Ilargi argiaren itzala
Azaroko gau hotz hauetan Gasteizko kaleak ez ditu ilargiak argitu, Umbra argi festibaleko ikuskizunek baizik. Argi gutxiko egun labur hauetan argien artearen munduan barneratzeko aukera eman digu jaialdiak, izan ere, ikusleek esparru horretako azken adierazpen artistiko eta teknologikoen esperimentua bizi ahal izan dute.
Umbra jaialdia
Noiz: azaroak 12-13-14
Non: Gasteiz
Arte bisual digitaleko 19 ikuskizun bildu dituzte aurten, hiriburuko kale, enparantza, eliza eta eskulturetan. Erdigune historikoan oinarritutako edizio honek artelanak askotariko ibilbideen bidez ikusteko beta eman digu. Gasteizko Alde Zaharreko, hiriko hegoaldeko eta Zabalguneko eremuak hartu ditu antolakuntzak, espazioen artean tartea utziz. Neurri horiek ez dira bakarrik pandemiagatik hartu, baizik eta 2019ko lehenengo edizioan izan ziren hainbat eragozpen bideratzeko asmoz.
EHUko Hezkuntza eta Kirol fakultatetik hasi, Arabako Arte Ederretako Museotik igaro eta Aihotz plazara arte luzatu da ibilbidea. Tartean, Villa Suso Jauregia, Erdi Aroko hozkailua, Santa Maria Katedrala eta Artium museoa hartu dituzte ikuskizunek. Argiekin batera musikak ere bere tokia izan du, adibidez, Miradas ikuskizunean. Espazio zehatzetara egokitutako proiektuak ere izan dira, hala nola Icesky izenekoa, zeina, modu poetiko eta sinple batean, zeruaren eta lurraren arteko erlazioaz mintzo den.
Oraingo edizioan ere videomappingak edo eraikin zein hormetan egindako proiekzioak eta argizko eskulturak ikusgai egon dira. Gainera, bi nobedade aurkeztu dituzte: Andra Mari Zuriaren Plazan 360ºko instalazio bat, eta performance bisual bat margoa eta argia lantzen dituen artista batekin.
Orotara, jatorriko askotako 20 artistak parte hartu dute festibalean, hala nola, Tolouse, Montevideo, Buenos Aires, Belgrado eta Espainiako Estatutik etorritakoek. Aukeraketa bi konkurtso publikoren bidez egin dute eta xede nagusia argiaren hezkuntza bultzatzea izan da.
Instagrameko erabiltzaileek ulertzera eman dutenez arrakasta izan du 2021eko edizio honek. Erabiltzaileen storyek asteburu luze honetako ikuskizunak erakutsi dituzte, jaialdia bizitzeko eta ikusteko milaka ikuspuntu azaleratuz.
Garraio publikoaren zerbitzuaren gainbeheraren barruan, alde estetiko hutsa bada ere, ohikoa bilakatu da trenak margoturik ikustea eta, behingoagatik bada ere, ez da arrazoi ekonomiko hutsengatik, langileek azaldu dutenez.
Leioako XXIII. Umore Azoka ospatuko da datorren asteburuan. Arte eszenikoetako 43 konpainia eta 90 emanaldi izango dira ikusgai; tartean izango dira Euskal Herriko hamazazpi konpainia.
Lau horma irudi egingo dira aurten. Urtero hainbat artista gonbidatzea da udalaren asmoa. Artista bakoitzak hamar urteko bermea ematen du bere horma irudia bere horretan mantenduko dela ziurtatzeko.
“Hedabideek isilarazten dutenaz mintzo dira hormak”, zioen erdaraz Barakaldoko mural batek 1990eko hamarkadan, horma-irudien eta pintaketen zeregin nagusia azpimarratu nahian. Ahots anonimoak dira, horman idatzitako hitzetik mintzo direnak, espontaneoak gehienak, gai... [+]
Street Art Cities plataformak egiten duen sailkapenean, munduko hirugarren onena hautatu dute Ondarroako Kamiñazpin dagoen Lian muralgilearen lana.
Zerbitzu sekretuen alorrean erabili ohi diren OSINT teknikak erabiliko dituen enpresa bat kontratatzeko proiektua lizitaziora atera du Gasteizko Udalak, Arabako Alea-k jakitera eman duenez.
Igor Rezola Dizebi grafitigileak Donostia 2016 Europako Kultur Hiriburutzaren enkarguz egin zuen lana ezabatzea erabaki du Donostiako Udalak. "Kapitalismoa borrokatu" idatzi zuen Itsasondoko artistak, eta ondoren, "ismoa borrokatu" estali zuen horman... [+]
Autodidakta, kritikoa eta batere konformista. Materiala erosteko dirurik eduki ez arren hori ez da inoiz arazo izan. Hiri grisen pareta zuriak dohainik dira eta erakusleiho paregabea mezuak zabaltzeko. Espraia eskuan, espazio publikoaz jabetzen da eta ezarritako estereotipoei... [+]
Nexgraff grafitigileek amaitu dute Lazkao Txikiri eta euskarari eskainitako horma-irudia. Kolorez eta ikur sinbolikoz betetako muralak oihartzun handia izan du.
Herrian grafitiak egiteagatik ezarri diote zigorra. Martzek adierazpen askatasunaren eraso gisa ikusten du gertatutakoa eta esan du ez duela isuna ordainduko. Hainbat artistaren babesa jaso du.
Legediaren arabera, musikariek 75 metroko tartea izan beharko dute beraien artean, eta 20 metrokoa etxebizitzekiko. Beraz, artistak ezingo dira Donostiako Parte Zaharrean aritu.
Hondakin arriskutsuen zabortegi bat eraikitzeko proiektuak zatitu zituen Fanzara herri txikiko biztanleak. Ezinikusiak eta etsaitasunak gainditu eta komunitatea osatzen ahalegintzeko sortu zuten Arte Urbanoaren Museo Bukatugabea (MIAU, gaztelaniazko siglekin). Herriko hormak eta... [+]
Aurreko astean ekitaldi bat antolatu genuen, Pablo Hasél kartzelaratzeko egoeraren aurrean. Adierazpen askatasuna erabiliz, ahal zen neurrian arreta deitzea zen asmoa, errepresio eta zentsura larri honen aurrean. Badirudi lortu dugula, ez hainbeste gure ekintzengatik,... [+]