Bloñ, absurdoaren eta poetikoaren erdian
Urtebetean lau kapituluko telesaila egitea nahikoa lan ez zela pentsatuta abiatu zen Bloñ proiektua. Bañolet telesaileko zuzendariek, gidoia, zuzendaritza, produkzioa eta muntaia egiteaz gain, soinu banda egitea deliberatu zuten. Eta soinu bandarekin, diskoa, eta diskoarekin etorriko dira kontzertuak eta saltsa gehiago.
Saltsa zaleak baitira Paxkal Irigoien eta Maia Iribarne, oso-oso zaleak. Lanez lepo zeuden garaian hasi ziren soinu banda konposatzen. Goizetan entseguak, eta arratsaldeetan kapituluen muntaiak, ordenagailu parean. Zentzu horretan, Bloñ. Bañolet kantuz plazeretik egin den lana da, bi musikariei natural zaien eremuan.
Abiadura bizian konposatu eta grabatu zituzten kantok, letrak egunean bertan idatziz, estudioan, edo estudiora bidean. Eta hori da harrigarriena. Talde askorentzat urteetako lana izan dena, aste batzuetan burutu dute baxenabartarrek, Nicolas Armendariz bateria eta Allande Etxeberri baxua lagun.
Estiloa? Popa dela jartzen du Badok web-orrian. Ez dakit, irri egiteko, edo besterik gabe gaur egun dena delako popularra. Edozein kasutan, estilo nahasketa aski aberatsa da, inongo moldetan sartzen ez dena. Hori guztia baxenabartarrek hainbeste maite duten surrealismo gatz puntuak lagunduta. Arrarokeria ez al da musika estilo bat?
Kikerak kanta bizkorra, amaieran film baten pausa dramatiko epiko eta guzti. Han-en harritu gaitu Ane Garciak kantatutako melodia ederrak –Habiaren Urre handia-ra eraman nau hasierak, Pixies-en Where is my mind?-era amaierak–. Eihera kantua, Iribarneren ahots loop trantzearekin. Erbiak-en Airbnb-ren homofonia aprobetxatuz: Erbien bi lagun sutan, bum ba bum ba ba ba bum!
“Absurdoa” hitzarekin definitu omen dute telesailaren eta diskoaren espiritua. Jokoetatik abiatuta, beti ere. Absurdoa eta poetikoa nahasten dituztela sentitzen dute. Ezin da hobeto deskribatu jarrera. Lehen aipatutako arrarokeria ez delako, inondik inora, eusnob jarrera, handik eta hemendik bereizteko egindako harrokeria, lurreko eta urmaeletako animalia txikiekin, narrastiekin eta gautarrekin bat egiteko manifestua baizik.
Iribarne-Olhagaraitarrek urte ederra eman digute. Diabolo Kiwi, Habia eta Bloñ taldeekin urteko hiru disko berezienak kaleratu dituzte Leire eta Maia ahizpek, nork bere bidetik, musikaren iturri zabala hedatuz. 2022ak emango duenaren zain.
P.D.: Badok-en baino ez duzu izango entzuteko aukera, ez spotifyn, ez bandcampen. Edo CD zahar horietako bat eros dezakezu, nonbait topatuko duzu non erreproduzitu. Bide batez, Bañolet telesailak 2021eko Durangoko Azokako Sormen Beka irabazi du eta martxoan ikusteko moduan izatea espero da.
Olatz Salvador
Noiz: martxoaren 15ean.
Non: Deustuko jaietan.
------------------------------------------------
Martxoak beti du deustuarrontzat kolore berezia; urtero ospatzen ditugu jaiak, San Jose egunaren bueltan. Bi asteburu bete festa, eta urtetik urtera Deustuko... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Hunkituta eta ilusioz egin dut Iruñetik Oronozerako bidea. Maite dut Olaia entzutea, baita hizketan ere. Herriko farmaziaren ondoan autoa utzi eta balkoitik agurtu naute hark eta bere zakur Arak. Grabagailua martxan jarri aurretik, bueltaxka egin dugu frontoira eta Arak... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Inoren Ero Ni + Lisabö
Noiz: martxoaren 14an.
Non: Gasteizko Jimmy Jazz aretoan.
----------------------------------------------------
Izotz-arriskuaren seinalea autoko pantailatxoan. Urkiola, bere mendilerro eta baso. Kontzertuetara bideko ohiko errituala: Inoren... [+]
FITXA
Zer: OLBEk antolatutako Gaetano Donizettiren ‘La favorite’ opera.
Nork: Euskadiko Orkestra Sinfonikoak (zuzendaria: Riccardo Frizza) eta Bilboko Operaren Abesbatzak (zuzendaria: Boris Dujin).
Noiz: otsailaren 18an.
Non: Bilboko Euskalduna Jauregian.
Olor
Noiz: martxoaren 9an.
Non: Bilboko Sarean espazioan.
---------------------------------------------------------
Esperantza. iz. Nahi edo desiratzen dena gertatuko delako edo lortuko delako uste ona.
Izen horixe jarri zion Jokin Azpiazu Carballo Olor ermuarrak bere... [+]
22 talde gehiago iragarri dituzte Lakuntzan uztailean izanen den HatortxuRockerako: Bad Sound, Dupla, Su Ta Gar, Chuleria Joder!, Brigade Loco, Leihotikan, Burutik, Tribade, Maskak, Les Testarudes, Non Servium, Añube, Dj Plan B, Gatibu, DJ Trapella, La Jodedera, Süne,... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Elgarrekin izena du Duplak egin duen aurtengo abestiak eta Senpereko lakuan grabatu zuten bideoklipa. Dantzari, guraso zein umeen artean azaldu ziren Pantxoa eta Peio ere. Bideoklipa laugarrengo saiakeran egin zen.
Duela 150 urte, 1875eko martxoaren 7an jaio zen Maurice Ravel musikagile eta konpositorea, Ziburun. Mundu mailan ospetsu dira haren lanak, bereziki Boleroa. Sarri aipatzen da Parisen bizi izan zela, kontserbatorioan ikasi zuela aro berri bateko irakasleekin, munduko txoko... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]