Olatu guztien azpitik, sormen askearen gainetik
.jpg)
Ospea kudeatzea ez da inorentzat erraza, are gutxiago gazte-gaztea izanda eta lehen diskoarekin gertatuz gero. Horixe bizi izan zuten oso modu natural eta espontaneoan unibertsitatean topo egin eta ondo pasatzeko asmoz kantuak idazten hasitako Huntza talde sortu berriko partaideek. Bat-batean lehen diskoko Aldapan gora kantuaren bideoak milioitik gora bisita jaso zituen eta inork aurreikusi ez zuen zurrunbilo erraldoian murgildu zituen.
Eutsi zioten olatuari, egin zituzten ehunka kontzertu eta elkarrizketa. Eta ia jarraian bigarren diskoa kaleratu zuten; hura ere jai-girokoa, freskoa eta bizitzeko gogoz zipriztindutakoa. Ikasketak eta musika, ospea eta egunerokoa, askotan oso zaila den oreka lortu zuten hankak –aldapan– lurrean izan dituztelako beti.
Horren ostean heldu zen pandemia eta konfinamendua, eta baliatu dute jaisteko erritmoa, presioa alboratzeko, hausnarketa egiteko, arnasa hartzeko neurri batean, eta hirugarren diskoa –Ezin ezer espero– patxadaz pentsatzeko eta sortzeko. Beti joan izan dira korrontearen kontra, taupada propioak jarraituz, eta oraingoan ere hala egin dute jendeak espero duenari erreparatu beharrean barrura begiratuta.
Eta barruak eskatu diena sorpresa da hein handi batean: esaterako, diskoaren lehen kantua, Odoletan, rockeroa da, bestelako erritmo eta gorputza dauka, nahiz eta trikitia eta melodia dituen lagun. 17:21 detailez jositako pop-a da, parte hartzen duen Julieta Venegas handiarentzat propio egina dirudien lo-kanta ederra. Izan nahi dut-ek, aldiz, Huntza-ren ohiko marka dauka zizelkatuta: trikitiak gidatutako pop-rock bizi eta alaia, nahiz eta badituen ñabardura berriak. Haizeak-ek, adibidez, erraztasunez lehiatu dezake folk epikoa egiten duten talde nabarmenekin. Doctor Prats-eko lagunek parte hartu dute abestian. Poema nekatu bat xuxurlari jaiotzen da, baina ia orkestral bilakatzen da. Punta punte bi rockaren eta trikitiaren arteko lehia da, gaur egungo hit!a. Damutu asko mestizoa da erabat, riff iluna eta karibear doinua batzen dituena. Azkenik, Agur Itaka pop eta folk balada da.
.jpg)
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.
Ibilbide... [+]
Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]
Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]
"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.
Zeren, sortzaile... [+]
Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]
Ez dago beste biderik, gustuko ez duzuna aldatu eta beste zerbait sortzeko apurtu egin behar da: apurtu eta zerotik hasi. Hori izan zen punkaren oinarria; eta horixe bera da Leire Led Infiernok (ahotsa) eta Txerra Bolinagak (bateria) erabaki zutena Piztupunk taldea zena nahita... [+]
Interneten musika entzuten duzunetakoa bazara, ia seguru ezagutzen duzula Kokoroko. Agian uste duzu ezetz, baina hartu segundo bat eta bilatu Abusey Junction. Oscar Jeromeren gitarra riff malenkoniatsua ezaguna egin da Spotify eta YouTube gisako plataformetako algoritmoaren... [+]
Neomak taldeak tradizioaren perkusioa dakar, molde elektroniko zainduarekin. Arrasateko Leire Etxezarreta, Amets Ormaetxea eta Irati Gutierrez, Asteasuko Garazi Otaegi, Zarauzko Eneritz Aulesti, Zizurkilgo Maria Lasa eta Debako Alaitz Eskudero dira zazpi kideak. Denak dira... [+]
1988an, Euskal Herrian gazteria punkean eta RRVan buru-belarri murgilduta zegoen garaian, Bilbo eta Santurtzi artean La Secta taldea sortu zuten ozeanoz bestaldeko –antipodak barne– musikari so egiten zioten lau gazte ausartek; haietako bat zen La Herencia de los... [+]
Searching for sugar man bezalako istoriorik ez du emango Euskal Herriak. Gutxitu eta gutxietsiak, zer egingo diogu. Baina herri txiki –eta infernu handi– honek eman ditu hainbat mito, itzaletatik agertu eta itzaletara itzultzen direnak.
1980ko hamarkadan eduki... [+]
Arrasateko Perlata taldea ez da, bada, ia inorekin ezkontzekoa. Haien bide propioa egiten dihardute 2015etik, inguruan zer egiten den begiratuta bai, baina norabide eta erritmo propioan, eta ez lasaian, hain justu. Disko eta kilometro dezente daramate bizkarrean. Harritu nau,... [+]
Krisi pandemikoa ere izan da birsortzeko aukera berri bat, halaxe erakutsi du Usurbilgo Odolaren Mintzoa taldeak. Normaltasunari iseka egiten dion lana, su txikian ondu dute Hauskor Andoaingo Garate estudioetan. Kaki Arkarazoren laguntzarekin findu diren 8 kanta biltzen... [+]
Gutako edozein, gutako bakoitza isla bat gara ezinbestez, mehatxuz, aukeraz eta bestelako bizidun ugariz inguratutako itsaso erraldoian igeri egiten. Lan ederra daukagu gure flotazio-marra propioa kudeatzen, alboetatik etortzen zaizkigun olatu, uhin eta bestelakoen artean zer... [+]
Azkenean egin du. Azkenean, urtetako ibilbidearen ostean, Odei Barroso bertsolariak atera du bere bakarkako lehen lana. Tira, bertsolaria ez. Raplaria baita bertsolari izan aurretik. Baina bertsoaren jakintza ondo baliatuta dator, esatekoak zituenak errimaz esateko eta... [+]