Gehiago izan gaitezke
Interneten musika entzuten duzunetakoa bazara, ia seguru ezagutzen duzula Kokoroko. Agian uste duzu ezetz, baina hartu segundo bat eta bilatu Abusey Junction. Oscar Jeromeren gitarra riff malenkoniatsua ezaguna egin da Spotify eta YouTube gisako plataformetako algoritmoaren gogokoenen artean egoteagatik. Entzunaren entzunez, akaso, galdu du bere esanahia. Baina kanta eder askoa dela ez uka.
We Out Here bilduman lehenik eta ostean euren Kokoroko EP-an agertu zen kanta horri esker, mundu mailan ezaguna egin den Londreseko taldeak bere lehen lan luzea kaleratu berri du lau urte eta gero. Could We Be More da afrobeat, highlife eta soul nigeriarrak disko luze batean hartzen duen forma.
Ia erritmoz aldatu gabe, kanta batetik bestera egiten da salto, bidaia beraren parte sentituz pista guztiak. Bidaia kosmikoa une batzuetan, barnera begirakoa besteetan. Arrazakeriaren kontrako borroka bizi-bizi dago Londresen, eta jazz musikari gazteak horren erakusle dira, besteak beste, kulturartekotasunaz eta sustraien aldarria praktikara eramanez.
Dide O eta Home abestiek dute lehen aipatutako Abusey Junction-en dardara bertsua, edo antzekoena behintzat. Baina badira mugituagoak, Soul Searching eta War Dance, esaterako, baita single itsura hartu duen Something is Going On, Marvin Gayeren galderari erantzunez edo. Taldeko hiru nesken ahotsen koroek dotore janzten dituzte errepikak. Bide batez, beraiek dira taldearen arimak: Sheila Maurice-Grey tronpetan, Cassie Kinoshi saxoan eta Richie Seivwright tronboian. Those good times-en egiten dute dirdira gehien, agian nostalgikoena eta komertziala den pieza ederrean.
Diskoak badu, agian, zuzentasunerako joera handiegia. Maurice-Greyren tronpetak bestelako freskotasuna eman zion Nubya Garciaren Lost Kingdoms kantu zoragarriko solo zoragarriari, adibidez. Itxura du, lau urteren ostean, pentsatuegia dagoela lan hau, eta ezer ez dela zegokion bidetik ateratzen. Afro-jazzak bestela iradoki dezakeen arren.
Edonola ere, bidaia ederra da lan hau. Ez bilatu hemen, beraz, Afrikako doinu pentatonikoekin eta erritmo frenetikoekin osatutako lana. Sustraiak barnerantz doazelako bidaia honetan. Guztia neurgarri eta neurgailu den honetan, gehiago izan gaitezkeelako zenbakiz, eta gehiago izan gaitezkeelako bestela ere.
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]
El país de las maravillas
Kinky boys
Autoekoizpena, 2024
---------------------------------------------
Izenaren adieratik gutxi dauka, gaur egun, Bilbon sortutako hirukoteak. Are gehiago, partaideen ibilbideak joan dira garatzen eta aldatzen. Marga Alday ezaguna... [+]
Agur Eta Ohore X Allá Va La Despedida
Chill Mafia
2024
---------------------------------------------------
Chill Mafiak inauguratu zuen aroak lurperatu du Chill Mafia. Denak ez duela zertan betirako iraun, hori argi baino argiago dugu. Eta hobe dela orain,... [+]
Errautsetatik loratzen
Añube
Autoekoizpena, 2024
-------------------------------------------------
Aspaldian sarri pentsatzen dut Debagoienan gazteek ia soilik musika urbanoa edo oi! musika, bata edo bestea, entzuten dutela; hortik kanpo apenas dagoela jende... [+]