‘Gamberro’
Galiziako lagun batek anaiaren taldea gomendatu zidan duela urte batzuk: Terbutalina zuen izena. Entzun nuen, noski, sartu nintzen haien sare sozialetan, eta pixka bat gogorarazi zizkidan Siniestro Total, Os Resentidos eta Anton Reixa, eta lurralde hartatik ditudan erreferentzia apurrak. Jostalariak, bihurriak, umoretsuak –absurdotik gertu maiz–. Zaku berean sartu nituen denak, ale, talde galiziarren tiraderara. Azaldu nion lagun galiziarrari sentipen hori, baina ez nuen adjektibo egokirik aurkitzen talde horien jarrera deskribatzeko. Hark eman zidan gakoa: gamberro.
Multzokatzeekin segituz, Ipar Euskal Herrian antzeko joera sumatu izan dut azken urteotan, zenbait talderen baitan. Zezenaren taldea izan liteke adibide esanguratsu bat. Eta begira, talde horretako kide Paxkal Irigoien polifazetikoarekin egin nuen topo Durangoko Azokan, eta kontatu nion Diabolo Kiwi garaztarren kontzertuan egon ginela aste pare bat lehenago, txango exotikoa eginda Irundik Biriatura. Diabolo Kiwi ere estilo horretatik urrun ez, eta ildo gamberro horri buruzko harrikada bota nion Paxkali, Galiziako taldeekin egindako konparazioa, eta abar. Ez nintzen konturatu mugaz bestaldeko biztanle gehienentzat hitz ezezaguna dela gamberro, eta azaltzeari ekin nion, arrakasta handirik gabe.
"Zezenaren taldeak instrumentuak entregatu zituenetik, nire buruan Diabolo Kiwi pasa da Iparraldeko talde 'gamberro'-en ordezkari nagusi izatera"
Zezenaren taldeak instrumentuak entregatu zituenetik, nire buruan Diabolo Kiwi pasa da Iparraldeko talde gamberroen ordezkari nagusi izatera. Eszenatoki gainean jarrera desenfadatua igortzen zuten (nola azaldu hori ere Paxkali?), transmititzera iritsi daitekeena izatearen arintasun jasangarria, are gozagarria. Letra bitxi eta deszifratu ezinak, ia infantilak, maiz erreferentzia gastronomiko xelebreekin, itxuraz transzendentzia handirik gabeko errezetak errezitatuz: “Tortilla ta brokoli, ui ui ui, tortikoli, kiwi bat bi marrubi, bai, bai, bai, tutti frutti”, besteak beste. Hortxe beste gakoetako bat: Terbutalina talde galiziarrak “gastropunk” deitu izan dio egiten duten musikari.
Eta, noski, sumatu nuen musikari garrantzi handia ematen ziotela, ahotsari bereziki; oso doinu melodikoak, eztitsuegiak izan gabe. Eta abeslari nagusia, artean ezagutzen ez nuena, batzuetan organo atzean erdi ezkutatuta, besteetan aurrean, eszenatokia bere eginez, beti distiratsu.
