“Euskarak ez du aurrera eginen, eraman egin behar da”
Gazte belaunaldi berria batu da euskararen aldeko borrokara, eta manifestazio koloretsua egin dute larunbatean Donostian, Euskara Aurrera lelopean. Mobilizazioa bera antolatzea izan da Gazte Euskaltzaleen Sarea (GES) eragile sortu berriaren lehen erronka, eta urduritasuna nabari zen sustatzaileen artean Antiguan, manifestazioaren aurretik. Euskalgintzako eta eragile nagusien babesarekin –ARGIArena barne–, Boulebarderako bidea egin dute bertaratu diren euskaltzaleek.
Antiguako tuneletik 3.000 lagun atera dira, ARGIAk kontatu duenez eta ibilbidean herri mugimendu eta eragileek egiten dituzten aldarri nagusiek presentzia izan dute: azterketak euskaraz, Nafarroako zonifikazioari ez, pantailak euskaraz, ETBn fikzioa euskaraz, Espainia eta Frantziako estatuen inposizioa eta Euskal Herriaren burujabetza falta...
Herri aktibazioaz gain, erakunde publikoei exijitu dizkiete hizkuntza politika egokiak
Irantzu Idoateren bertsoekin hasi da amaierako ekitaldia. Bertatik hartua da artikulu honen izenburura eraman dugun esaldia. Honen ondoren, AEKren izenean Aize Otañok eta GESeko Begoña Garaikoetxeak hartu dute hitza. Bi ideia nagusi azpimarratu dituzte: batetik, herritarren aktibazioa ezinbesteko zutabe dela hizkuntzaren normalizazioa lortzeko, eta besteren artean, hori gazteen artean lantzeko sortu dutela GES –txalo zaparrada handiena une honetan eragin dute bertaratuen artean–. Bestetik, nabarmendu dute, herri ekimenaz gain, egiturazko aldaketak egin behar dituztela instituzio publikoek. "Egungo garaietara egokitutako hizkuntza politika berriak pentsatu eta martxan jartzeko" eskatu dute, eta hori ez egitea, justizia eta demokrazia eskaerei ez entzutea litzatekeela adierazi dute. Gogorarazi dute euskararen biziberritzea ez dela norbanakoen auzi indibiduala, erronka kolektiboa baizik eta administrazio publikoei aurpegiratu diete ardura berezia dutela.
Euskarak dituen erronka zenbait ere zerrendatu dituzte amaieran: belaunaldi berriak osorik euskalduntzea, euskaraz eroso bizi ahal izateko eremuak sortzea, pantailetan euskara areagotzea, euskara harrera hizkuntza izatea, euskara kohesio sozialerako hizkuntza bilakatzea, edo euskara ikastea "behingoz" doakoa eta unibertsala izatea.
Aurretik ere zaurgarri zen hizkuntza bereziki kolpatu du pandemiak, salatu dutenez, eta gainera, azken aldian euskararen normalizazioaren bideak kolpe ugari jaso dituela, hala nola, Ipar euskal Herrian murgiltze eredua kolokan jarri izanak, Nafarroan hizkuntza eskubideetan egin den atzerakadak edo epaitegietatik iritsi azken erabaki euskarafoboek.
"Euskararen lurralde osoko gobernuei exijitzen diegu berandu baino lehen euskalgintzarekin eta herritarrekin batera egungo erronka eta beharrei erantzungo dieten hizkuntza politiken inguruan eztabaidatu eta neurriak har ditzaten", adierazi dute.
Jarraian Dani Blancok ateratako argazkiak.
.jpg)
Herriko elkarte eta eragileek antolatzen dute Olentzero eta Mari Domingiren etorrera Irunen, sorreratik. Goizetik gauera jakin dute udalak hartu duela ekitaldiaren jabetza eta beraz, ekitaldiaren inguruko azken erabakiak haren gain geratu direla: “Udalari eskatzen diogu... [+]
Badator Euskaraldia, berriz ere. Urte berriko udaberrian izango da oraingoan, antza. Dagoeneko aurkeztu dute eta, egia esanda, harritu egin nau; ez Euskaraldiak berak, ezpada beraren leloak: Elkar mugituz egingo dugu.
