Behar banauzu, ondoan nauzu
.jpg)
Garazi Arrula Ruiz | Txalaparta, 2021.
Egun batean, Taylorrek zerbait eraikitzea erabaki zuen”. Horrela hasten da Minneapolisen bizi den egile honen Eta untxiak entzun albuma. Taylor zerbait eraikitzen hasten da, berria, berezia, xoragarria… eta horrela ikusi ahal izango dugu zein harro dagoen bere eraikuntzaz. Bat-batean, baina, Taylorrek eraikitakoa txikitu egingo da haurraren nahigabea eta tristura sorraraziz.
Animalia ugari saiatuko dira Taylor animatzen, etsipenetik ateratzen, aurrera egiten… eta, horrela, irakurleak ikusi ahal izango ditu animalia bakoitzak haurrari egiten dizkion proposamenak; hitz egin, oihu egin, gogoratu, barre egin, ezkutatu, zakarretara bota, beste bat hondatu… Honek, baina, behin eta berriro esaten die ezetz; ez du oiloak, hartzak, elefanteak, hienak, ostrukak, kanguruak ezta sugeak proposaturikoa egiten. Harik eta untxia agertu arte. Untxiak ez dio ezer esaten, haurraren ondoan kokatu eta isilik geratzen da, bere ondoan dagoela adieraziz ekintzen bidez, hitzen beharrik gabe.
Hunkigarria eta gomendagarria da Cori Doerrfeldek idatzi eta ilustratu, eta Garazi Arrulak euskarara ekarri duen albuma; kolore gutxi erabiliz eta trazu sinple eta zehatzen bidez egileak ederki islatzen du une bakoitzean kontatu nahi digun egoera. Irakurleak ikus ditzakeen orri bietan animalia bakoitzaren proposamena agertzen zaigu hainbat irudiren bidez, bizitasuna eta animazioa emanez kontakizunari.
Liburuak ez du testu ugari; esaldi gutxi, labur eta antzekoak darabiltza egileak. Eta, sintesi honi gehitzen badiogu irudietan ematen den progresioa, liburuaren kontakizunak oso erritmo bizia hartzen du untxia agertu arte. Untxiak, aldiz, baretasuna dakar, gelditasuna, patxada; esan baino entzuten duenaren pazientziaz untxiak erakusten digu zein garrantzitsua den beharra duenaren ondoan egotea, itxarotea berak hitz egin edo zerbaitetan aritzeko gogoa izan arte. Eta denbora horretan guztian jakin dezala elkarren ondoan egongo zaretela, zu hor zaituela, bere ondoan, hurbil… “haren gorputz beroa sentitzeraino”.
Eta untxiak entzun hau istorio sinplea dugu, goxoa, benetako beharren, benetako lagunen eta laguntzaren inguruko kontakizun zoragarria.
Esloveniako eskoletan izan duen arrakastari tiraka, Alberdania argitaletxeak Euskal Herriko ikastetxeetara ekarri du Joko Ona Denontzat irakurketa-lehiaketa: DBHko ikasleek “kalitate handiko liburuak” irakurriko dituzte taldeka, eta avatarra aukeratuta, horiei... [+]
Abentura erraldoia. Salba dezagun kalejira haurrentzako liburua modu berezian aurkeztu du ARGIAk, Donostian. Haur eta guraso ugari bildu ziren Gorka Bereziartua eta Adur Larrearen ipuinaren bueltan, eta festarako, dantzarako, ipuinak kontatzeko eta maskarak marrazteko tartea... [+]
Donostiako Gros auzoko erraldoi eta buruhandien konpartsak giroturiko kalejira eta dantza izango ditu lagun, ostiral honetan ARGIAk antolatu duen liburu aurkezpenak: Abentura erraldoia. Salba dezagun kalejira aurkeztuko dute Gorka Bereziartua eta Adur Larrea egileek.
"Erraldoiei buruzko ipuina nahi dugu, haur txiki nahiz koskortuagoentzat". ARGIAk enkargua egin zien etxekoak ditugun Gorka Bereziartua kazetariari eta Adur Larrea ilustratzaileari. Emaitza: Abentura erraldoia. Salba dezagun kalejira. "Gauza berriak probatzeko... [+]
Saran egingo da urriaren 11 eta 12an, eta aurtengoa laugarren edizioa izango da.
"Arrats arrunt bat zen. Zapoarentzat”. Arrats hori da Maite Mutuberriak album honetan kontatzen diguna. Oso testu gutxi du liburuak, eta irudiek ederki kontatzen digute istorioaren nondik norakoa.
Hasieratik ikus dezakegu ilustrazioetan zapo handi eta lasaia,... [+]
Liburu honetara hurbiltzen denak lehenbizi G. Mabire-ren irudiekin egingo du topo. Komikiaren estiloko irudiak dira, trazu oso zehatzak eta kolore bizikoak, pertsonaiak eta egoerak erraz interpretatzen laguntzen dituztenak. Irudi horiek testuarekin bat datoz: laburra eta zehatza... [+]
Irakurtzen al dute –eta irakurritakoa ongi ulertzen al dute– haur eta gazteek? Eta helduok? Eskolan zein tarte eskaintzen zaio irakurketari eta literaturari? Nola prestatzen da ikasleei eskaintzen zaien liburu zerrenda eta nolako liburutegiak dituzte ikastetxeek,... [+]
Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]
Igande goiza Tolstoiren ipuin bat irakurtzen pasa genuen, irakurtzen, euskaraz: “Zenbat lur behar du gizon batek?”. Eta Elena Odriozolaren marrazkiak ezagutu ditu Gulliverren abenturetan ikusi zituelako, Ipuinen harian gozatu. Diskotekero jartzen da gero, maiz, eta... [+]
Saria bost eguneko literatura-egonaldian parte hartzeko aukera izango da. Guztira hogei irabazle izango dira, eta ikastetxeak ere sarituko dituzte.
Gure semea irakurtzen hasi zelarik eskolan, bere adineko liburu bila aritu ginen. Horrela agertu zitzaigun etxean frantsesezko Sami et Julie font des crêpes (“Samik eta Juliek matahamiak egiten dituzte”), E. Massonaud eta T. Bontéren lana. Izenburua... [+]
Haur literaturako pertsonaietan aniztasun falta dagoela eta estereotipo eta rol sexistak gehiegitan erreproduzitzen direla ondorioztatu du Parean elkarteak, azterketa egin ostean. Sustraietatik eraldatuz dokumentala atera du orain, ikerketaren emaitzak, ipuin gomendioak eta haur... [+]