Déjà vu
Izan zitekeen 2020ko martxoaren 6a: Jimmy Jazz aretoa, Skabidean Izaera disko berria aurkezten, COVID-19a gero eta zabalduago Euskal Herriko fokurik handienean. Astebete beranduago konfinamendua. Baina ez. Bi urte beranduago déjà vu bat izaten ari naiz. Oraingoan Hiri zahar zikina lana taularatzen ari dira iruindarrak. Giroa arraro dago hasieran, oholtzan mikro bat falta dela ohartu gara eta musikariak arduratuta daudela ematen du. Dantzalekuan hotz egiten du, eta ez zentzu metaforikoan bakarrik.
SKABIDEAN
NOIZ: Martxoak 10
NON: Jimmy Jazz (Gasteiz)
Azken bi lanetako kantak tartekatzen ari dira, ska eta blues estiloa nagusi, baina jotikaren bat eta, spoiler, punka ere badaude. Idoia ari da Lorenaren hutsunea betetzen, txaloak eskatu ditu gaixo dagoen kidearentzat. Momentu batzuetan itotzeraino heldu da kasik. Ez da bere erregistroa eta bitxoa pasa berri du. Meritua aipatu dugu lagun artean. Publikoa harekin batera itotzen da. Baina, hala eta guztiz ere Idoiaren jarrera, ahotsa eta gaitasuna... Uau! Barka subjektibotasuna.
Kanta bat bestearen atzetik, girotu da aretoa. Dantzan gazteak eta ez hain gazteak. Argi epileptikoak eta biriketako aire guztia ematen ari diren zaleak.
Amaiera aldera eztanda egiteko unea heldu da, gure unea. Folklore nafarrak eragin ditu oilo ipurdi bat baino gehiago, sortetxetik ez hain gertu, eta Germanen oroimenez. "Nork esango zidan niri jota bat kantatzen dantzan jarriko nuela Gasteizko jendea!". Gasteiztarrak direnak zein ez direnak gehiagoren gosez geratu gara. Biribila izan da, azken diskoko kanta onenekin egin dute agurra. Bukatutzat eman dute kontzertua, musika jarri eta biltzen hasi dira… Publikoak, ordea, badaki zer datorren, oihu egin dute: "Pipi!". Hastapenetako kanta jo dute eta entzuleak zoratu dira: aspaldiko zale txosneroak temazoagatik eta zale iritsi berriak, flipatzen.
Diotenez, déjà vuak bizitako uneen bigarren aukerak dira, hobetzeko edo. Nekez hobetu zezaketen duela bi urteko kontzertu hura, eta hasieran zail zutelako ustea nuen arren, lortu dute. Espero dezagun oraingoan ez dela itxialdirik etorriko.
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Anari + Belako
Noiz: abenduaren 5ean.
Non: Iruñeko Zentral aretoan.
-----------------------------------------------
Gogoan dut Erasmuseko lehenengo hilabetean ikusi nituela aurreneko aldiz Belakokoak zuzenean. Ez nintzen haiek ikustera joan, azkenean bertan behera... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]