Lurreratzen
Udako oporrak amaituta hasi da ikasturte berria, eta polemikaren erdigunean dago Bartzelonako El Prat aireportua handitzeko proiektua. Abuztuaren 2an Kataluniako eta Espainiako gobernuek akordioa lortu zuten, hedatze lanak Ricardako aintziraren gaineko eragin ekologikoa "minimizatuz" egiteko, baina horren ostean gidoiak ustekabeko norabide aldaketa izan du.
Raquel Sánchezek, PSOE-Unidas Podemoseko Garraio ministroa eta PSCko alkate ohia Gavako Udalean –terminalen ondoko udalerria–, ustekabeko prentsaurrekoa batean iragarri zuen 1.700 milioi euroko inbertsioa bertan behera geratuko zela. AENAk 2022-2026 aldirako Aireportuak Arautzeko Dokumentutik (DORA) ezabatuko ditu Bartzelonarako planak. Plana iraileko azken Ministroen Kontseiluan onartzea aurreikusita dago.
PSOEk ERC higatzeko propio pentsatutako mugimenduez haratago, Convergència ‘desagertuak’ errepublikanoak baldintzatzen ditu oraindik ere. Enegarren marka berriaren azpian ere convergenteak ez dira beren betiko apustutik mugitu: azken hamarkadetan lurraldea zementuz eta prekarietatez bete duen eredu ekonomiko harrapari eta desarrollista. Badirudi Aragones presidentea ez dela ausartzen inbestidura hitzaldian adierazi zuenari leial izaten, politika "feministen, ekologisten eta eraldatzaileen" alde egingo duela esan baitzuen. Aireportua handitzea eta 2030erako Bartzelona-Pirineus Neguko Olinpiar Jokoen hautagaitza dira ikasturte politiko honetarako herrialde mailako bi proiektu nagusiak.
"Aireportua handitzea eta 2030erako Bartzelona-Pirineus Neguko Olinpiar Jokoen hautagaitza dira ikasturte politiko honetarako herrialde mailako bi proiektu nagusiak"
Aireportuaren kasuan, handitzearen helburua pandemia aurreko 52 milioi bidaiariak 70 milioira igotzea da, eta kontinenteen arteko hegaldien %8tik %15era igarotzea. Horretarako, ez dute aurreikusten soilik hirugarren pista 740 metro luzatzea eta interes natural bereziko gune babestu bat suntsitzea. 195 hektarea gehiago urbanizatu nahi dituzte ere, sei metro geltoki berri, parke logistiko bat, hotelak, jatetxeak, aparkalekuak eta merkataritza eta negozio guneak eraikitzeko.
Horrek guztiak berotegi-efektuko gasen emisioak %33 handitzea lekarke 2019ko isurketekin alderatuta; urte horretan, Prateko sektore aeronautikoaren CO2 emisioak 8,4 tonakoak izatera iritsi ziren, Barcelona Regional Agència de Desenvolupament Urbà erakundearen arabera. Datu horiekin, azal diezagutela nola beteko duten 2030erako CO2 isurketak % 55eraino murrizteko konpromisoa sektore aeronautikoak eta Europar Batasunak.
Bartzelonako Unibertsitatearen ikerketa baten arabera, Kataluniako biztanleen %41 aireportua handitzearen aurka dago, eta %26 baino ez alde. Nabarmentzekoa da ERC, Junts, CUP eta Comuns alderdietako hautesleen aurkakotasun zabala. Azken hilabeteetan martxan jarri den mobilizazio sozialak datu hori baieztatzen du: 120 gizarte erakundek baino gehiagok, auzo elkarteek, nekazari eta ekologistek, bat egin dute proiektua bertan behera uztea eskatzeko. Biodibertsitatea eta pertsonen osasuna kaltetuko lituzkeela salatzen dute, eta abiazio zein energia sektoreak krisian daudela. Sektore horiek dira gainera planeta astintzen duen larrialdi klimatikoaren arduradunak, hein batean.
