Vulk bai da
Motor baten soinua eta tarte bat jaten duen gitarra riffa diskoa irekitzen. Presa du Vulkek muturrekoa emateko. Lanik kaleratu gabe daramate 2018tik, eta aldaketa nabarmena eman dute taldearen norabide estetikoan. Vulk ez da zena.
Hizkuntzarena da aldaketarik handiena. Euskaraz baita osoki lan berria, lehen aldiz taldearen ibilbidean. Ez zait gustatzen hizkuntza hautua bereziki azpimarratzea. Kasu honetan, aldiz, zirkuitu mainstreamagoetatik aldendu eta ingurura, gertura, begira jarri direnean badago bestelako mamia. Gainera, orain arteko diskorik hoberena egin dute.
Post punka edo punka edo rocka. Definitzeko beharrik ba ote dago. Astuna eta arina da aldi berean. Lurrera eramaten zaitu, grabitatearen indarrez. Baina dantzara eramango zaitu. Boxeolari baten antzera, demagun Kerman Lejarraga, ukabilkadak baliatu mugitzeko. Gogoraraziko dizkizu Ingalaterrako rock soinuak. Baita Joseba eta Iñigo Irazokirenak ere, ekoizle lanetan aritu baita soinuaren maisu den Ibai Gogortza beratarra.
Musika labana balitz, Vulk litzake. Zauriak dituenak oroitzen du beti labanaren eta orbainaren arteko harremana. Eta denok ditugu zauriak. Eta horregatik, hain zuzen, da hain zorrotz Vulken erretorika. Dei egiten dizulako. Ezin diozu muzinik egin, harrapatu egingo zaituelako.
Baina harrapatu ostean askatu. Arnas eta geldiune ugari eskaintzen dituelako disko batetik bestera, hausnartzeko, baina, batez ere, bueltan indar gehiagorekin jotzeko. Ukabilkada zuzenak dira, baina ez pisutsuak. Zure egunerokoa zartatuko dute: “Mailu bat nire eskuetan / dana apurtzeko prest / zenbat balio du// eraiki dudan guztiak / zapaltzen dudan lurrak / zenbat balio du mendekuak”.
Soldatapeko torturak tabernariaren bizkarrean. Autoerreferantziala den militantea sakrifizioaren mistika mesianikoaren zain.
“Vulk ez da”, diote. Vulk zena hil delako, Vulk berria sortzeko. Baina autosuntsiketa autoafirmazioa ere bada. Mundu berria ez dugulako eraikiko ametsen materialekin, Paradisu Zineman bezala. Mundu berria etxe orratzen, zabor-janari kateen, komunikazio enpresen eta banketxeen banketeen hondarrekin egin beharko dugulako. Suntsiketak ekarriko du esperantza. Vulk bai da.
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]
Nick Linbött
Nick Linbött
Kaset ekoizpenak, 2024
------------------------------------------------
Komiki jantzi vintage-arekin, rock-and-rollaren hastapenaren eta Gerra Hotzaren bizipenak bete-betean bizi izan zituzten belaunaldiko pertsonaia batzuen akorduan,... [+]
Ciudad de Polvo
Sal del Coche
Humo Internacional, 2022
-----------------------------------------------
Tira, jada bukatu denez Gramsci zitatzeko moda, ekarri dezakegu lerro hauetara oportunismo akusaziorik gabe. Are gehiago Sal del Cochekoek ere hala ekartzen badute:... [+]
Deus
Kaskezur
Usopop, 2024
-----------------------------------------------------
Deus dugu galtzeko” diote baztandarrek. Eta hala da. Disfrutatzeko egin dute beti musika, haziz joan diren lau musikari trebeen arteko joko eta jolasean. 2008an taldea sortu zutenetik... [+]
Laberintuak
Maniaks
Autoekoizpena, 2024
------------------------------------------
Ohikoa da gaztaroaren borborrean musika taldeak sortzea, eta non eta Arrasaten are gehiago. Baina talde bat sasoian eusteak esfortzu eta konpromiso handia eskatzen du, eta tira egin ezean... [+]
Ezpatei Disdira!
Tatxers
Humo Internacional, 2024
-----------------------------------------
Pop melodia itsaskorren gerrillariak. Vietcong txikiak nola, bata bestearen atzetik, tranpekin edo tranparik gabe berriz harrapatzen gaituzte Tatxersekoek. Himnogintzaren maisuak,... [+]
El país de las maravillas
Kinky boys
Autoekoizpena, 2024
---------------------------------------------
Izenaren adieratik gutxi dauka, gaur egun, Bilbon sortutako hirukoteak. Are gehiago, partaideen ibilbideak joan dira garatzen eta aldatzen. Marga Alday ezaguna... [+]