Nafarroako 0-3 hezkuntza plataformak 60 eguneko greba bukatu du
Grebalariek aitortu dute ez dituztela helburuak bete, baina harro agertu dira irakasleen kolektiboak lortu duen batasunarekin, eta iragarri dute eskoletako prekaritatearekin amaitu ezean, grebara itzuliko direla.
Bi hilabeteko lanuztearen ondoren eta ikasturtearen amaierarekin amaitu da greba. Bozeramaileen esanetan, euren ohiko egoera ekonomikoa prekarioa da eta grebaren ondoren are eta gehiago, grebalari askok ezin dute aurrera jarraitu. Greba oso ikusgarria izan da Nafarroa osoan eta bereziki Iruñean. Protesta eta sentsibilizazio ekintzak etengabekoak izan dira, horietako askotan Foruzaingoa aurrez aurre, eta etengabe interpelatu dute Nafarroako klase politikoa.
Nafarroako Gobernuak eta Nafarroako Udalerrien eta Kontzejuen Federazioak kudeatzen dute 0-3 urteko hezkuntza publikoa, eta greba bultzatu duen plataforma haiekin aritu da negoziatzen. Lan baldintzak hobetu eta zikloaren doakotasuna betetzeko dirua, alabaina, Nafarroako Gobernuak jartzen du, eta hari zuzendu zaio nagusiki plataforma.
Alde horretatik, aste honetan bertan Nafarroako Gobernuak iragarri du 4,5 milioi euro gehiago jarriko duela datorren ikasturtean soldatak hobetzeko. Halaber, 55 irakasle berri kontratatuko dira datorren ikasturtean, eta 2023-2024 urterako ia beste hainbeste kontratatzeko konpromisoa hartu du.
Grebalariek diotenez, hori ez da nahikoa, eta azpimarratu dute dauden lorpenak egindako borrokaren ondorio direla, eta jarraituko dutela borrokan 0-3 zikloa duintasunezkoa izan arte, 3-6 zikloa bezala, eurena ere doakoa izan dadin: "Gure duintasuna ez dago salgai, ez da edozerengatik trukatzen, baizik eta, ematen da, edo ez da ematen".
Datorren irailaren hasieran hitz egiten jarraitzekotan geratu dira Nafarroako Gobernua, Udalerri eta Kontzejuen Federazioa eta 0-3 zikloko langileak.
Amaitu dutela iragarri zuten unea, Euskalerria Irratiko kazetari Haritz Pascualen txio batean:
Azkena…
60 egunen ostean, amaiera jarri dio @0Navarra Haur eskoletako hezitzaileen plataformak maiatzaren 2an hasitako grebari
“Ez dugu gure helbururik lortu baina ez dugu etzi, itzuliko gara!”
Bihar goizeko 8.30ean @fm983irratia n haiekin mintzatuko gara pic.twitter.com/EGE09vdNjA
— Haritz Pascual Garjon (@haritzpg) June 30, 2022
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Altsasun autobusak egiten dituen enpresako administrazio kontseiluak hartzekodunen konkurtsoa aurkeztu du asteazkenean. Langileen ordezkariek eskatu dute "benetako plan industrial" bat martxan jartzeko eta manifestaziora deitu dute, igandean Altsasun.
Cebek patronalak blokeoa baztertzeko exijitu dute grebalariek, baita eros-ahalmena eta lan-baldintza duinak bermatzen dituen lan-hitzarmena ere, azkenekoa 2009-2011 . urtetakoa baita. Urriaren 30eko greba egunean Ertzaintzak langile bat “inolako justifikaziorik gabe”... [+]
Ikasturteko bigarren greba eguna izan zuten asteartean hezkuntza publikoko irakasleek. Urriaren 29an Nafarroako hezkuntza sektoreko sindikatu nagusiek, hala nola Steilas, ANPE, AFAPNA, LAB, CCOO, ELA eta UGT-k greba eguna egin zuten.
Astearteko manifestazioa bukatuta aldarrikapenak Parlamentu aurrera eraman dituzte. Zenbait bide moztu dituzte eta tentsio uneak izan dira Espainiako Poliziarekin.
Atenasera joan zen master tesia egitera. Ezin izan zuen doktoretza bertan egin: haren espezialitatea desagertu egin zen gobernuaren mozketekin. 2010eko krisiak Grezian harrapatu zuen, ordea, eta ikasi zuen kapitalismo globalak ongizate estatua erraz suntsi dezakeela.