Sabeletik eta burutik
Pasa dira makina bat urte ordutik: Bergarako Kartzela Zaharrean –Gaztetxean- bi musika taldek itzelezko emanaldia eskaini zuten hardcorea oinarri; gau gogoangarria izan zen, ederra. Bada, kontzertu ostean bi taldeetako kideen arteko elkarrizketa, pozarren, hauxe: “Nolatan jarri diozue Flyshit izena taldeari?”, batek. “Eta zuek, Spermbirds?”, besteak. Zozoak beleari ipurbeltz. Izen xelebredunak biak ala biak, baina hamarkadak pasata sasoi betean jarraitu eta gero eta gehiago post-hardcorean arakatu eta eroso mugitzen direnak.
Bananas ere izen xelebrea da erabat, baina Musikazuzeneaneko lagunei kasu eginez asteon eskuratu dut diskoa, eta a ze sorpresa ederra! Ezer gutxi dakit oraindik disko luze hau aurkeztu berri duten taldekideez (aurretik lan laburrago bat kaleratu zutela, hain justu), baina mimoz eta gogoz lantzen dute emaitza.
Diskoa zabaltzen duen Beste behin-ek ezinbestez ekarri dit Rites Of Spring gogora: malenkonia sarkor bezain indartsua, post-hardcorearen esentzia. Zenbaterainor-ek emo-an murgilduta pentsarazten dit noraino helduko den abeslariaren ahotsa: kantu honek (eta gainontzekoek) bietatik baitu, itsaskorretik eta garratzetik. Zaldi beltz bat-ek baditu riff gardenak eta Dut taldeko Josebaren pareko urgentzia. Bideharri, melodia beti aldarri, tempo eta erritmo aldagarri da, aberatsa. Zama are eta jostalariagoa, instrumental jokoak gehiago eta gehiago nabarmenduta eta Lisabö gogoan. Ulia-k darama aldean Leatherface handien Dead industrial atmosphere gaurkotuaren arima. Lehen buru gerra da, apokalipsiaren aurretik, pop-etik gogoz edaten duen eta ostean rockero bilakatzen den pieza ederra. Eta, azkenik, Kontra edo alde da, ezbairik gabe, erritmo biziz jantzitako pop garraztua.
Bananaseko kideek jakin dute irmotasuna, erritmo aberatsak, melodia barra-barra, gainetik kendu ezin (ezta nahi) dugun malenkonia pizgarria, irudimena, garraztasuna, urgentzia eta indarra batzen, kontrastez beteriko emaitza aberatsean. Izan ere, eskola zaharreko post-hardcorearen esentzia dauka puri-purian, eta are kolore gehiagoz zipriztinduta.
AUTOSUNTSIPENA HASIA DA. 3, 2,1... ZNORT!!!
Gailu
Bidehuts, 2023
----------------------------------------------------------
Politikoki zuzena izateari gehiegizko garrantzia eman, baina politika zuzena falta den garai kupidaga-
beotan esango dut Abregotarretatik,... [+]
Lau elementuren arteko baturak ez du beti lau ematen; gehienetan hori baino gehiago. Eta zer esanik ez, hainbat proiektutan ibili eta auskalo nola eta zergatik elkartu ziren hauek: Atxe, Led Infierno, Osoron eta Txerra. Aurrekariengatik uste genuen punka egingo zutela, baina... [+]
Ezin da talde baten irakurketa egin bere taldekideen iragana kontuan hartu gabe; eta kasu honetan, are zailagoa da ariketa. Tatxerseko kide bat dago eta Tatxers taldea dakar gogora Borlak. Ekidin ezina da aurreko taldean pentsatzea, baina motz geratuko gara, chorusdun gitarra... [+]
Debagoienan izan den hardcore talde bakarrenetarikoa da Fly Shit. Asmo handirik gabe eta egiten dutenean erabat sinistuta; presak estutu gabeko, eta era berean, etenik gabeko ibilbide sendoa daukate bizkarrean. Are gehiago, ez dute inoiz kontzertu txarrik eman, ezta soberako... [+]
Oñati herri berezia da zentzu askotan, eta zer esanik ez, inguruko herrietakoen begiradapean, a ze betaurreko janzten ditugun! Ezaugarri asko dituzte herriak eta herritarrek berezkoak, eta gazte asanbladaren inguruko mugimendua ere halakoa da, iraganean zein Antixena... [+]
Zenbat gauza pasatzen zaizkigun oharkabean. Nitxoetan mugituta ere, nitxo bakoitza handiegia ez ote da dagoeneko? Tolosatik dator Alai artistaren EP hau, breakbeat, jungle, UK garage eta house estiloko elektronika perfekzionista, zapore afrokaribearrarekin lurrindua.
Eta... [+]
Gaztetxotan Eskorbutin itxura hartzen nion arren, Aramaion jaiotako Antton Carreterok beti izan du begirada luzeagoa: punka bai, jakina, eta kinya bada hobe, baina beste estilo askori erreparatzen die aurreiritziei paso eginda; canallagoei, sentikorragoei… Horiek guztiek... [+]
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]
Garai batean, buruz genekizkien The Dark Knight filmeko Jokerren esaldi guztiak, “kaosaren agentea” zenez gero. Horrelakorik zuen, esaterako, bere jokabidea azaltzeko: “Plan bat duen tipo bat al dirudit? Badakizu zer naizen? Autoen atzetik korrika doan txakur... [+]
Katuzaldia
Ezezez
Autoekoizpena, 2023
----------------------------------------------------
Inoiz ez dut jakin oso ondo zein den “rollo british” musikan, sekula ez naizelako bereziki zalea izan, akaso. Ezezez entzutean, ordea, ez dut dudarik zer esaten duten... [+]
Over the red light
The Clayton
Autoekoizpena, 2023
--------------------------------------------------
Aramaioko (Araba) talde honek arreta deitu zuen Arrasate inguruan 2019an, oso gaztetxoak zirela jotzen hasi eta Los Clayton izenpean maketa rockeroa kaleratu zutenean... [+]
Entzun gabe doa
Pelax
Balio dute, 2024
-----------------------------------------------------
Testu hau irakurtzeko denbora soberan ez baduzu, laburtuko dizut: entzun Pelax. Aitzakiarik ez duzu orain, haien diskografia osoa Spotifyra igo dute lehen aldiz –lehendik... [+]
Betazalak
Xabi San Sebastian
Belarri, 2023
-----------------------------------------------------
Beti pentsatu izan dut Donostiako musikari eta sortzaile honek ez duela inoiz erdietsi merezi duen lekua edo arreta. Baina, hala ez bada ere, bere kantuak geldituko zaizkigu,... [+]
La Urbe
Chulería, JODER!
Autoekoizpena, 2024
-------------------------------------------------------------
Bizkaiko Ezkerraldean nerabezaro berantiarrean sortutako Desorden taldeak nire arreta piztu zuen haien gaztetasunean punk-rocka sinesgarri eta fresko... [+]
Ke Lepo
Izpi
Forbidden Colours, 2023
-------------------------------------------------------------
Inteligence Dance Music deitzen zaion estiloan mugitu da Ke Lepo. Musika estilo batentzako izen ponposoagorik okurritzen inori? Technoaren eta ambientaren garapen mota bat... [+]