Bertan goxo
Zoriontasuna utopia bihurtu da garaiotan. Etengabeko bonbardaketaren bidez sinestarazi digute zoriontasun osoa posiblea ez ezik, derrigorrezkoa dela. Zoriontasuna lortu beharreko egoera bilakatu da, arkadia bat, zoriontsua ez izatea zama, sufrimendu iturri bilakatu den bezala. Zoriontasuna kapitalismo berantiarrak saldu digun promesa da, garapenean fedea izanez gero, bere bidea jarraituz gero lortuko duguna. Maider Aldasoro Diazen Aurrean Goxo erakusketa fede eta promesa faltsuen ukapena da, gauza txikien zoriontasuna eta hedonismoa aldarrikatzearekin bat, desiren alde ilunaz ohartarazi nahi gaituena.
‘Aurrean Goxo’ erakusketa
Noiz: irailak 16 / urriak 10
Non: Bilboko Azkuna zentroa
2018tik sortu dituen piezak bildu ditu artista donostiarrak erakusketa horretan. Askotariko momentu eta motibazioak eragindako obrak diren arren, bada guztiak lotzen dituen hari bat. Izenburua Kalabaza Tripontziaren ipuin batetik hartuta dago, zeinetan ardi goseti batzuek aurrerago dagoen belarra goxoagoa izango denaren promesak gidatuta, parean dutena jan ordez etengabe aurrera egiten duten.
Ongi etorria ematen duen pieza zoruan proiektatutako bideo bat da, zeinetan Maider Aldasoro Diaz agertzen den lantegi abandonatu batean berak eraikitako kulunka erraldoian saltoka. Pieza horrek ondo baino hobeto deskribatzen du artistaren asmoa, abandonatutako lantegi zahar batean, errepide bazterrean, bere funtzioa bete eta gero gizarteak ahaztutako leku horretan gozamen eta bizi-pozerako lekua aurkitu baitu. Produktibitatearen jainkoa gurtzeko eraikia izan zen tenplua jolas-leku bilakatu da. Salto artean, artistak nor izan nahi duen hausnartu du. Bere hurrengo asmoa hegan egitea dela erabaki eta helburu horrekin fabrikatu ditu erakusketako bi pieza nagusiak: hego beltz erraldoiak.
Hegoen kolorearen aukeraketa ez da hutsala, desioak bere alde iluna ere baitu. Horri buruz ohartarazi nahi gaitu artistak bere gainerako piezekin: maitasun erromantikoaren gezurrei eta adiskideen arteko harreman eta dinamika toxikoei buruz. Desira ere kartzela izan daiteke, gezur bati lotzen gaituen katea. Horrela, musu eternalak antsietaterekin lotu ditu; maitasun erromantikoa bizkarrean daramagun zama bezala irudikatu du; eta lagunen arteko jolasak lehiaketa jasangaitzean bukatu daitezkela erakutsi digu. Sentimendu horiek guztiak ondo baino hobeto transmititzen ditu sortu dituen artefaktu eta jantziekin, jokoa eta fantasia kondena bilakatu daitezkeela argi utziz.
Promesez aspertuta, goseak hiltzear daudela, ipuineko ardiek parean duten belarra jaten amaitzen da Kalabaza Tripontziaren istorioa. Parean dutena, unean unekoa, izango baita belarrik goxoena. Beraien desioei baietz esateko gai izan direnean, promesa hutsak baztertu dituztenean, asetu dute haien gosea.
Azaroaren 4an itzuli die Frantziak benindarrei Katakle errege-aulkia, duela 132 urteko triskantzan frantses kolonoek lapurtu zietena. Memoriaren, aitortzaren eta ondare kulturalaren izenean, Europan zehar dituzten lapurtutako 500.000 objektuak berreskuratu nahi dituzte Afrikako... [+]
Wikimedia Commons-en biltzen dira Wikipedian erabiltzen diren lizentzia libreko fitxategiak: irudiak, argazkiak, audioak, bideoak… Une honetan 110 milioi fitxategiko bilduma erraldoia osatzen dute. 2006an hasi ziren urteko argazki onenak aukeratzen. 2023koak hautatu berri... [+]
Uda osoan ikusgai egon dira Yun Ping artistaren argazkiak Donostiako Cibrian galerian. Identitate-prozesuak dituzte langai, generoaren eta arrazializazioaren bidegurutzean. Irailaren 12an, erakusketaren aktibazio eta itxiera gisa, Yun Pingek performance publiko bat egin zuen,... [+]
Garraio publikoaren zerbitzuaren gainbeheraren barruan, alde estetiko hutsa bada ere, ohikoa bilakatu da trenak margoturik ikustea eta, behingoagatik bada ere, ez da arrazoi ekonomiko hutsengatik, langileek azaldu dutenez.
Iruñeko Arrosadia auzotik pasatzen naizen aldiro sartzen dut burua Santa Marta kaleko tailerrean. Hor da Montse normalean: potetxoan pintzela sartu, trapu batean ia pintura dena kendu eta pintzela mihisean igurzten, begiztan. Bere espazio-denboran sartu naiz gaur eta... [+]
Jakoba Errekondok Ilargia eta landareak 2025eko agenda eskutan, ilargiaren arabera baratzeko lanak nola antolatu azalduko du eta entzuleen galderak zuzenean erantzungo ditu. Antton Olariagak argitalpen horretarako egin dituen hamabi piztiren ilustrazioak erakutsiko ditu eta... [+]
Donostian jaioa, urte mordoxka bat Alkizan eman zituen bizitzen, baserri batean. Inguratzen zuen naturak lilura sortzen zion. Margolari gisa egin da ezagun, nagusiki.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Ekida Arte Ekimen Sozialistak arte eskola antolatu du Donostian, asteazkenean hasi eta larunbatera bitartean. Paraleloki, lau egunez, bi formakuntza saio egingo dira: muralismoari eta arte bisualei buruzkoa bata; eta antzerkiari eta arte eszenikoei loturikoa bestea. Sarbidea... [+]
Otsailaren 23an abiatu ginen Zaragozara (Aragoi) lagun bat eta biok. Bera Haur Hezkuntzako maistra eta ni literatur dinamizatzailea. Album! elkarteak (haur eta gazte literatura argitaratzen duten argitaletxe independenteak biltzen dituen egitura) antolatutako ikastaroak gure... [+]
Interneten oinarria duen argazkigintza lehiaketa batean, 1839 Color Photography Awards delakoan, tranpa gertatu da. Kategoria berezia sortu zuten 2024ko ediziorako, Adimen Artifizialeko irudiak aurkeztekoa, eta irabazleak tranpa egin zuen, argazki erreala aurkeztuta irabazi zuen... [+]