Udaltzaingoek euskarazko B2 mailarik behar ez dutela dioen epaia errekurrituko du Jaurlaritzak
Eusko Jaurlaritzako Segurtasun Sailaren hitzetan, hizkuntza maila eskatzea "funtsezkoa da euskal Poliziak gizartearekin harremana izateko" eta "herritarrei zerbitzu hobea emateko". Hala, helegitea iragarri du Ana Maria Martinez epailearen (Laudioko Udalaren aurkako epai polemikoa eman zuen berbera) ebazpenaren aurka: horren arabera, ez da ziurtatu behar euskarazko B2 maila izatea Udaltzaingorako deialdi publikoan izena emateko.
Gasteizko Administrazio Auzitegiak UGTren aldeko ebazpena eman du: EAEko Udaltzaingoaren lan poltsan egoteko ez da euskarazko B2 maila egiaztatu beharko. Ana Maria Martinez epaileak esan du berriro onartu beharko direla baldintza hori ez betetzeagatik zerrendatik kanpo geratu ziren hautagaiak. Hain zuzen, epaile hori izan zen Laudioko Udalari agindu ziona bitarteko funtzionario bat berriro hartzeko (lanpostua galdu zuen euskarako eskakizuna ez izateagatik), argudiatuta udalak ez zuela kontuan hartu “euskara munduko bosgarren hizkuntzarik zailena” dela.
Oraingo kasuan UGT sindikatuak ezarri zuen helegitea, argudiatuz 2021eko deialdi publikoan “diskriminatu” egiten zituztela B2 maila egiaztatu ez zuten Udaltzaingorako hautagaiak. Sindikatuak defendatu zuen pertsona horiek gai direla “zenbait lanpostu” betetzeko, nahiz eta onartu zuten ezin dietela herritarrei euskarazko zerbitzua eman, Berria egunkariak zehaztu duenez.
Euskalgintzaren Kontseiluak gogor salatu du ebazpena, eta ohartarazi dute herritarren eskubideen urraketa dela. Paul Bilbao idazkari nagusiak auzitegien jarduna kritikatu du, eta herritarrei dei egin die aurre egitera: "Azken hilabeteotan esaten ari gara Auzitegiak hizkuntza-politika egiten ari direla, euskaldunon eskubideen aurkako ofentsibari jarraitzen diotela. Alta, gaurko ebazpena kate horretako beste kate-begia besterik ez da. Horrexegatik, honi guztiari modu bateratuan erantzun behar zaiola uste dugu".
ELA sindikatuak ere salatu du “euskaraz lan egiteko eta herritarrak euskaraz artatuak izateko eskubidea” urratzen duela ebazpenak. Halako ebazpenei aurre egiteko, oposizioak eta instituzioz instituzioko lan poltsak proposatu ditu ELAk.
Hizkuntza Eskubideen Behatokiak oharra egin du: epaiak arriskua dakar eskubide urraketak betikotzeko, herritarren eskubideen eta eskaintzen den zerbitzuaren kalterako.
Ez da kasu bakana Udaltzaingoaren hizkuntza eskakizunekin auzia dagoena. Hain zuzen, Onintza Irureta kazetariak erreportaje hau egin zuen poliziek herritarren hizkuntza eskubideak urratzeari buruz: Udaltzainek zergatik ez digute euskaraz egiten?
.jpg)
Hizkuntz Eskubideen Behatokiak jaso ditu kexak: bisita gidatuak gaztelania hutsean, eta sarrerako zerbitzuetan ere bai. Bitxia da kontua: baskoien mintzairaren hitzak dituela uste den brontzezko objektua ikustera joan... eta azalpenak gaztelaniaz. Kexek eragina izan dute, eta... [+]
Gabonetako argiak pizteko ekitaldia espainolez egin izanak, Irungo euskaldunak haserretzeaz harago, Aski Da! mugimendua abiatu zuen: herriko 40 elkarteren indarrak batuta, Irungo udal gobernuarekin bildu dira orain, alkatea eta Euskara zinegotzia tarteko, herriko eragileak... [+]
Manifestazioa goizeko 11:30ean izango da, Justizia Jauregian. Mugimenduak euskaldunon eskubideen alde eta auziperatuekiko elkartasunean luzatu du deialdia. Auziperatuek iazko Euskararen Egunean Baionako Justizia Auzitegian "Justizia Euskararentzat" pintaketa egin zuten... [+]
Eskola segregatua izan da Gasteizko Judimendi ikastetxe publikoa, hiri guztiko ikasleak hartu ditu, jatorri atzerritarreko familien seme-alabak. Baina A hizkuntza eredutik D eredura igarotzeaz gain, auzoak eskola bere sentitzeko eta auzoko familiak erakartzeko egindako... [+]
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Irungo euskaldunen pazientziak gainezka egin du; haserre daude eta oraingoan ez dira "isilik geratuko". Gabonetako argiak pizteko ekitaldia erdara hutsean egin izanak hiriko 35 elkarte eraman ditu udalaren hizkuntza politika salatzera –aurrekari gutxi izango ditu... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Korsikako legebiltzarkideek ezin dute Korsikako Asanblean korsikeraz hitz egin, Bastiako Auzitegiaren 2023ko epai baten arabera. Ebazpen horri helegitea jarri zion Asanbleak, baina debekua berretsi du orain auzitegi berak. Epaiak tokiko beste hizkuntzei eragiten diela ohartarazi... [+]
ELA, LAB eta Kontseiluak elkarretaratzea egin dute, Administrazioarekiko Auzietarako epaitegi batek Kabia organismoari emandako ebazpenaren aurka protestatzeko. Euskara maila bermatzeko ahalegina “hutsaren hurrengoa” bilakatzeko arriskua dagoela salatu dute.
Donostiako Decathlon saltoki handiak errotulazioak euskaraz ez dauzkalako kexa jarri du kontsumitzaile batek Behatokian. Saltokiaren erantzuna (gaztelaniaz) esanguratsua da: Erkidegoko legeak ez du jasotzen inongo inposiziorik karteldegia euskaraz jartzeari buruz. Alegia, lege... [+]
Kabia organismoaren zaharren egoitzetan 54 plaza egonkortzeko 2022an onartutako lan-eskaintza bertan behera utzi du Donostiako epaile Gonzalo Pérez Sanzek. Gipuzkoako Aldundiaren erakundeak jarritako hizkuntza eskakizuna gehiegizkoa eta baztertzailea dela dio epaileak.
6.000 eurotik 10.000 eurorainokoak izango dira zigorrak. Katalana da Andorrako hizkuntza ofizial bakarra, nahiz eta biztanleen erdiaren ama hizkuntza gaztelania den.
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]