Yo soy español
Yo soy español. Zuetako asko ere bai eta beste euskaldun batzuk frantsesak. Orain gutxi, inork egunkarian kexa idatzi zuen, kontzertu batean bi obra euskaraz bakarrik aurkeztu nituelako: "Pido un poco de respeto para los que no hablamos euskera".
Donostiako Udalak irrigarri geratzeko ez du aukera askorik galtzen. Azkenekoa Zarataren ordenantza, orain gutxi berritua. Irakurtzean jabetu nintzen gure arau eta lege guztiak espainolez –oso espainol txarrez– idazten direla eta, zorterik badago, euskaratu egiten direla. Gaisoak gure erakundeetako itzultzaileak, erdarazko munstro linguistiko horiek erabat kontrara (soilik linguistikaz ari naiz) doan beste hizkuntzara itzuli beharrez. Eskabidea egin beharko genuke: gutxienez erdiak jatorriz euskaraz idaztea eta, zortea dagoenean, espainolera itzultzea. Denok, baita espainol elebakarrak ere, irabaztun gertatuko ginateke.
"Oiartzabal, Iturgaitz eta kuadrillarentzat zer da espainol izatea? Administratiboki bagarelako. Bandera gorri-horia dantzan ikustean zirrara sentitzea?"
Iñaki Oiartzabal –berak Oyarzábal idazten du– kexu agertu da, Iturgaitz –berak Iturgaiz idazten du– maisuaren ildoari jarraiki: euskal ikastetxeetan espainoltasunaren aurkako gorrotoa lantzen dela. Eta gaineratu: "Homosexuala naiz eta Arabako PPko presidente. Niri pasada ematen badidate homosexuala izateagatik, neure ideiengatik, pentsatzen edo sentitzen dudanarengatik egitearen desberdina al da?".
Onintza Enbeitak Berria-ko Amorru garaia artikuluan eta eraso homofoboen harira, dio badela amorrura pasatzeko garaia. Oiartzabalen erregela erabilita, itzul liteke amorru hori euskararen aurkako erasoa egunero sentitzen dugunontzat. Ez nator bat Onintzarekin. Amorruak batez ere duenari egiten dio kalte eta ekarpen sozial urri ematen du. Etengabe jardutea da eginkizuna: arlo guztietan pentsamendu kritikoa lantzea, sentsibilitate finean heztea, elkarren errespetua errainetan itsastea, zapaltzaileari ikusaraztea gure kailuak sakatzen ari dela...
Oiartzabal, Iturgaitz eta kuadrillarentzat zer da espainol izatea? Administratiboki bagarelako. Bandera gorri-horia dantzan ikustean zirrara sentitzea? Polizia patriotikoa ontzat ematea? Bozketa baten antolatzaileak sedizioz epaitzea? Espainoltasun hori zaharkitua dago eta ez da gazteentzat erakargarria. Sabinoren ipuinak bezala.
Eskoletan ez da dena ongi egiten, jakina. Ezta gure etxeetan ere. Niri oso grabea iruditzen zait, esaterako, haurrak zaratan heztea eta maiz sentitzen dut horixe egiten dela euskal eskoletan. Berdin da Yo soy español edo Eusko gudariak grabazioan jartzea: kanpoko zaratak berarekin dakar barrukoa. Zarataren ordenantzak ez du hori aldatuko. Pido un poco de silencio para los que hablamos euskera.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]
Martxoaren 8a hurbiltzen ari zaigu, eta urtero bezala, instituzioek haien diskurtsoak berdintasun politika eta feminismoz josten dituzte, eta enpresek borroka egun hau “emazteen egunera” murrizten dute, emakumeei bideratutako merkatu estereotipatu oso bati bidea... [+]
Trumpen itzulera pizgarri izan da sendotuz doan eskuin muturreko erreakzionarioen mugimenduarentzat. Izan ere, historikoki, faxismoaren gorakada krisi ekonomikoekin lotuta egon da, baita sistemaren zilegitasun politiko eta ideologikoaren krisiarekin ere. Gaur egun, geldialdi... [+]
Batzuendako, dirutza izatea ez da nahikoa, eta euren ego hauskorrek diruaren txintxina ez ezik, protagonismoa ere eskatzen dute. Aberats okituak izatea nahikoa izango ez balitz bezala. Beti gehiago behar dute, anbizioa deritzote antsia horri, baina botere gosea eta nabarmendu... [+]
Bi neska komisarian, urduri, hiru urtetik gora luzatu den jazarpen egoera salatzen. Izendatzen. Tipo berbera agertzen zaielako nonahi. Presentzia arraro berbera neskek parte hartzen duten ekitaldi kulturaletako atarietan, bietako baten amaren etxepean, bestea korrika egitera... [+]
Iragan urtarrilaren hondarrean, Bretainiako lurraldeko bi hizkuntza gutxituei buruzko azken inkesta soziolinguistikoaren emaitzak publiko egin zituzten bertako arduradunek. Haiek berek aitortu zuten harriturik gertatu zirela emaitzak ikustean. Hain zuzen ere, egoerak eta... [+]
Silicon Valley-ko oligarkia AEBetako gobernura iritsi berritan lehertu da adimen artifizialaren (AA) burbuila. Txip aurreratuen erraldoia den Nvidia-k urtarrilaren amaieran izandako %16,8ko balio galera, egun bakar batean inoiz izan den burtsa balio galerarik handiena da... [+]
Gizakiok berezkoa dugu parte garela sentitzeko beharra. Parte izateko modu hori jasotako hezkuntza, ingurua... formateatzen joaten da.
Identitateak ezinegon asko sortzen du gizakiongan. Batzuetan, banaketak ere eragiten ditu, ezin dugulako jasan beste baten identitatearen... [+]
Fermin Muguruza jarraitzen duzu sareetan. Madrilgo kontzertuko bideo bat ikusi duzu bere kontuan: dantzari batek “Kongo askatu!” oihukatu du, bandera esku artean. Haren profila bilatu duzu: @c.kumaaa. Bilboko manifestazioaren deialdia zabaldu du. Ez zara joango,... [+]
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Duela gutxi think tank izateko jaioa omen den Zedarriak bere 6. txostena aurkeztu zuen. Beren web orrialdean azaltzen dutenaren arabera, zedarriak ebidentea ez den bidea topatzeko erreferentziak dira. Hots, hiru probintzietako jendarteari bidea markatzeko ekimena. Agerraldi... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]
Araba, Bizkai eta Gipuzkoarako Hezkuntza Lege berria onartu zenetik, aurrerantzean hezkuntza doakoa izango dela behin eta berriro entzuten/irakurtzen ari gara. Eragile desberdinei entzun diegu, baita Hezkuntza Sailari ere, eta hedabideei eskaintzen dizkiegun elkarrizketatan... [+]
Hilabetearen hasieran egin zuen EH Bilduk III. Kongresua, Iruñean. “Ez ohiko ondorioak” ateratzeko balio duen “ohiko kongresua” omen da, edo horrela jaso dute behintzat Zutunik ponentzian, zuzendaritzak proposatu eta militantziak aho batez onartu... [+]