Alokairuan bizi diren maizterrak antolatzen aitzindari da Bartzelonako maizterren sindikatua, Sindicat de LLogateres. Hiriburuan sortu eta zazpi sekzioetan hedatu ostean, berriki eratu dute Katalunia mailako antolakundea. Jabe handien aurrean, maizterrak elkartzea dute helburu, indarrak orekatu asmoz. Garaipen batzuk badituzte dagoeneko. Eta alokairua aukera duina, egonkorra eta segurua izan dadin ari dira borrokan.
Zer da Sindicat de Llogateres?
Orain dela bost urte jaiotako antolakundea da, etxebizitzaren arazoari modu kolektiboan erantzuteko sortua; zehazki, familiak itotzen ari den eta pertsonengan eragin basatia duen alokairuen burbuilari erantzuteko. Azken bost urteetan %30 igo dira prezioak, baina familien gaitasun ekonomikoa ez da igo. Burbuila horrek eragindako arazoetan oinarritzen da gure borroka.
Zertaz ari gara burbuilaz ari garenean?
Alokairuaren prezioen inflazioaz. Ez da fenomeno meteorologiko bat, urte askotako etxebizitza politiken emaitza baizik. 2008ko hipoteken krisiaren ondotik, milaka aktibo higiezin ezer ez balio izatera pasa ziren. Espainiako Gobernuak gainetik kendu nahi izan zituen, eta horretarako, nazioarteko putre funtsei oparitu zizkion, huskeria baten truke, prezio irrigarrietan. Aktibo horiek, uler dezagun, milaka pertsonen etxebizitzak dira. Bestalde, alokairuzko kontratuen iraupena murriztu zuten, bost urtetik hirura, eta ondorioz, hiru urtero etxetik bota zaitzakete, edo kontratua berritu %80ko igoerekin. Halako ehunka kasu ikusi ditugu.
Bigarren mailako eskubidea al da etxebizitza?
Etxebizitza eskubide gisara ulertu daiteke, edota merkatu ondasun gisara. Espainiako Estatuan, etxebizitza politikak beti ulertu du etxebizitza ondasun gisara. Huts egindako politika da.
Alokairua behin-behineko aukera gisara ulertu ohi da, gazteena, ikasleena. Zerikusirik ote du horrek?
Estatuko etxebizitza politikak jabetza pribatu gisa ulertu du etxebizitza. Are gehiago, obra publikoan eraikitakoaren %90 jabeen poltsikoetara pasa da. Baina hori ez da hala toki guztietan. Vienan, adibidez, parke publikoaren %40 alokairukoa da, eta aukera egonkorra eta segurua da. Hemen dugun ideia azken hamarkadetan bultzatutako politikek eragindakoa da. Baina Bartzelonan %60 bizi da alokairuan; gehiengoarentzat, beraz, jabetza ez da aukera bat. Ni lau aldiz bizi beharko nintzateke Bartzelonako pisurik merkeena erosteko. Alokairuan bizitzea ez segurutzat hartzen da, hala delako: alokairuan ere bizi proiektu bat eraikitzeko aukera nahi dugu, etengabeko borroka batean bizi behar izan gabe.
Lan sindikatuetan bilatu zenuten antolatzeko inspirazioa. Zergatik?
Etxebizitzarena da gaur egun gizarteak bizi duen zapalkuntza nagusia. Urte askotan, lan duin baten falta izan zen, hilabete bukaerara iristea. Egun, noski, asko hobetu daitezke lan baldintzak, baina egonkorrak dira nolabait. Baina horrek ez du zentzurik gero irabazien %50a alokairua ordaintzeko bada. Lan alorreko sindikatuek borroka oinordetza handia utzi digute. Milaka lagun antolatzeko gai izan dira. Etxebizitzaren alorrean jabe handien oligopolio bat baldin badago, antola gaitezen, indarrak oreka daitezen. Nola negoziatuko duzu zuk zure alokairua Blackstonekin, munduko inbertsio funts handienarekin? Aldiz, 500 maizter elkartu eta Blackstonekin negoziatzen badugu, edo ez dugula ordainduko esaten badugu, bada…
Jendea ahalduntzen dela, alegia.
Jendea beldur eta sufrimendu handiarekin iristen da asanbladetara. Gero eta sistema indibidualistagoan bizi gara, eta ondorioz, egiturazkoak diren arazoak gureak bakarrik balira bezala bizi ditugu, gure errua balitz bezala. Jendea ahalduntzen da ikusten duenean bere arazoa beste milaka lagunena ere badela, eta arazoa ez dela nahikorik kobratzen ez duela, edo ez duela bizitzan arrakastarik izan. Ulertzen du arazoaren jatorria politikoa eta ekonomikoa dela, eta norbere etxean gelditzeko modu bakarra borroka egitea dela.
Eta bada garaipenik?
