Metala bere pisu eta adiera adierazgarrienean
Mutrikuko laukoteak aurre egin dio pandemiaren garai ilunari eta lana sendo eginez bueltan da, taldekide aldaketekin eta crowdfunding bidez (aupa zuek!) landutako bigarren disko luze eta biribil honekin.
2017an sortu zuten Saia Goait beste hainbat taldetan (Keike, Kraussk, Karenka…) ibilitako lagun batzuek, eta elkar ezagutu, probatu, disfrutatu eta esperimentatu ostean, 2019an izen bereko lan luzea kaleratu zuten. Disko hark erakutsi zuen haien kanten gakoetako bi direla abiadura eta amorrua, baina baita beti rock gogorraren eremuan bada ere estilo jakin bakarrera lerrokatu nahi ez izatea ere.
Gerora –zer erremedio– kontzertuak eten behar izan zituzten eta disko berriaren prestaketari ekin zioten etxean. Mutrikuko AEM estudioetan erditu dute lan hau, Axular Arizmendiren laguntzarekin. Soinuan aurrerako jauzi nabarmena egin du taldeak, emaitza landuagoa eta irmoagoa emanez; baita hitzetan ere: deserosoak, zorrotzak eta autokritikakoak dira, nolakoak bestela?
Abiadan jarraitzen du taldeak, baina kantak gordinagoak eta irmoagoak dira; izan ere, emaitza metaleroagoa da, pisutsuagoa. Harira doaz zuzenago. Beñatek ozenago eta askeago abesten du, erregistro desberdinetan eroso, eta taldea trinkotuta dago. Aldi berean, melodia ere oso presente dago; trumoiaren azpian gailentzen dira halako uneak ere, zaintzen dituztelako. Miazkatu rock potentearen entsalada da, Kuraia eta Governors-en melodien aztarnak izan ditzakeena, baina tarteka Pantera gailentzen da –a ze ahotsa!–. Lubakian 90eko rock eta stoner eskolakoa, nahiz eta oso melodikoa ere baden. Zyanid heavya lotsagabe azaleratu eta hard-rock irudimentsua ere uztartzen dituena. Deforme heavyaren eta stonerraren arteko muga ia ukiezina. Ahaztuei metalaren pisu latzak egingo die gorazarre. Zaratak min eman arte urrun gidatzeko moduko 90eko hamarkadako rock metaleroa da. Eternal balada indartsu eta sarkorra. Eta, azkenik, Homonimo autora eramaten nauen girien sinisberatasun eta indarraren pareko beste pieza amorratua.
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]