Obusak, zaldiak eta argiak
Festetan justu-justu fandangoa eta arin-arina dantzatzen dituen horietakoa naiz. Hala ere, Gayarrera etorri naiz dantza-emanaldia ikustera. Zerbait entzuna nuen arren, ez nekien oso ongi zer espero. Señorak izan dira lehenetarikoak iristen, baina hasteko ordua heldu ahala, gazte ugari ere gerturatu da. Argiak itzaltzearekin batera hasi dira danborraren danbatekoak.
'Gernika' antzezlana
Nork: Bilaka Kolektiboa eta Biarritzeko Malandain Ballet Akademia
Noiz: urtarrilak 30
Non: Gayarre Antzokia (Iruñea)
Hitzak entzun dira euskaraz eta gaztelaniaz. Gerraz mintzo dira, baina dantzatik egiten diote so, suaren erregaia da, suntsiezina da. Haria segituan harrapatu dudala uste dut, hitzik ez zen arren, musikak eta dantzarien keinuek narratiba sortzen lagundu didate. Ez naiz aditua, eta hartara ezin zerrenda ditzaket bata bestearen atzetik kateatu dituzten dantzen izenak. Halakoetan beti gertatzen zait, gaur ere inbidia sortu da nigan: zer gaitasun koordinatzeko, mugitzeko, adierazteko, zer dotorezia…
Arreta eman dit goiari, zeruari, eman dioten garrantziak: Gernikan bonbak zerutik erori ziren moduan, Gayarren ere jausi dira obusak, ikusgarriak zein ikusezinak. Umoreak eta folklore espainolak ere izan du bere agerpenik eta publikoaren barrea eragin du pare bat alditan. Hala ere, uste dut bertan izan garenok bat egin dugula une hunkigarrienarekin. Bonbardaketaren ostean, harrien azpitik irten da dantzarietako bat, eta hildako zaldi bat jarri du altzoan. Isiltasunetik ahots fin baina sendo batek jarraitu dio kantuan, gero Haika mutil bihurtu dena. Luzea izan da, sinplea, hunkigarria, baina batez ere, ederra. Jarraian etorri da ikuskizun osoari ikusi diodan baina bakarra. Lortutako atmosfera dantza batekin apurtu dela uste dut, eta ez dut ulertu.
Amaieran kantuan jarri dira dantzariak mezu argi bat helarazi nahian: Geroa gurea. Bitartean, Picassoren koadroari egindako enegarren erreferentzia modura, argi bat azaldu da goialdean. Loreak utzi dituzte lurrean gero. Txalo zaparradek hunkitzen banaute, ez dut pentsatu nahi oholtzakoek zer bizi izan duten Iruñean. Harro eta pozik ikusi ditut kanpoaldean gertukoak agurtzen zituztelarik. Ez da gutxiagorako, egindako lanari esker merezia dute berotasuna.
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]
64 urterekin, Kike Diaz de Rada donostiarra hil da, Eneko Olasagasti lankideak asteazken arratsean sare sozialetan jakinarazi duenez. Ibilbide luzeko aktorea izan zen eta Tanttaka teatroaren eta Orain gipuzkoar antzerki taldearen sortzaileetako bat.
"Garai batean, nire herrian, kateme guztiek Remigia izena zuten, kateme belaunaldi oso bat, Iruñeko ikuspegi panoramiko ederrenak konkistatu zituztenak”. Horrela hasten da Remigia Etxarren funanbulistaren bizitza kontatzen duen Argako erregina antzezlana... [+]
Izurako Latsaga zalditokian egingo dituzte emanaldi guztiak, hamar saio, maiatzaren 31tik ekainaren 16a bitartean. Ximun Fuchsek idatzitako obrak "ikuspegi integratzaile eta kolaboratiboa" du oinarrian, landa eremuko lurraldearen lekukotasunak bildu eta "tokiko... [+]
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]
Azkainen aurkeztu du Ander Lipusek bere ibilbide artistikoaren inguruko gogoeta jaso duen liburua: Antzerkiaren labirintoan I. Bigarren partea ere badu liburuak, “antzerkilariei gehiago zuzendurikoa” dena bere esanetan, baina Azkaineko irakurle taldeak lehenbizikoa... [+]
Ziburuko Baltsan elkartean aurkeztu dute antolatzaileek euskara hutseko liburu eta disko azokaren 5. edizioa. 41 argitaletxe izango dira bertan (inoizko gehienak), 120 metro erakusmahai beteko dituzte denen artean (inoizko gehienak) euskarazko irakurgai eta musikarekin eta... [+]
Lehentze franko ditu Pagolako maskaradak: lehentze da Pagola herriak maskaradak ematen dituela; lehentze ere da Kabana pertsonaia neska batek jokatzen duela; lehentze ere da maskaradako txirulariak oro neskak izan direla, Urdiñarbeko barrikaden denboran; lehentze da... [+]