Pentsatu nuen beharbada denbora batean ez nuela hainbeste gozatuko kontzertu batean; ez zitzaidan burutik pasa, ordea, ezin izango nuela Diabolo Kiwi berriz ikusi, ez behintzat orduko formazioarekin.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Intsumituek denbora luzez egindako borroka gogorra eta mingarria izan zen, baina irabazi zuten, eta garaipen hura behin betikoa izango zela uste genuen, atzera bueltarik gabea. Baina badirudi, politikari batzuen ahotik aterata, eskalada militaristari gorazarre egin eta berriz... [+]
Danimarkatik iritsi zaigu berria: 400 urtez estatuak eskainitako zerbitzua etengo du PostNord enpresa publikoak, eta eskutitzak banatzeari utziko dio 2025 urtea amaitzean. Gobernuak adierazi du enpresa publikoak negozioa paketeak banatzera bideratuko duela. Bi arrazoi eman ditu... [+]
“Hondakinik ez platerean!”. Hori zen kontsigna gure txikitako otorduetan. Janariak zeozer sakratu bazukeen, batez ere ogiak; lurrera erori eta, jasotakoan, musua eman behar zitzaion. Harik eta adin zozoan mamia baztertzeko moda etorri zen arte, lodiarazten zuelakoan... [+]
Zenbait estatistikak berretsi dute begiak hondar urteotan ikusten ari zirena: gimnasioak (eta estetika-zentroak eta nolako-edo-halako-terapia eskaintzen duten negozioak) nabarmen ugaldu dira gurean. EITBk plazaratutako datu bat emateko: EAEn 2010-2019 urteen bitartean, zazpi... [+]
Topatu eta topa! Tipi-tapa, elkarrekin ekin eta, bidea, eginean egin aurrera. Mahaiak, aulkiak, koadernoak eta boligrafoak, platerak, konfidentziak, tragoak eta ahotsak, eskuak, ideiak eta barreak, borrokarako besarkada gozoak. Txistulariak bileran, erraldoiak lasterka eta... [+]
Hezkuntzari buruzko legediak, Ekonomia Lankidetza eta Garapenerako Erakundearen eta planetako jaun eta jabeen aginduei jarraituz, ikasleek ikasketa etapa bakoitzaren amaieran “irteera-profil” jakin bat izatea bilatzen du. Ez pentsa profila zerbait itxia eta bukatua... [+]
Martxoaren 14an Donald Trumpek agindu exekutibo bat sinatu zuen, hainbat berri agentziak jasotzen duten diru kopurua asko murrizteko. Kaltetuetako bat United States Agency for Global Media (USAGM) izan zen eta, ondorioz, Voice of America (VOA), Radio Free Europe/Radio Liberty... [+]
Orain dela 20 bat urte, berrikuntzaren inguruan master bat egin nuen. Bertaraturiko gonbidatu batek esan zigun gizakion historian berrikuntza teknologikoaren eragile handiena gerra izan zela. Gerra, halaber, eragile handia da botere harremanen berrikuntzan.
Berrikuntzaz ari... [+]
Zer esango zenioke Palestinako aktibista bati aurrez aurre izango bazenu? Ni mutu geratu nintzen Iman Hammouri nire herrian bertan aurkeztu zidatenean. Eskerrak andre nagusi bat gerturatu zitzaigula eta solaskide roletik itzultzailearenera pasa nintzela.
Palestinako Popular... [+]
Punto Bobo liburuaren irakurketan murgilduta, Itxaso Martin Zapirain egilearen Eromena, Azpimemoria eta Isiltasunak Idazten ikerketa lanean sentitu nuen egiazkotasun eta maila etikoarekin egin dut berriz ere topo. Eta hortaz, hara bueltatu. “Oihu izateko jaio zen isiltasun... [+]
Dirudienez, Euskal Herrian migrazioa arazo bilakatu da azken bi hamarkadetan. Atzerritarrez josi omen dira gure lurrak. Gure kultura arriskuan omen dago fenomeno “berri” horren ondorio. Lapurretak, bortxaketak, liskarrak… Bizikidetza arazo horiek guztiak... [+]
Azken hamarkadetan euskararen biziberritzeak duen erronka handienetakoa, euskararen ezagutzaren unibertsalizazioarekin batera, erabilerarena da. Askotan, gazteen euskararen erabileran jarri ohi dugu fokua, baita euskararen erabilerak izan duen eta izan dezakeen bilakaeraren... [+]
Gaur buruko minez iritsi naiz etxera. Ostiral iluntze hotz bat da; ez du euririk ari, baina haizeak bota ditu lurrera bi kontainer eta korapilatu dit ilea. 23:39 dio telefonoak. Lagunekin afaldu dut gure ostiraleroko tabernan. Barre asko-asko egin dugu, eta bihotza bete-beteta... [+]