Bidaia etxeraino
2020 amaieran argitaratu zen Ata Pank eta Ate Punky ahate bitxiei buruzko lehen liburua. Urtebete beranduago ahateen bigarren entrega plazaratu dute Atxagak eta Valverdek. Lehenengo hartan hiru kontakizun laburrek osatzen bazuten liburua, oraingoan istorio bakarra kontatzen digute, Ataren eta Ateren ateraldi edo burutapen baten ondorioa.
Ata eta Ate ahate berezi xamarrak dira; filosofikoak batzuetan, adar-joleak askotan, umore puntu bat dutenak eta munduaren oso ikuspegi lasaia. Oraingo honetan, “asperduriak jota” daudela-eta “helikonteroen” zain daude beren patioan, Nelok iragarritako Europako Bira bizikletaz filmatu behar zuten helikopteroen zain. Horiek, baina, ez dira agertzen eta orduan, asperturik, Neloren gonbidapena onartu eta haren estalpean ikusiko dute animalien migrazioari buruzko dokumentala telebistan.
Eta Xolak lehoien berri izan zuen lehenengo hartan lehoi izan nahi izan zuen bezala, oraingoan Atek migratu nahi duela adierazten dio Atari. Limpopora joan nahi duela. Honek, aldiz, ez dio ezetzik esaten lagunari, baina argi dago ez duela abiatu nahi.
Ateren desioaren inguruan arituko dira, dituen ametsez, irudikatuko dute nola abiatuko diren, Antzoki Nagusiko teilatutik, jendea txaloka, helikopteroak haien hegaldia grabatzen…
Atxagak (eta Valverdek, bere irudiek indar handia ematen baitiote kontakizunari, idazleak adierazitakoa osatuz) irakurlearekin jolasten du, espektatibak sortuz eta harridurarekin jolastuz. Aspaldian erakutsi zigun asteasuarrak istorioak kontatzeko duen abilidadea, adin eta irakurle mota ezberdinen gustuetara moldaturiko istorioak azaltzen. Oraingoan, aurretik Bambulo edo Xolarekin egin izan duen bezala, Atxagak ederki eramaten gaitu Ata Pank eta Ate Punky ahate xelebreei gertaturikoetan zehar.
Umoreak pisu handia du istorioan, eta bertan ikusten dugu nola joka dezakegun erdi beharturik gaudenean, gauzak desio izatea ez dela nahikoa… guztia umorearen ikuspuntutik; testuak eta irudiek erakusten eta, sarritan, iradokitzen duten umore finaren bidez. Amaieran bezala: “Hegan abiatu ziren bika, eta istant bat geroago etxerantz zihoazen Nelorekin batera”, eta ilustrazioan hiru lagunak ikus ditzakegu kalean aurrera… etxerantz bidaiatzen.
Atxagak aurkezpenean esan zuen pertsonaia hauen ehun istorio irudika zitzakeela. Gu hurrengoaren zain gaude, irribarrez.