Beste behin ere, Kataluniako herriak bere ordezkari politikoen aurretik dagoela erakutsi du, zeintzuek larrialdiko lurreratze bat saiatu beste aukerarik ez duten jada. Lotu gerrikoak.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Duela gutxi think tank izateko jaioa omen den Zedarriak bere 6. txostena aurkeztu zuen. Beren web orrialdean azaltzen dutenaren arabera, zedarriak ebidentea ez den bidea topatzeko erreferentziak dira. Hots, hiru probintzietako jendarteari bidea markatzeko ekimena. Agerraldi... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]
Araba, Bizkai eta Gipuzkoarako Hezkuntza Lege berria onartu zenetik, aurrerantzean hezkuntza doakoa izango dela behin eta berriro entzuten/irakurtzen ari gara. Eragile desberdinei entzun diegu, baita Hezkuntza Sailari ere, eta hedabideei eskaintzen dizkiegun elkarrizketatan... [+]
Hilabetearen hasieran egin zuen EH Bilduk III. Kongresua, Iruñean. “Ez ohiko ondorioak” ateratzeko balio duen “ohiko kongresua” omen da, edo horrela jaso dute behintzat Zutunik ponentzian, zuzendaritzak proposatu eta militantziak aho batez onartu... [+]
Boterea eskuratzeko modu asko dago; denak ez dira politak. Bada boterea eta horrek berarekin dakarren erantzukizuna banatu nahi duenik, agintea bilatzen duenik. Beste batzuek errespetu lar diote eta pauso bakoitza hainbeste neurtuta ez dira gai erabakirik hartzeko. Boterea zer... [+]
Madrilen arkitektoentzako kongresu bat burutu berri da, arkitekto profesioaren krisiaz eztabaidatzeko. Arkitekto izateko modu tradizionala eta gaur egungoa desberdindu dute. Zertan den tradiziozkoa? Oscar bidean den The Brutalist filmean ageri den arkitekto epikoarena. Nor bere... [+]
Otsailaren 3an hasi da gure umeak eta gaztetxoak eskoletan aurre-matrikulatzeko garaia, eta urtero bezala gogoratu nahi genizueke zergatik ez zaigun ideia ona iruditzen erlijioan matrikulatzea. Iaz artikula bukatzen genuen esanez “askori idazki hau ezaguna egingo zaizue,... [+]
Tranbia txiki Arratia Institutuko Guraso Elkartetik pantailen erabileraren inguruko hausnarketa bultzatu nahi dugu ikas komunitatean.
Azkenaldian kezka handia dago ume eta nerabeengan pantailek duten eragina dela eta. Ardura hori etxeko erabileratik eskola eta institutuetako... [+]
Bai, bai, holaxe. Ez naiz harago joatera menturatzen. Pleonasmo bat dela? Tautologia bat agian? Baliteke, baina egia-oste deitzen dioten garai honetan, oinarri-oinarrizko egitateak beharrezkoak dira. Begira, bestela, “Ez da ez!” lelo indartsuari. Bagenekien hori... [+]
Baneukan lagun bat Porcelana Irabian lan egin zuena itxi zuten arte, eta jatetxe edo taberna batera joaten ginen aldiro kikara eta plateraren ipurdia begiratzen zituena pieza non egina zegoen jakiteko. Gauza bera egiten dut nik gauza zaharren azoketara joaten naizenetan:... [+]
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
Iragarki batek mugikorrean salto egiten dit aspaldion. Nire mundua koloreztatuko duela egiten dit promes. Aplikazio horrekin milioidunek bezala erosi ahal izango omen dut. Produktu merkeak, oso merkeak, baita doakoak ere. Momentu historiko soziologikoak eskatzen duen... [+]
Badira kontzeptuak bolada batzuetan edonon agertzen direnak, mantra ere bilakatzen direnak. Berez positibo eta beharrezko moduan agertzen zaizkigu, eztabaida gehiegirik gabe eta haiei buruz ia pentsatu gabe. Iruditzen zait mantra horietako bat nazioartekotzea dela, jatorria... [+]
