Korrika, euskaraz HitzEkiteko prest
Martxoaren 31n hartuko dute lekukoa Amurrion, eta eskuz esku ibiliko da 2.575 kilometroz, harik eta Donostian ezkutuko mezua zabaldu arte, apirilaren 10ean. ARGIAk jarraipen berezia egingo dio 22. Korrikari.
Aurreneko edizioko xede bera izango du aurtengo Korrikak: euskararen aldeko kontzientzia suspertzea eta AEKren eguneroko jardunerako dirua biltzea. Hala ere, antolatzaileek gogorarazi dute jada ez dela nahikoa euskararen alde egitea eta ekiteko ordua dela. HitzEkin leloan laburbildu dute 22. Korrikako helburua: "Hizkuntza bat hitzekin osatzen da, baina ekimenek eraikitzen dute hizkuntza baten komunitatea. Euskarak aurrera egin nahi badu, euskaldun (pro)aktiboak behar ditu, konbentzimendutik ekintzara, praktikara, jauzi egingo dutenak". Jendarte osoari egin diote Korrikara batzeko deia, Amurriotik Donostiara, herriz herri, eskuz esku, eta urratsez urrats. "Eginez eragingo dugu eta eginaraziko diogu elkarri, ikasle, agintari zein eragile orok, guztiok elkarrekin".
ARGIAk jarraipen berezia egingo dio euskararen lasterketari, eta Leire Artola kazetariak bertatik kontatuko ditu azken berriak. Egunero argia.eus atarian eta sare sozialetan topatu ahalko dituzue albisteak, elkarrizketak eta argazkiak.
2.575 kilometro
Egun gutxi falta dira mezu sekretua duen lekukoa Euskal Herria zeharkatzen hasteko. Amurrion ekingo diote bideari, martxoaren 31n, 16:30ean, eta Donostian bukatuko dute hamar egun geroago, apirilaren 10ean. Aurreikusi dute 12:30ean hasiko dela amaiera ekitaldia eta mezuaren irakurketa. Berrikuntza bat gehitu du AEK-k: mugikorrerako aplikazio bat martxan jarri dute, zeinak aukera ematen duen unean unean lasterketa non dagoen ikusteko. Bertan, modu erraz eta argian kontsultatu daiteke ibilbide osoa, baita norbere herritik zer ordutan igaroko den ere, besteak beste.
Egun hauetan pasako da hiriburuetatik: Gasteizera apirilaren 1ean ailegatuko da, 17:00ak aldera; Iruñean apirilaren 2 goizean ibiliko da, larunbatean; Donibane-Garazira astelehenean iritsiko da, apirilaren 4an, 17:00ak inguruan; egun berean Mauletik igaroko da, 21:30 inguruan; Bilbo izango da hurrena, apirilaren 6an, iluntzean; Baiona larunbatean gurutzatuko du, apirilaren 9an, 17:30 aldera; azkenik, apirilaren 10eko 7:30ean sartuko da Donostian, eta goiz osoan ibiliko da hiriburuko kaleetan.
Entzun, ikusi, sentitu: hitzekin
Korrikari doinua jarri dio Hitzekin kantuak; Nerea Urbizu arduratu da musika ez ezik ahotsa jartzeaz ere, Ane Garcia eta Anarirekin batera, eta Sustrai Colinaren letrarekin. Halaber, Uhinak dokumentala ekoitzi dute Txakur Gorria sormen kolektiboak eta AEK-k. Korrikak aurten Pirritx, Porrotx eta Marimotots omendu ditu, 34 urteko ibilbide arrakastatsua balioan jartzeko. Izan ere, antolatzaileek azpimarratu dute pailazoek lan handia egin dutela guraso eta umeen arteko euskararen transmisioan zein normalizazioan: "Beren ikuskizun eta kanten bidez, egin, eginarazi eta eragin dute".
Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.
11 egunetan bizipen hunkigarri asko bizi dituela esan du Ane Elordik Euskadi Irratian. “Aje emozionala, bi urtetan egindako lana, kideak ondoan izanik, eskertza, babesa, Euskal Herri osoa Baionan elkartu da... Momentu oso bereziak bizi izan ditugu azken egunean”.
2.700 kilometro eginda, martxoaren 24arekin heldu da Korrikaren lekukoa Baionako Askatasun plazara, eta mezu sekretua irakurri du Garazi Arrulak. Egun osoko festa handia antolatu dute kultur eragileekin auzolanean: Ibil Bedi, Anje Duhalde, Xiberoots, txarangak,... [+]
43 urte igaro dira AEK-k lehenengo Korrika antolatu zuenetik 1980an. Lekukoak egindako ibilbideen, leloen, abestien eta omendutako pertsonen errepasoa jarraian.
Garazi Arrrula Ruiz izan da aurtengo Korrikaren mezugilea. Txalaparta argitaletxeko editorea da tafallarra. Baionan, milaka euskaltzaleren aurrean, esan du euskara ez dela "ez altxor, ez oroitarri, ez toponimia. Euskarak hegemonia hartzeaz ari gara". Eta gehitu du... [+]
AEKren mezua bertako kide Maider Heguyk eta Bixente Claveriek irakurri dute. Erakundeei “hizkuntza politika ausarta eta sendoa” eskatu diete eta ez “brilli-brillizko bilgarria”. Konpromiso eta baliabide gehiago eskatu dituzte. Gogorarazi dute oraindik... [+]
23. Korrika makina bat irudi esanguratsu egiten ari da, eta dagoeneko oso ohituta gaude jendetza ikustera "Harro Herri" leloaren atzetik korrika. Baina gauean zer pasatzen da? Larunbatetan ere, jendea festan dagoen bitartean, lekukoa norbaitek sostengatzen du. Nafarroa... [+]
Korrika egunez egun erakusten ari da pasatzen den txoko guztietan nola pizten duen harrotasun sentimendua, euskaldun izatearen harrotasunarena. Emozio horixe da, batik bat, euskara transmititzen jardun duten adineko pertsona horiena.
23. Korrikaren karietara, helduei euskara irakasten diharduen AEK edo Alfabetatze Euskalduntze Koordinakundeko Ipar Euskal Herriko koordinatzailea den Ihintz Olideni, Enbatak hainbat galde pausatu dizkio. Jarraian, argitaratua den elkarrizketak, AEK eta Korrika zehazkiago... [+]
2.700 kilometro eginda, igandean helduko da Korrikaren lekukoa Baionako Askatasun plazara, 12:30 inguruan, eta mezu sekretua irakurriko du egileak. Egun osoko festa handia antolatu dute kultur eragileekin auzolanean: Ibil Bedi, Anje Duhalde, Xiberoots, txarangak, haurrentzako... [+]