Itsasoa bete urre
Dani Martirena
Irudiak: Ana Ibañez
Txalaparta, 2022
--------------------------------------------
Liburu honetara barneratzen den irakurleak sentsazio ugari izango ditu. Deigarria da azaleko letren urre kolorea eta zuritasuna, goialdean ageri den... [+]
Migranteak
Issa watanabe
1545 argitaletxea, 2024
-------------------------------------------
Ezagutzen ez nuen 1545 argitaletxeak 2024an itzuli eta kaleratu du Issa Watanaberen Migranteak liburua. Animalia talde batek egiten duen migrazio prozesua kontatzen du; eta... [+]
DETAILE XUME BAT
Adania Shibli
Itzulpena: Aitor Blanco Leoz
Igela, 2024
----------------------------------------------
Egunotan, Israelgo soldadu batek bideo-joko batean balego bezala droneak erabilita Palestinako ospitaleak, eskolak, errefuxiatu-eremuak bonbardatzen... [+]
Fun Home. Familia-istorio tragikomiko bat
Alison Bechdel
Txalaparta, 2024
---------------------------------------------
Fun Home. Familia-istorio tragikomiko bat (2006) nobela grafikoaren lehen argitalpenarekin egin zen ezaguna Alison Bechdel komikilaria, nahiz eta berak... [+]
PLEIBAK
Miren Amuriza Plaza
Susa, 2024
--------------------------------------------------
Miren Amurizaren bigarren eleberria argitaratu du Susak Durangoko azokaren atarian: Pleibak. Aurretik egindako grabazio baten gainean kantatzen ari zarelako antzerkia egitea da... [+]
Non sense liburua
Edward Lear
Itzultzailea: Juan Kruz Igerabide
Denonartean, 2024
----------------------------------------------
Edward Lear idazle eta ilustratzaileak 1846an argitaratu zuen esku artean dugun obra hau. Igerabidek liburuaren hitzaurrean dioen bezala,... [+]
Hetero
Uxue Alberdi
Susa, 2024
----------------------------------------------------
Negazionismoaren, manosferaren eta trollen aroan ezinbestekoa da literaturaren ekarpena, errealitatearen tolesei begira jartzeko tresna paregabea delako: inguruan ditugun zapalkuntza... [+]
Guardasolak euria nahi du
Patxi Zubizarreta
Ilustrazioak: Irrimarra
Ibaizabal, 2024
---------------------------------------------
Duela 30 urte argitaratu zuen Patxi Zubizarretak Marigorringoak hegan liburuxka; J. M. Lavarellok ilustratua eta Edebé argitaletxe... [+]
Begiak zerumugan
Idazlea: Miren Agur Meabe
Ilustratzailea: Ane Pikaza
Elkar, 2020
-------------------------------------------------------
Askotariko testuak eta liburuak argitaratu ditu Miren Agur Meabek. Literatur genero guztiekin aritu da: haur eta gazte literatura,... [+]
Barrengaizto
Beatrice Salvioni
(Itzulpena: Fernando Rey)
Txalaparta, 2024
------------------------------------------------
Barrengaizto izenburua aukeratu du Fernando Reyk Beatrice Salvioni-ren La malnata itzultzeko. Reyk dio idazlearen ahotsa izaten ahalegindu dela,... [+]
PELLOKERIAK
Ruben Ruiz
Ilustrazioak: Joseba Beramendi, Exprai.
Elkar, 2022
-----------------------------------------------
Ruben Ruizek kontakizun laburrez osaturiko obra berri bat eskaini digu. Ez dira mikroipuinak, kontakizunek, modu independentean irakur badaitezke... [+]
Memet
Noemie Marsily eta Isabella Cieli
A fin de centos, 2022
--------------------------------------------------
Kolore gorriko kanpineko kremailera ireki eta atetxotik begira gaude Lucyrekin batera. Portada honekin hartzen du irakurlea Memet komikiak. Hitz gutxiko... [+]
Bihotz-museo bat
Leire Vargas
Elkar, 2024
-----------------------------------------------------
Gazte-egarri da euskal kultur sistema. Horixe zioen Leire Vargasek Berria-n idatzitako zutabean. Odol freskoa nahi du industriak: askotarikoa eta dibertsoa. Azkenean, baina,... [+]
Norberak maite duena. Hitza gogoan, irakurketa biziz
Miren Billelabeitia
Pamiela, 2022
------------------------------------------------
Miren Billelabeitia institutuko irakaslea da, literaturzalea eta Literatura unibertsala irakasgaia ematen du duela zenbait urtetatik... [+]
Snarkaren ehizan
Lewis Carroll
Irudiak: Henry Holiday
Itzulpena eta edizioa: Manu LÓpez Gaseni
Pamiela, 2024
-------------------------------------------------------
Udaberrian argitaratu zen esku artean dugun obra hau. Alizia herrialde miresgarrian,... [+]