Aitzindari eta ez ulertuak
1988an, Euskal Herrian gazteria punkean eta RRVan buru-belarri murgilduta zegoen garaian, Bilbo eta Santurtzi artean La Secta taldea sortu zuten ozeanoz bestaldeko –antipodak barne– musikari so egiten zioten lau gazte ausartek; haietako bat zen La Herencia de los Munster fanzine aitzindariaren bultzatzaile Gorka. Stooge-ez gain, Spacemen 3, Scientists eta beste hainbat talde ilun eta kiribildun maite zituzten, garai hartan hemen erabat ezezagunak zirenak, eta horien aldeko apustua egin zuten.
Kantuak idazten eta entseatzen hasi, fundamentua hartu eta Bordeleko Le Chalet-era jo zuten Sonic Boom-ekin batera haien estreinako lana grabatzera: Blue tales 1990ean kaleratu zen eta harrera beroagoa izan zuen atzerrian Euskal Herrian baino. Gorkak berak Iñigo anaiarekin batera martxan jarritako Munster Records-ek hauspotuta taldeak ibilbide luzea izan zuen eta munduan zabaldutako diskografia askotarikoa, baina taldekideak aldatuz joan ziren.
Bada, pandemiaren bezperarako, 30. urteurrenean, Blue tales berrargitaratu eta hasierako laukotea kontzertuak egiteko elkartu zen. Pandemiak atzeratu zuen guztia, baina diskoa kalean da berriro eta tarteka eman ohi dituzte soilik disko horretan oinarritutako zuzenekoak.
Kantuek ezinbestean beste garai batera eramaten gaituzte, eta harritzekoa da irudikatzea gurean hain aitzindariak izan zirela. Berrargitalpen hau Santiago Delgadok birmasterizatu du eta ahalegindu da originalaren esentziari eusten. Zortzi kantu propio, eta Suicide eta T-Rex taldeen bertsio bana, 20th century boy eta Ghost rider, azken hau stoogeagoa eta lehena basatiagoa. Horrez gain, edizio honen opari gisa Youth eta I hate that trip abestien bertsio alternatiboak ere batu dituzte, orain arte argitaratu gabeak.
Oro har bertan aurkituko duzue rock zikina, kiribildua eta tarteka hipnotizatzailea, garagea, punka eta grunge-aren lehen aztarnak gaztetasuna, freskotasuna eta bat-batekotasuna elkartzen dituen kokteleran. Denboraren poderioz hobeto ulertu eta dagokion lekua, merezitakoa, eskuratzen duena.
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]
El país de las maravillas
Kinky boys
Autoekoizpena, 2024
---------------------------------------------
Izenaren adieratik gutxi dauka, gaur egun, Bilbon sortutako hirukoteak. Are gehiago, partaideen ibilbideak joan dira garatzen eta aldatzen. Marga Alday ezaguna... [+]
Agur Eta Ohore X Allá Va La Despedida
Chill Mafia
2024
---------------------------------------------------
Chill Mafiak inauguratu zuen aroak lurperatu du Chill Mafia. Denak ez duela zertan betirako iraun, hori argi baino argiago dugu. Eta hobe dela orain,... [+]