Irakurri edo entzun dudan lehenengoan, burura etorri zait... [+]
Euskaltzaleen Topaguneak hasiera berri bat irudikatu du. Hemendik aurrera Taupa, euskaltzaleen mugimendua izena hartuko du. Euskara elkarteen topagunea izatetik, Euskal Herri osoko euskaltzaleak aktibatzea eta saretzea izango du helburu. Topaguneko kideek adierazi dutenez,... [+]
Euskal Herri osoan euskara eta hiztun komunitatea larrialdi egoeran daudela berretsi zuen azaroan Kontseiluak eta, ostegun honetan, egoera hori Nafarroan zertan datzan azaldu du Iruñean. Era berean, herrialdean ataka horretatik ateratzeko egin beharrekoak azpimarratu ditu.
Irungo Udalak barkamena eskatu eta asteazken honetarako bilerara deitu ditu hiriko elkarte euskaltzaleak, baina beste norabide bat hartu du aferak eta gaia ez du berehalakoan itxiko. Gabonetako ekitaldian euskara baztertzeagatik udala salatu duten elkarteak zeuden deituta... [+]
Euskaraz bizitzeko, Euskararen Errepublika lelopean egin du manifestazioa larunbatean Euskal Herrian Euskarazek, Landako gunetik abiatuta. Euskal Errepublika aldarrikatzera, indarrak batzera eta euskararen aldarria lau haizetara zabaltzera deitu dute Durangoko kaleetan... [+]
Teilatura igo, eta hainbat instituziok Euskararen Nazioarteko Eguna “aurpegi zuriketarako aprobetxatu ohi dutela” salatu du bikote aktibistak. Frantziako eta Espainiako Konstituzioak “supremazistatzat eta euskaldunentzat baztertzailetzat” jo dituzte, bi... [+]
Euskalgintzaren Kontseiluak Larrialditik indarraldira adierazpena plazaratu du Euskararen Egunaren atarian. 2025a euskararen normalizazio eta biziberritze prozesua “noranzko egokian jartzeko urtea” izango dela adierazi du. Bide horretan, lehen eginkizuntzat jo dute... [+]
Lau egunez idekia izanen den merkatu bat antolatzen du Plazara kooperatibak euskararen aldeko beste hamar bat eragilerekin –horien artean ARGIA–.
Euskararen biziraupena ez da euskaldunok politikaren partidan jokatzen dugun arazo bakarra, baina bai, euskalduntasunaren elementu bereizgarriena den neurrian, gure egoera gehien islatzen duena. Beste esparru batzuetan hainbeste ageri ez dena oso ongi erakusten du. Hasteko,... [+]
GUKA Bilboko euskaltzaleen mugimenduak euskararen aldeko ekintza esanguratsua burutu du astearte arratsaldean Deustuko metro geltokian, Bilbon euskaraz bizitzeko oztopoak eta aukerak irudikatzeko.
Agorrilaren 27an igorri nizuen gutunean, irailaren 10eko auzian euskaraz deklaratzeko asmoa nuela adierazi nizuen. Auzi honen hastapenean, epaile nagusiari euskaraz zekienez galdegin nion. Gutxiespenarekin ezetz erantzun zidan. Orduan, nere gutuna eskuratu zuenez frantsesez... [+]
Euskara eta euskal hiztunen komunitatea larrialdi linguistikoan dagoela adierazi du Kontseiluak. Ohartarazi du “indarrean diren joera soziolinguistikoak eta egiturazko arazoak itzulikatzeko neurri egokiak epe laburrean hartu ezean”, atzeraldia datorrela. Kontseiluak... [+]
Komunikazioa, kirola, musika edo sukaldaritza bezalako esparruetan aritzeagatik ezagunak diren Euskal Herriko txoko guztietako euskaldunekin osatu dute Euskaraldiaren enbaxadore taldea.
Bilboko kaleak bete zituen mobilizaziotik urtebetera, auzitegiek euskararen normalizazioa eta hizkuntza eskubideak gutxiesten jarraitu dutela salatu du Euskalgintzaren Kontseiluak. Auzia gainditzeko euskararen "normalizazioa eta biziberritzea" ezinbestekoak direla... [+]