Vulk gara
Orain hiru urte eskaini zuen azkenengoz Vulk taldeak kontzertu bat Bilbon –azaroko emanaldi berezia kenduta–. Hiru urte non mundua eta berau habitatzen dugunok izugarri aldatu garen. Denbora honetan bilbotar laukoteak disko berria kaleratu du, Vulk ez da (Montgri, 2022). Beraien buruaren ukapena ez da soilik izenburura mugatu, etiketen esklabotzari barre egin baitiote taldeak inoiz grabatu duen diskorik aberatsenean. Berau aurkezteko emanaldi ugari eskaini dute eta azkenengo biak Bilbon izan dira, bata bestearen jarraian, etxean eta etxekoekin.
Vulk
NOIZ: ekainak 3
NON: Kutxa Beltza (Bilbo)
Ausart igo ziren agertokira, dotore jantzita, baina borrokarako prest. Trajearen azpian boxeorako botak antzeman zitezkeen. Hamar lagun baten kontra abestiarekin ireki zuten emanaldia. Izugarri ondo koipeztatutako makina da Vulk, oldarkorra eta amorruz betea. Hori erakutsi zuten lehenengo segundotik: taldekide bakoitza berean bikain egon zen. Laurak elkarrekin garaiezin agertu ziren.
Oskolaren azpian hauskorrak garela ezin ahaztu eta hori ere transmititzeko gai da taldea. Hortzak estututa barre egitea erasokor agertzeko beste modu bat da. Modu arriskutsuan bizi dira, oreka mantendu nahian, heriotzazko sarean harrapatuta ez geratzeko. Bigarren abestian –Laguna– “bizitzak engainatu gaitu
eta gurpilean sartu” garela aitortu zuten, heriotzaren aurkako borroka aurretik galdu dugula onartuz. Etsaia beti orpoan dugula ohartarazi ziguten izen bereko abestian, hau ere lan berrikoa. Azken diskotik kanpoko bi abesti baino ez zituzten jo: Urak errenditu eta Behiaren Begirada.
Emanaldiak aurrera egin ahala begirada konplizeak ezkutuan bidalitako bihotz beltzekin nahasi ziren. Izerdiak giroa busti zuen eta tarteka areto osora zabaldu ziren suteak piztu ziren. Momentu batean Lizardi igo zen taulara Amodioa kartzelan abestiarekin laguntzera. Saxoa eskuan baino, hau besarkatuta igo zen, hauskortasun momentuetan musika babesleku bakarra dela esan nahiko balu bezala. Errituaren puntu gorena Militantzia sutsua abestiarekin heldu zen, zeinari esker heriotzaren eta berpiztearen, suntsiketaren eta berreraikuntzaren lekuko izan ginen.
Orain hiru urte, guztiz jakitun ez baziren ere, bidaia bati ekin zioten Vulk-ekoek. Bidean mota guztietako erronka eta tentazioei aurre egin behar izan diete, baita gauza asko galdu ere. Itzultzeko ordua heldu zaie, kontuak ateratzekoa. Garaipen eta porrotak dakartzate poltsikoetan eta taula gainean jarri dituzte Bilbon eskainitako bi kontzertu hauetan. Zintzotasunez onartu dute lehen borroka, garrantzitsuena, gure buruaren aurka egiten duguna dela, gu geu garela gure antagonista nagusiak.
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Anari + Belako
Noiz: abenduaren 5ean.
Non: Iruñeko Zentral aretoan.
-----------------------------------------------
Gogoan dut Erasmuseko lehenengo hilabetean ikusi nituela aurreneko aldiz Belakokoak zuzenean. Ez nintzen haiek ikustera joan, azkenean bertan behera... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]
Kutixik jaialdia
Non: Intxaurrondoko Kultur Etxean, Donostian.
Noiz: Urriaren 26an.
---------------------------------------------
Donostialdean sortutako musika ekimena da Balio Dute, autogestioa zimendu eta lan-tresna gisa hartuta, "musikariak prekario, bakarti eta... [+]