Repsolen petrolio isuri batek 18.000 kilometro karratuko hondamendi ekologikoa eragin du Perun
Kanpo Harremanetako Ministerioak ohartarazi du azken garaietan Liman izandako hondamenik “okerrena” dela. Besteak beste, babestutako bi naturagune eta 21 hondartza kaltetu ditu; erantzuleak zigortzeko eskatu dute hainbat eragile eta instituziok. Urtarrilaren 15ean hasi zen petrolio gordinaren jarioa, Tongan sumendi bat lehertu ostean.
Anibal Torres Peruko Justizia eta Giza Eskubideen ministroak ekozidiotzat jo du La Pampillako petrolio findegian izandako isuria, plazaraturiko txio batean. Repsolen fabrikak Ozeano Pazifikoko 18.000 kilometro karratu kutsatu ditu, petrolio gordinaren jario baten eraginez. Urtarrilaren 15ean hasi zen isuria, Tongako sumendiaren leherketak sortutako tsunamiaren ondorioz. Olatuak La Pampillako findegiraino heldu ziren, petrolioa husten ari zirela. Enpresak gobernuari bota dio errua, tsunami abisurik ez emateagatik.
Repsolek hasiera batean jakinarazi zuen “zazpi bat galoiko isuria” izan zela –30 bat litro–. Ordea, irudiek beltzez estalitako itsaso, animali eta hondartzak erakusten dituzte, eta lehen datuek diote dimentsio askoz handiagoa hartu duela hondamendiak.
“Azken aldian Liman izandako hondamendi ekologikorik okerrena” dela ohartarazi du Kanpo Harremanetarako ministerioak: gutxienez babestutako bi natur-eremuri eragin die, bertako fauna eta flora kaltetuz. Ehunka arrantzaleri “kalte larriak” eragin dizkiela ziurtatu du ministerioak. Gainera, Digesa ingurumen-osasuneko zuzendaritza orokorrak 21 hondartza “ez osasungarri” gisa izendatu ditu, petrolioa dela-eta. Repsoli eskatu diote garbiketan lan handiagoa egiteko “berehala”.
Ikerketa ireki dute
Fiskaltzak ekozidioa argitzeko ikerketa abiatu du urtarrilaren 17an, La Pampillako petrolio findegiaren aurkakoa. Hondamendiaren erantzuleak aurkitzeko eskatu dute hainbat eragilek eta instituzio nagusik. Justizia eta Giza Eskubideen ministro Torresek gogorarazi du ekologia-hondamenak zigorrak dituela: “Ezin du zigortu gabe geratu Repsolen jabetzako den La Pampilla findegiak sortutako ekozidioak. Erantzukizun administratiboa (isunak), zibila (kalte-ordainak) eta penala dauka”.
Garbiketa lanetan ari dira, eta polietilenozko mahuka batzuen bidez xurgatzen dute isuritako petrolioa. Halere, ez dute erraza izango ingurumena erabat lehengoratzea, besteak beste, bertako fauna eta flora gogorki kaltetua dutelako.
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Valentziako tanta hotzaren ondoren hondamendiaren itzala beste leku batzuetara ere hedatu da: zer gertatuko litzateke horrelako denborale erraldoi batek Esako urtegi handitua kolpatuko balu? Eutsiko ote lioke presak? Urak gainezka egingo ote luke? Galderak hor daude eta... [+]
AEBko eta munduko hiri handienetakoa den Los Angeles sute ikaragarriek harrapatu dute eta jadanik 150.000 lagun lekuz aldatu behar izan dituzte agintariek. Alkateak larrialdi egoera ezarri du, garrek ehundaka etxe kiskali dituzte hainbat auzotan, eta haizete gogorrek ez dute... [+]
Ekaitz-erauntsia emana zegoen eta "hondamendia jazo da", Errusiako Gobernuak jakinarazi duenez. Ukrainak arduragabekeria egotzi dio.
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
Urriaren 25a. Valentziako Meteorologia Elkarteak iragarri duenez, hurrengo astean goi geruzetako tanta hotz batek euri-erauntsiak eragin ditzake Valentzian. Egunez egun, aurreikuspenak berresten dira, eta urriaren 29an, goizeko lehen orduan, Espainiako Estatuko Meteorologia... [+]
Mediterraneoan tanta hotz batek eragindako triskantzak erakutsi digu gizakiak noraino sartu dezakeen hanka. Klima larrialdia sortzeaz gain, bere kalte humanoak eta ekonomikoak anplifikatu ditugu. Copernicusen datuen arabera, 400 kilometro koadrotik gora lur geruza... [+]
Copernicus ingurumen behategiaren arabera 2024ak errekorra hautsiko du Lurreko tenperaturari dagokionez, eta hori bakarrik ez, industria aurreko garaiko batez bestekoa baino 1,5ºC altuagoa izango da lehen aldiz.
Valentziako Generalitateko presidentearen aurka salaketa jarri du CGT sindikatuak, heriotzak saihesteko neurriak hartu ez izana leporatuta. Hogei bat eragile sozial eta sindikalek berriz, haren dimisioa eskatzeko manifestazioa antolatu dute hiriburuan, datorren larunbaterako.
Hogeita hamaika suhiltzaile nafar joan dira Valentziara, uholdeen ondoko garbiketa lanetan laguntzen, Horietako bat da Iñaki Sexmilio. "Zenbait lekutan gurea izan da iritsi den lehen laguntza taldea, herritarrak oso eskertuta daude", azaldu du Metropoli Forala... [+]
Ugariak dira Dana denboraleak Valentzian eragin duen hondamendiaz egin diren irakurketak. Beste faktore batzuen artean, gizakiak naturari ebatsitako eremuez luze mintzo dira hedabideak, ibai eta itsaso ertzak hormigoiarekin betetzeak duen arriskua dela-eta. Hormigoiarekin... [+]
Valentzian denboraleak eragindako hildakoen eta kalteen atzean faktore meteorologiko hutsak daudela pentsatzea inozoegia litzateke. Generalitateak larrialdia nola kudeatu duen salatu du askok, baita multinazionalen negozio egarria lehenetsi dela ere. Eta gune pobreenak kaltetu... [+]
