Azkenean egin du. Azkenean, urtetako ibilbidearen ostean, Odei Barroso bertsolariak atera du bere bakarkako lehen lana. Tira, bertsolaria ez. Raplaria baita bertsolari izan aurretik. Baina bertsoaren jakintza ondo baliatuta dator, esatekoak zituenak errimaz esateko eta periferiatik astintzeko astindu beharrekoa.
Erritmoa sendoa, eta pausoak pausatu, zorrotza da disko honen lehen abizena. “Ez dut tiro egiten gratuitoki, balak garesti daude”. Gratuitoki ez, baina ez dirudi asko aurreztu duenik, balak garesti egon arren bata bestearen atzetik bota baititu. Inor salbatu al da bere kritikez?
“Rapero matxito”, “hater master” eta musika industrian ikusten dituenak ditu begiz jota Odeik, batez ere. Hainbeste marka, klik eta zenbakitik ihes egin, eta rapak eta kulturgintzak behar duten sustrai eta iparrorratzez ari da. Antzekoa politikan: “Guztia dakusat laino, nola heldu gira honaino, etsaien lagun bilakatu gara lagunak etsai bihurtzeraino”.
Badu biluzte ariketatik ere –Terapia izena ez da alferrikakoa– eta kontatzen dizkigu amaren galera, nerabezaroko beldurrak eta beste. Intimoagoak diren horietan topatzen dut indar handiagoa, eta egia gehiago. Akaso aukeratu diren gainontzeko gaiak entzunagoak direlako, edo jorratzeko moduek bestelako buelta bat izan zezaketelako.
Ez gaitezen tronpatu hala ere: lan hau geniala da. Baina ziur naiz ez dela izango Odeiren hoberena. Entzunaldi bakoitzean topatzen dituzun harribitxi berri horiek, urruñarra errimen maisu direla baieztatu besterik ez dute egiten. Lana kaleratzeko bidea zaila izan dela dirudi, bultza dezagun datozen lanak errazagoak etor daitezen.
Hitzen abiadurak ekarri dezakeelako ekintzetan erritmoa bizitzea: “Ez nintzen sortu ahalduna, hemen bakoitzak ahal duna, emaidazu nahi duzuna, nahiago zintzotasuna, dioten askatasuna, saltzen den normaltasuna larrosa itxuraz asuna, zer? Eskutan hartzen dut luma, osatzen doa bilduma, inoiz banaiz ezaguna, ez zait puztuko garuna, ez dut ahantziko laguna, iraganeko jarduna, heldu naizelako huna, guzieri esker”. Heldu dadila bai, behar duen leku guztietara.
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]
El país de las maravillas
Kinky boys
Autoekoizpena, 2024
---------------------------------------------
Izenaren adieratik gutxi dauka, gaur egun, Bilbon sortutako hirukoteak. Are gehiago, partaideen ibilbideak joan dira garatzen eta aldatzen. Marga Alday ezaguna... [+]
Agur Eta Ohore X Allá Va La Despedida
Chill Mafia
2024
---------------------------------------------------
Chill Mafiak inauguratu zuen aroak lurperatu du Chill Mafia. Denak ez duela zertan betirako iraun, hori argi baino argiago dugu. Eta hobe dela orain,... [+]