Zorionez bai, bestela ez ginateke bost urte ondoren hemen egongo. Garaipen esanguratsuak dauzkagu: Goldman Sachs funtsak %60 igo nahi izan zuen ehundik gora etxebizitzen alokairua. Bloke osoa antolatzea lortu genuen, eta azkenean, igoera %15ekoa izatea lortu genuen. Ondorioz, antzeko egoeran zegoen jendea eredu hori errepikatzen hasi zen.
Berlinen etxe jabe handiak etxegabetzea onartu berri dute erreferendum batean. Eredu bat da zuentzat?
Noski. Erreferenduma ariketa demokratiko ikaragarria izan da, eta tabu bat jarri du mahai gainean: zer egin hamarkadetan zehar nahi duten guztia egin duten espekulatzaileen etekinak mugatzeko. Hemen ere badira tresnak putre funtsen pribilegioak eta espekulazioa mugatzeko. Irudimenez jokatu behar da.
Espainiako Gobernuak gazteentzako laguntza bono bat iragarri berri du.
Bonu horrek gazteen %1ari eragingo lioke. Horrekin dena esanda dago. Espainiako Gobernuak aukera historikoa du azken 30 urteetako lehen etxebizitza legea egin eta etxebizitzarako eskubidea bermatzeko. Antolakunde asko ari gara horretarako proposamenak egiten. Baina zoritxarrez ez gara jendea konbentzitzeko lanean ari diren bakarrak; lobby inmobiliarioak baliabide asko ditu eguna ministroei telefonoz deitzen emateko. Zer gertatuko den? Neurri handi batean Gobernuaren aurrekontuak babes ditzaketen alderdi horien esku dago.
Eta borrokatzen denaren esku, ziurrenik.
Kalean egunero borrokatzen dugu, ostiaka, azpiko bizilaguna bota ez dezaten. Egunero ari gara etxegabetzeak gelditzen.
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Groseko hainbat maizterrek, Saretxe etxebizitza sindikatuarekin elkarlanean, Azora putre funtsaren gehiegikeriak salatu dituzte. Bizilagunek elkarrekin egin nahi diote aurre jabetza duen enpresari, eta manifestaziora deitu dute, hilaren 25erako.
Alokabidek gutxienez sei etxegabetze prozesu ireki dituela salatu du Gasteizko Etxebizitza Sindikatuak. Horietako bat uztailaren 18an izanen da.
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Etxe turistikoek alokairuaren merkatuan duten pisua aztertu dute, eta hainbat datu adierazgarri gelditu dira agerian.
Donostiako auzokide horiek Saretxe Groseko Etxebizitza sindikatuarekin batera ari dira lanean, Azora enpresak Inmobiliaria Vascongadaren jabetzak erosi zituenetik pairatu dituzten arazoei konponbidea bilatzeko. "Klausula ilegalak" dira kexa nagusienetariko bat, eta... [+]
Alokairuzko etxebizitzaren prezioa %10,3 handitu da azken urtean Euskal Autonomia Erkidegoan, Idealista etxeak egindako azken txostenaren arabera. Hala, metro koadroaren prezioa 14 eurokoa da hilean, batez beste. Hiriburuka aztertuta, Donostiak dauzka preziorik altuenak.
Turistek neurrigabeko prezioak dituzten apartamentu eta hotelak bete dituzte. Eta zu gurasoen etxean, etsita, konpainia handiek eta espekulatzaileek alokairua puzten duten bitartean.
Azora funts putrearen maizterrak diren beste lau familiaren etxegabetzea geldiarazi nahi dute Inquilinos de Azora, Alokairu Benta Berri eta Kaleratzeak Stop eragileek. Horretarako, Donostiako Udalari, Gipuzkoako Foru Ogasunari eta Eusko Jaurlaritzari zenbait eskaera egin... [+]
Alokabideri, Gasteizeko Udalari eta Gizarte Zerbitzuei konponbide bat bilatzeko exijitu die Auzoan Bizi Etxebizitza Sareak. Eusko Jaurlaritzarena da etxebizitza.
Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]
Besteak beste biltegi modura erabiltzen dute lokala, oinarrizko hainbat material jasotzeko eta beharra duten pertsonei emateko. Aurretik ere izan dira desokupen mehatxuak.
Fuera Okupas desokupazio-enpresa gutxienez bi aldiz joan da haiek jazartzera. Gaur Bilboko Udaltzaingoa eta Ertzaintza bertaratu dira, eta eraikinetako batean sartu dira: pertsona bat kanporatu eta atxilotu dute.
SAREBek egin nahi zuen etxegabetzea geldiarazteko eta alokairu soziala lortzeko hilabetetan borrokan aritu ondoren, Haritu Elkarlaguntza Sareak iragarri du “mobilizazioari, presio sozialari eta antolakuntzari esker” familiar honentzat alokairu soziala lortu dela.