Eternitatea daramagu esna
Bilera batetik bost minutu lehenago alde egin eta korrika noa ea gonbidapenik geratzen den, kaskoetan Burutik. San Frantzisko plazan baloikada bat jaso –nola ez–, ikasle batzuk agurtu eta heldu naiz Erraldoien Txokora. Gonbidapenik ez, baina Jokin da atarian, beti bezain eskuzabal. Bere lekua utzi dit.
Kantu eta hitza. Mikel Urdangarin
NOIZ: ekainak 2
NON: Erraldoien Txokoa (Iruñea)
Piano eder batek hartzen du ia oholtza osoa. Ondoan gitarra bat eta aulkirik gabeko jendea lurrean eserita. Behin entzun nuen ohitura bat hiru belaunaldiren eskutik pasatzen delarik bihurtzen dela tradizio. Hiru belaunaldi eta hiru edizio baliokide badira, euriak heldu den urteko Kantu eta hitza zikloan itzuli besterik ez du behar tradizio bilakatzeko. Eskerrak aurtengo bisita minutu batzuetako kontua besterik ez den izan.
Momentu batzuk betiko gordetzeko egiten ditu kantuak Mikel Urdangarinek, nahiz eta batzuetan gertakariak pixka bat moldatu letrak edertzeko –beste askok bezala–, horregatik daramagu akaso eternitatea esna. Ez da batere erraza ordu eta erdian bakarkako emanaldi bati eustea, baina presentzia handiz eutsi dio margolariaren semeak, Ameriketatik heldu berritan jet lag-a zirika bazuen ere. Entzun ditugu kanta zaharrak eta ez hain zaharrak eta normalean baino laralara gehiago, letra inprimatu batzuk ahaztu izanaren ondorioz. Txoriek lagundu diote tarte instrumentalen batean.
Anarik bezala, Urdangarinek ere badu suteen inguruko albiste batetik tiraka eginiko kantu bat. Kiskalita hil zen emakumezko heldu bat Reusen, berogailua pagatzeko dirurik ez eta etxea argizariz betea izaten zuena. Kopla bihotzekoak inpaktu horretatik eginiko koplak dira. Agian dena aldatzen ahal da, agian nonbait biderik bada…
Bertsolari izandakoa da zornotzarra eta agian horregatik da gai publikoaren arreta mantendu, oholtzan bakarrik eroso egon –edo hori transmititu– eta espero gabeko egoeren aurrean duinki inprobisatzeko. Jon Lopategi izan zuen maisu bertsotan eta berarendako ere badu kanturik.
Munduko herririk politenekoa bada ere, Gasteizi idatzi dio kanta bat baino gehiago Urdangarinek eta horiek ez ezik, kantu denak maitasun kantak direla aipatu du, maitasun hori edozein motatakoa delarik ere. Maitasun kantak edo beldurraren kontrakoak, gauza bera finean. Horri eutsiz eskaini du azkena pianoarekin. Lau urte dira jotzen ikasten hasi zela eta gitarrarekin baino traketsago ikusten du bere burua. Lehen aldiz ikusi dut zornotzarra zuzenean eta espero nuena izan da ikusi dudana, ez gehiago ezta gutxiago ere.
Uda usaina du iluntzeak eta udan bezala aritu dira dantzan ondoan izan ditudan lauzpabost urteko bi neskatilak, poz-pozik, Lauaxetaren hitzen atmosferapean, Anek idatzi duena entzun artean edota bazkalosteko kafearen girotan.
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.