Antirrazismoa: inklusiboak ez garenongan jar dezagun fokua
Arrazista ez izatea eta antirrazista izatea ez dira gauza bera. Hori da sindikatuko kide arrazializatuekin batera ikasitako lehen irakaspena. Antirrazista izateak, arrazakeriak kontzienteki ez errepikatzeaz gain, ahaleginak egin eta arrazakeriaren kontra urrats zehatzak ematera garamatza. Jarrera aktibo bat du bere baitan, arrazializazioan oinarritzen den zapalkuntza sistemari aurre egitekoa.
Gutako bakoitzak leku ezberdinetik eraiki behar duen jarrera aktiboaz ari gara, ez delako berdina zapalkuntzaren subjektu direnen bidea edo pribilegio egoeran gauden zuriona. Bigarren talde honetan kokatzen garenok zainetaraino dugu sartua supremazia zuria, askotan klasismoarekin batera gure barruetan nahasi eta korapilatzen zaiguna.
LAB sindikatuak apirilean antolaturiko sindikatu antirrazista baterantz jaialdian Quinndy Akejuk gidatutako tailer formatiboak asko astindu gintuen, ispiluaren aurrean jarri eta gure praktika pertsonalez hausnarraraziz. Bertan ikasi genuen “zurion hauskortasun” terminoa: arrazak pribilegio-egoeran kokatzen gaituela onarturik, geure kontraesanak kudeatzeko erabiltzen ditugun hainbat eta hainbat argudio; izan ere, nork aitortuko dio bere buruari arrazista izan badela edo bagarela?
"Antirrazismoan aurrera egiteko, ez dezagun fokua edo arreta falta direnengan jarri; jar dezagun inklusiboak ez garenongan"
Gutasun berri bat eraikitzearen erronka da antirrazista izan nahi dugunona. “Besteak” eta “gu” terminoak baztertzeko ariketa kontzientea izan behar du, “nazio eta herri zapalduko herritarron” iruditegia guztiz eraldatuko duena eta eraldatu behar duena. Zapalduak izanagatik, bertako zuri kaukasoarrak zapaltzaile ere bagarelako askotan, eta pribilegio-egoeran edo posizioan egon bagaudelako uneoro; pribilegio egoera horrek eskubideak aitortu dizkigu eta aukera gehiago eman. Beraz, gure jarrera, hautu eta praktika pertsonal eta kolektiboak aztertu eta beste dinamika batzuk sortzeaz aritu behar dugu.
Ditudan harreman afektiboak hausnartzera narama beti gaiak: norekin eraiki ditudan harremanak, zein diren lagun sarearen parte; eta noski, zein ez. Izan ere, hutsuneak errealitatearen isla dira eta diagnostiko zehatza ematen digute. Alta, antirrazismoan aurrera egiteko, ez dezagun fokua edo arreta falta direnengan jarri; jar dezagun inklusiboak ez garenongan eta inklusiboak ez diren espazio, komunitate, antolakunde, egitura eta abarretan. Diseinatu ditzagun mekanismo eta tresnak egitura kolektiboak sortzeko, pertsona guztion eskubide eta aukera berdintasuna bermatzeko eta borrokatzeko. Gaia hezkuntzara eramanez, nahasi eta banatu ditzagun zuri autoktonoak; inklusiboak ez garenak hautu horiek hartzen ditugunak baikara.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Bidea pausoka egiten da, eta hasiak egina dirudiela ikasi nuen aspaldi xamar. Baina jendeak esaldi hori edukiz betetzen ere ikasi nahi du. Bakarrik ezer gutxi lor genezake, hasi orduko etsi, akaso. Sekulako jendetza biltzeak ere antolaketa zaildu eta ikusi beharrekoa gandutu... [+]
Ez zuen egoki jokatu, neurriak hartu behar ziren, bestela, ez dugu ikasten. Itxuraz, ez zen ohartzen egindakoaren inpaktuaz, normal jarraitzen zuen, batzuetan, ingurukoek baino itxura zoriontsuagoz. Gainera, altuegi hitz egiten du, hori ez zaio inori gustatzen. Darabiltzan... [+]
Hezkuntza Sailak ez ei du ulertzen publikoko langileak zergatik joan garen grebara. LAB sindikatuari galdetzea dauka. Sindikatu horrek akordioa sinatu zuen sailarekin, 2023ko apirilean. Urte bi geroago grebara deitu dute haiek ere, aurrekoetan ez bezala, Hezkuntza Sailak... [+]
Erretiratu berri den lankide-ohi baten omenez, Historiako irakaslea. Bejondeizula!
Hezkuntza-legeek azpimarratzen dute zein garrantzitsua den ikasleengan pentsamendu kritikoa sustatzea. Baina irakasle-klaustroak, garai batean ideien eztabaidarako eta proposamenak... [+]
Mendebaldeko herrialdeetako demokrazia liberalak demokrazia minimalista baten itxura gero eta handiagoa du. Definizioaren muina litzateke hauteskunde bidezko gobernu aldaketak errespetatzen direla. Horren aldaera autoritarioari Levitsky eta Way politologoek autoritarismo... [+]
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]
Euskadi irratian baineraren ordez dutxa jartzeko iragarkiak etxeko komunean obrak ya hastera animatzen duen kuña hori. Obra erraza, inbestitze txikia eta aldaketa handia iragartzen da. Komunetako sanitarioen joerak aldatu dira eta ahoz aho zabaldu da zeinen eroso eta... [+]
Lan aste laburragoak ezartzeko politika orokorra ekarriko du 2025 urteak, enpresentzako kontratazio berrietarako kostu txikiak eta lan harremanetarako aldaketa norabide eraginkorra ekarriz.
Espainiako gobernu akordioa betetzeko helburuarekin, lanaldia astean 37,5 ordutara... [+]
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Asteburu honetan 'estetikoa' hitzaren inguruan pentsatzen aritu naiz, lagun batek esandako esaldi baten harira: “Lan hau estetikoa da”. Estetikoa hitzaren etimologia aztertu dut, badirudi jatorrian zentzumenen bidez hautematea zela bere esanahia, eta gerora... [+]
Aurreko egunean, Bilbon, lagun batekin elkartu nintzen Bira tabernan. Tar-tarrean ari ginen oso gustura eta esan nion: “Noski, Giputxia zarenez, kar-kar-kar”. Eta berak nabarmendu zuen ez zela gipuzkoarra. Nik ongi ulertu gabe, jarraitu nuen esaten, “A! ez?... [+]