Voxen diskurtso sozialista
Eusko Legebiltzarrean Voxeko parlamentari den Amaia Fernándezen diskurtsoaren zati bat entzuteko aukera izan nuen, azkeneko osoko bilkurakoa. Pentsatuko duzuen legez, gezurretik bizi den alderditik gezurra baino ez zen entzun. Gaia zein den ere, horraino, zaharrak berri esan genezake.
Baina gaia euskara zen. Eta euskararen kontrako diskurtsoan, berezitasun bat dago. Ez da soilik Voxena.
Voxeko Amaia Fernandezen 2021eko diskurtsoa PSEko Idoia Mendiaren 2016ko berbera da.
Buruzagi bi horien esanetan, euskarak diskriminatu egiten du, funtzionario izateko derrigorrezkoa ei delako euskaraz jakitea. Ez naiz gezur horren kontra argudiatzen hasiko: 2016an egin nuen hori.
"Alonso parlamentari sozialista euskarari buruz berbetan hasi eta, beste ezer baino lehenago, ETAri egin zion aipamen. Euskara entzunda, ETA aipatu. 2021ean, PSEk"
Beste zerbaitek arduratzen nau gai honetan: alderdi sozialistak ez duela bere jarrera aldatu. Pentsa, azkeneko osoko bilkura horretan, 2021eko urriaren 7an, Alonso parlamentari sozialista euskarari buruz berbetan hasi eta, sarreran bertan, beste ezer baino lehenago, ETAri egin zion aipamen. Euskara entzunda, ETA aipatu. 2021ean, PSEk.
Horretaz aparte, gauza berri gutxi esan zuen PSEk bilkuran. Arduratuta dago langabe gehiago dagoelako euskaraz ez dakitenen artean, elebidunen artean baino. Baina ez du proposamen zehatzik egiten. Esaterako, A eredua kentzea eta lanbide-heziketan euskarazko eskaintzari Jaurlaritzak gaur egun jartzen dizkion mugak ezabatzea. Horrelakorik ez.
Badu, baina, proposamen zehatz bat: "Behar-beharrezkoa da Administrazioko langileen euskararen ezagutza Euskadiko eskualde bakoitzeko errealitate soziolinguistikora egokitzea". Egingo ez balitz bezala. Benetan ez daki PSEk hori horrela dela? Ez daki administrazioetako hizkuntza-eskakizunen derrigortasun-datak administrazio horren eragin-eremuko elebidunen ehunekoaren arabera ezartzen direla?
Nire aldetik, askotan esan izan dut: prest nago administrazioarekin euskaraz egiteko legez dudan eskubideari uko egiteko (total… oraindino gehiegitan betetzen da Baldin Badaren "zertarako eskubidea, biderik ez badago"), baldin eta, trukean, euskararen ezagutza orokortzearen kontra daudenek onartzen badute EAEko eskola guztietan euskara irakatsiko dela, ikasleak atera daitezen "bi hizkuntza ofizialak benetan erabiltzeko adina" jakinda.
Alegia, bete dadila sozialistek duela 39 urte bozkaturiko legeak dioena.
Horretarako, ezinbestean, eskolan murgiltze-eredua behar da, eta eskolatik kanpora erakunde arteko lan bateratua, gazteen aisialdi antolatua nagusiki euskaraz eskain dadin.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Jada bizpahiru aste izango dira irakurri nuenetik, Maialen Akizuren zutabe batean. Aner Peritzek telebistan esandakoak zekartzan: “Bertsolaritza da gizon zis heteroekin ez harremantzera eraman nauena, bertsolaritza delako disidente egin nauena, eta, era berean,... [+]
Beldur hori bada. Badirudi Donald Trump etorri dela Washingtoneko bulego borobila luzerako okupatzera. Bigarren mandatua du, baina bere hurbileko aholkulariei, ez dela txantxetan ari berretsiz gainera, Konstituzioan zenbaki bakan batzuk aldatzeko bere xede zurruna aipatzen die,... [+]
Ansorena´tar Joseba Eneko.
Edonori orto zer den galdetuz gero, goizaldea erantzungo, D´Artagnanen mosketero laguna edo ipurtzuloa, agian. Baina orto- aurrizkiak zuzen adierazten du eta maiz erabiltzen dugu: ortodoxia, ortopedia, ortodontzia... Orduan (datorrena... [+]
“Erresilientzia poltsa”, “biziraupen eskuliburua”, “ebakuazio bizkar-zakua”: hara nolakoak entzun daitezkeen agintarien ahotan azken asteetan.
Iragan hilabeteko adierazpenen artean, Europako Batasunak herritarrei eskatu die... [+]
Ez da Aberri Eguna, Aberri Aukera da euskaldunok behar duguna. Urtean behin errepikatzen dira balizko alderdi zein talde abertzaleen deialdiak, data hauetan, Euskaldunon aberria Euskadi/Euskal Herria da aldarriaren inguruan. Egun bateko kontua izaten da, hala ere. Eta ez batera... [+]
Joan den astean topaketa polit bat izan dut, aspaldi ikusten ez nuen emakume talde batekin, eta egitearen inguruan aritu gara berbetan, teknologia eta sorkuntza espazioei lotuta.
Emakume hauetako nagusiena, jubilatzeko mugan dagoena, programatzailea da eta kodea programatzen... [+]
Hainbatetan esan izan didate arkitektoen lanaren gauzarik indartsuena dela ekoizten duguna betikotu egiten dela. Eraikinaren betikotasunak gizakiaren presentzia tenporala gainditzen duela eta geroko etorkizunean iraunkor egingo gaituela. Eta liburu batekin gertatzen ez den... [+]
Desengainu handia hartu dute euskal feminista askok jakin dutenean Chimamanda Ngozi Adichie idazleak haurdunaldia esternalizatu duela, alegia, surrogate batek ernaldu duela bere haurra, diru truke. Guztiok izan beharko genuke feminista saiakeraren egilea da Adichie, besteak... [+]
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]