Kontatu ipuin bat...
David Mckeek 1969an idatzi zuen, Paul Klee margolari suitzarraren eraginez, Elmer koloretako elefantearen istorioa. Liburu hark ezberdinen arteko harremana eta errespetua errebindikatzen zuen. Elmer ez da beste elefanteak bezalakoa, eta hori Elmer protagonista izan den liburuetan ikusi ahal izan dugu. Euskaraz zortzi liburu argitaratu dira Elmer bilduma barnean, azkena Elmer eta lotarako ipuina, iazko azaroan. Eta horixe dugu egilea hil aurretik argitaratu den azkenekoa euskaraz. Izan ere David Mckee joan den apirilaren 6an zendu zen gure artean ia-ia inolako oihartzunik izan gabe –nahiz eta hainbat liburu, arestikoez gain Orain ez, Beñat zoragarria esaterako, argitaratuak izan euskaraz–.
Aurreko liburuetakoen antzera, album honen argumentua oso sinplea da: “Elmer, koloretako elefantea, arratsaldeko ibilalditxoa egitekotan zela, bi elefante kume agertu ziren, beren amarekin.
–Kaixo, Elmer –esan zuen amak–. Zainduko dituzu Stella eta Mel, mesedez? Ahizpa ikustera joan behar dut”.
Eta Elmerrek Stella eta Mel zaintzeaz gain lokartu beharko ditu; Elmerrek, orduan, paseo bat ematea erabakitzen du, ibilaldi nekagarri baten ondoren berehala lokartuko direlakoan; paseoan zehar, berriz, basoko hainbat animaliarekin topo egiten dute eta hauek behin eta berriro lelo bera esaten diote Elmerri: “Kontatu ipuin bat, eta ziplo lokartuko dira”. Eta animalia bakoitzaren kumeren batek bere gogoko ipuina aipatuko du: “Galleta magikoari buruzkoa”; “Itzala galdu duen munstroari buruzkoa”, “Oihartzunari buruzkoa”… azkenean lotarako ipuina kontatzea tokatzen denean Stella eta Mel bakarrik ez, Elmer bera ere lo ziplo geratuko da.
Mckeeren ohiko kolore pastelek alaitasun eta ikusgarritasun berezia ematen diote kontakizunari, animalien trazu sinpleak dira, arkatzaren bidez eginak, eta kolore bizi eta alaiek bista alaitzen dute Elmerren ateraldi eta istorio guztietan bezala.
Istorio polita, berriro ere koloretako elefantearena, sinplea eta alaia; eskuzabaltasuna, lagunen arteko giroa edo norberak bere ideiak aurrera eramatearen garrantziaz ari dena; hori bai, beti umore ukitu batekin.
Barkamena existituko ez balitz bezala
Mariana Travacio
Erein, 2024
---------------------------------------------------
Izenburuak autolaguntza liburu batena eman lezakeen arren Ereinek narratiba sailean argitaratu duen western itxurako testua da honako hau. Fernando... [+]
Josefa, neskame
Alaitz Melgar Agirre
Elkar, 2024
-----------------------------------------------------
Josefa Agirre Etxeberria frankismo garaian neskame aritu zen emakumeetako bat izan zen. Hamalau urterekin deserriratu ondoren, bizitza osoan zehar bizilekuz aldatzera... [+]
Antzerkiaren labirintoan I
Ander Lipus
EHAZE eta Susa
---------------------------------------------
Ander Lipus antzerkigileak EHAZE eta Susarekin argitaratu ditu bere autobiografia teatrala eta antzerkiari buruzko argitalpenak. Antzerkiaren labirintoan I. Bitakora... [+]
ARGIAko erredakzioaren eskutik, sei irakurgai proposamen.
"Arrats arrunt bat zen. Zapoarentzat”. Arrats hori da Maite Mutuberriak album honetan kontatzen diguna. Oso testu gutxi du liburuak, eta irudiek ederki kontatzen digute istorioaren nondik norakoa.
Hasieratik ikus dezakegu ilustrazioetan zapo handi eta lasaia,... [+]
Liburu honetara hurbiltzen denak lehenbizi G. Mabire-ren irudiekin egingo du topo. Komikiaren estiloko irudiak dira, trazu oso zehatzak eta kolore bizikoak, pertsonaiak eta egoerak erraz interpretatzen laguntzen dituztenak. Irudi horiek testuarekin bat datoz: laburra eta zehatza... [+]
Lan kontu bat dela eta berrirakurri behar izan dut liburu zoragarri hau. Teoria, genealogia eta historia feminista batzen dituen liburu motz honek kritika ugari izango zituelakoan sarean begiratu eta, sorpresa! bakarra aurkitu dut, Irati Majuelok Berria-n idatzi zuena.
Sorpresa ederra izan da Consonni argitaletxeak argitaratu berri duen liburua. Ez nuen ezagutzen Montserrat Roigen lana eta aurkikuntza harrigarria izan da, zinez. Batetik, Franco hil berritan argitaratu zelako estreinakoz eleberria (1976an) eta garai hartako Bartzelona... [+]
1991n argitaratu zuen Bernardo Atxagak Behi euskaldun baten memoriak. Liburuak ibilbide luzea eta arrakastatsua izan du euskaraz nahiz bestelako hizkuntzatan. Alemanian gehien saldutako liburuen artean egon zen, J. Eccleshare editore britainiarrak irakurri beharreko obratzat... [+]
Neguko naretasun hotz eta lur etzearen ostean etor daitekeenaren promes izaten da udaberria, eta hainbatek eta hainbatetan idatzi izan diote lora dadin deika. Promesak promes, ordea: ez da inoiz udaberri ziurrik galbidean den lurrean. Ez behintzat aldaketaz edo, zehazki,... [+]
Lehengusinarekin eta haren senarrarekin landa aldera egindako irteera batean hasi zen dena. Horiek afaltzera joan eta ez ziren etxera itzuli. Haien bila atera eta horma batekin topo egin arte ibili zen protagonista. Hortik aurrera, hormak ez dio aurrera egiten uzten eta bi... [+]
Feminista eta anti-arrazistatzat duzu zure burua? Bururatu zaizu inoiz ezagutzen duzun feminismoaren historia zuria eta kolonialista dela? Kultura ez-zuriei buruz duzun ezagutza edo begirada zalantzan ipini dituzu? Ahalduntze feministaren inguruko irakurketa kritikorik egin... [+]
Soinean daramate etxea barraskiloek, bizkar-zorro kiribildua bailitzan, bizitzeko beharrezko dituztenak hara eta hona garraiatuta. Etxeak, ordea, kraskatu eta bitan bana daitezke. Bikoiztu ere egiten dira tarteka, behin-behinekoz bada ere gotorleku izatetik zama izatera igarota... [+]
Afaltzen ari zirela entzun zuten ate hotsa. Zeruko izarrek sabbata heldua zela zioten”, horrela hasten da Gaizka Arostegiren nobela labur hau, Gestapoko "zakurrek” Sara eta bere gurasoen etxeko atea jotzen duten unean. Irakurleak ondorioztatuko zuen moduan,... [+]
Oihane Jakaren poema liburua ireki eta eskaintza bi aurkituko ditugu. Aitari bata, seme-alabei bestea. Aipagarria da, topatuko ditugun poemekin lotura zuzena baitute.
Liburuaren egiturak hiru atal ditu: Hamaika urte, Hamaika hilabete eta Hamaika egun. Hamaika zenbakia asko... [+]