Normaltasuna da zigorra
Animalia batzuk dira. Hor buka daiteke kronika. Joseba Irazoki eta bere lagunak, JIEL bilakatu dira, eta sasoiko daude. Lagunak, jakina da, Ibai Gogortza gitarran, Jaime Nieto baxuan eta Felix Buff (bufffff) baterian dira. Aspaldi ikusi gabe laukotea, eta distortsioa zein garbi astintzen duten, dedio!
Haien lan berrian, sample eta midi batzuk prestatu dituzte zuzenekorako, egia esateko, asko eskaintzen ez dutenak. Nahikoa dute euren indar propioarekin. Soinu dotorea ateratzen dute den-denek, eta aski bete kantaren frekuentzia guztiak.
Joseba Irazoki eta lagunak
Noiz: abenduak 12
Non: Usurbilgo Sutegi aretoa
Lan berriko errepertorio osoa eman dute, Etorkizuneko nostalgia, Gizaki dependientea, Oro eta Egia eta gezurra (hemen bai, sample eta bestelakoek kolorea gehitu dute). Aurreko lana bezain leherkorra ez den arren, abiadura eta txinpartak mugitzen dituzte kanta guztiek. Eta jackiek dio “kanta lasaienak” ere, mugitzen zaitu barru-barruan.
Sicarioa afterrean dantzarako aproposa dela ziurtatu du Irazokik. Pelax taldearen Arerio etorri zait gogora, erdi broken beat horrekin. Eserita egotea zaila izan da Olimporentzat –Usurbilgo pertsonaia ezagun horietako bat– eta, inbidia apur batekin ikusi dugu bere eromen puntua, zutitu eta dantzan jarri denean “zinbuluka, zanbulu”.
Klimaxa bilatzeari ekin diote, eta etorri ere, etorri da Zigorra profetikoan: “Arauak onartu beharra da zigorra / ez isuna, ez kartzela / Burua makurtzea, arrazoia ematea / Men eta men egitea eta amen esatea. / Normaltasuna da zigorra”.
Gogortzak eta Irazokik partekatu dute solo luze eta disonante bat, eta amaierako zati instrumentalean denek eman dute dena. Irazokiri kableak eutsi dio, urrunera zihoan bestela, bere trantzean, “Joseba Irazoki Eta” akronimoa duen gitarra dotoreari konta ezinezko soinu eta zarata koloreak ateratzen.
Ibilbide luzeko taldeek badute erosotasunaren arrisku puntu bat. Taldekideak beste mila saltsatan dabiltzala eta, izan zitekeen sormen lasaiago baterako aitzakia. Inondik inora ere ez. Mugetaraino eramaten dituzte kantak, elektrizitateari sua ateratzen. Lisabö-koei entzuna diet, ez direla inoiz izango Euskal Herriko talde gogokoenen zerrendan. Baina kontuz, Zappak zioen moduan: “Zure musikari gogokoenaren musikari gogokoenak dira”. Normaltasunari ostikoka beti.
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Anari + Belako
Noiz: abenduaren 5ean.
Non: Iruñeko Zentral aretoan.
-----------------------------------------------
Gogoan dut Erasmuseko lehenengo hilabetean ikusi nituela aurreneko aldiz Belakokoak zuzenean. Ez nintzen haiek ikustera joan, azkenean bertan behera... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]