, diskurtso beldurgarria eman zuen Hernández Cosek, Felipe VI.a espainiar erregea aurrean zuela. Pozik agertu zen eskaria –soldaten igoeraz ari zen– ez delako hainbeste igo, bere ustetan soldata igoerak "arrisku foku bat" baitira inflazioaren espiral batean sartzeko. Gobernadoreak gogorarazi zuen inflazio %9an den bitartean, soldatak %2,5 besterik ez direla igo, “lasaigarria da”, erantsi zuen.
[Artikulu hau Ondarerik gabeko herritarrak, pobreziaren atzaparretan erreportaje zabalagoaren parte da.]
Europar Batasuneko Justizia Auzitegiak Apple eta Irlanda kasua ebatzi, eta Googleren aurkako zigorra berretsi du, nagusitasunezko posizioaz abusatzeagatik.
Aparteko ordu boluntarioekin betetzen ari dira medikurik gabeko zerbitzuak Elizondon. Xabi Zarandona medikuak salatu du ezinezkoa dela gaixoen jarraikortasuna bermatzea.
Kalera atera dira salatzeko Bortziri eta Baztanen mediku eta pediatren falta, itxaron zerrenda amaigabeak eta hitzorduen atzeratzea jasaten ari direla, besteak beste. “Landa eremuan bizi garenok ere merezi dugu behar dugun bezala artatuak izatea”.
Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]
Europako Banku Zentralak interes tasak jaitsiko ditu ostegun honetan, bi urtetako etengabeko gorakadaren ondoren. Diruaren garestitze edo merkatzeak zuzeneko eragina du Euriborrean eta herritarrek ordaindu behar duten hipoteketan. Baina nola nabarituko da aldaketa hori?
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Hego Euskal Herrian, egun indarrean dagoen neurri mesedegarri batek soilik jarraituko du aplikatzen, gutxienez ekainera arte: oinarrizko elikagaiei BEZik ez ordaintzea.
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Gaur egungo eta etorkizuneko mundua ulertzeko gakoak eskaintzen dituen ezinbesteko liburua kaleratu du ARGIAk, Pello Zubiria Kamino kazetariaren eskutik. Aldizkariaren Net Hurbil sailean hogei urtez egindako artikulu mamitsuetatik abiatuta, munduko bazter askotako krisi eta... [+]
Araba, Bizkaia eta Gipuzkoako sektore publikoan greba eguna da gaurkoa, ELA, LAB, CCOO, Steilas, SATSE eta ESK sindikatuek deituta. Goizaldean abiatu dira lehen zutabeak eta manifestazioa handienak eguerdian egingo dituzte hiriburuetan.
Krisi ekonomiko betean, 2013an Iberdrolak argindarraren prezioa manipulatu eta artifizialki igo zuela ondorioztatua du Espainiako Merkatuen eta Lehiaren Batzordeak, eta horren erruz kontsumitzaileek 96,7 milioi euro gehiago ordaindu behar izan zituztela. Konpainiaren aurkako... [+]
Kontsumorako Prezioen Indizea (KPI) berriro jaitsi da, Espainiako Estatuaren kasuan bere lekura itzuli arte gainera, egungo doktrina ekonomikoak ezartzen duen %2tik behera dagoelako jada. Azpiko inflazioaren bilakaera motelagoa da, baina tira, pozik agertu dira arduradun... [+]