Zumarragak ez du luzatuko Aquarbe enpresa pribatuarekin ura kudeatzeko zuen kontratua
Zumarragako Udal Plenoak Aquarbe enpresarekin zuen kontratua etetea erabaki du, kontu hartzailearen txosten batek hala aholkatuta. Onura Publikoa plataformak uraren kudeaketa munizipalizatzeko exijitu du, Zumarraga eta Urretxu baitira oinarrizko baliabide hori zerbitzu pribatu baten bidez eskaintzen duten Gipuzkoako udalerri bakarrak.
Suez multinazionalarena den Aquarbe enpresa pribatuaren bidez kudeatzen da ura Zumarraga eta Urretxun 2007az geroztik. Orain, Zumarragako Udalak sinaturik zuen bost urterako kontratua salatu eta ez luzatzea erabaki dute, kontu hartzailearen txosten batek hala gomendatzen duelako. Asteazkeneko udal plenoan erabaki dute pauso hori ematea, nahiz eta Mikel Serrano PSE-EEko alkatearen ustez Aquarbek zerbitzu "bikaina" eskaini duen, Goierriko Hitza-n Asier Zalduak egindako kronikak jasotzen duenez: "Herri askotan gure zerbitzua nahi lukete, baina kontu hartzailearen txosten batek kontratua ez luzatzea aholkatzen du", azaldu du Serranok.
Oso iritzi bestelako dute oposizioan dauden EH Bilduko eta Elkarrekin Zumarragako udal taldeek. Enpresaren "abusua" salatzeaz gain, hemendik aurrera kudeaketa publikorako urrats tekniko gehiago eman beharko liratekeela diote. EH Bilduko ordezkariak gogorarazi du uraren kontsumoa %20 jaitsi den arren, enpresaren irabaziak %32 igo direla azken urteetan.
Hainbat eragile biltzen dituen Onura Publikoa plataformak ere zerbitzua munizipalizatzeko exijitu du, bere esanetan ez delako zilegi oinarrizko baliabide batekin negozioa egitea. Bide beretik, langileen egoera ere hobea ez dela azpimarratu du plataforma horretako kideak, Aquarbeko soldatapekoek Epainiako Estatuko hitzarmena baitute, erakunde publikoen esku dagoen Gipuzkoako Uren Kontsortziokoek dutena baino okerragoa, alegia.
Zumarraga eta Urretxu dira uraren kudeaketa pribatizaturik duten udalerri bakarrak Gipuzkoan –Ipar Euskal Herrian ere hainbat herritan zerbitzu hori kanpoko multinazionalei azpikontratatu izan zaie– eta egoera horren aurrean protestak eta salaketak egin dituzte herritar eta eragileek, Aquarberekin duten lizitazioa aurten automatikoki luzatzeko arriskua ikusita.
Problematika horren inguruan eta udalerri horietan oinarrizko eskubide horren alde jokatzen ari diren batailaz Estitxu Eizagirreren erreportajea kaleratu dugu berriki ARGIA astekarian.
Bizkaian eguneko zentro publikorik ez duen eskualde bakarra da. Elkarretaratzea eginen dute apirilaren 27an, 12:00etan, Sopelako (Bizkaia) Udaletxeko plazan.
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Nafarroako funtzio publikoan 30.000 langile zeuden grebara deituta asteazken honetan. Deialdiak jarraipen desberdina izan du sektorearen arabera, eta sindikatuek salatu dute foru gobernuak "abusuzko" gutxieneko zerbitzuak ezarri dituela nahita.
Jaurlaritzak ziurtatu du itxaron-zerrendak bi hilabetetik behera jaitsi direla azken hiruhilekoan. Manu Lezertua EAEko arartekoak, berriz, beste datu bat nabarmendu du herritarren kexei buruzko urteko txostenean: Osakidetzari dagozkion kexak %70 igo dira, eta batez ere... [+]
Lantegia espazioa, Esperantza liburutegia, Arte Ederren Museoko eta Euskal Museoko lanak, Urdaibaiko Guggenheim proiektua... Ugari dira Bilbon eta Bizkaian kulturaren ikuspegi utilitarista eta pribatizazioa agerian uzten dituzten adibideak. Alde Zaharreko haur eta gazteentzako... [+]
Danimarkatik iritsi zaigu berria: 400 urtez estatuak eskainitako zerbitzua etengo du PostNord enpresa publikoak, eta eskutitzak banatzeari utziko dio 2025 urtea amaitzean. Gobernuak adierazi du enpresa publikoak negozioa paketeak banatzera bideratuko duela. Bi arrazoi eman ditu... [+]
Kritika artean abiatu dira Gasteizko Arana klinika zena Nazioarteko Babes Harrera Zentro bilakatzeko obrak. Ez auzokideak, ez errefuxiatuekin lan egiten duten gobernuz kanpoko erakundeak, ez PSEz bestelako alderdi politikoak ez daude ados proiektuarekin: makrozentroen ordez,... [+]
“Posta publikoa eta kalitatezkoa. Eskubideen aldeko Hitzarmen eta Akordio baten alde” aldarrikapenarekin, LAB, ESK eta ELA sindikatuek lan-baldintzak eta posta-zerbitzu publikoaren kalitatea defendatzeko mobilizazioa egin zuten atzo, hilak 12, Bilboko Eliptika Plazan.
Bilboko Udalak zerbitzu publikoak pribatizatzen jarraitzen duela salatu du Bilboko Liburuzainen kolektiboak, besteak beste, kulturari loturiko zerbitzuak. Horren harira, mahai-ingurua antolatu dute martxoaren 3an Bidebarrieta liburutegian, Kulturaren pribatizazioa izenburupean.
.jpeg)
Sandra Siria Mendaza eta Hodei Sarasa Camacho Nafarroako Unibertsitate Publikoko Gizarte Laneko irakasleek haien ikerlanen ondorioak azaldu dituzte Nafarroako Legebiltzarrean. 2022Ko legean “komunitateko tutore” figura berria sortzea eskatu dute, harrera baliabidetan... [+]
Pilaketak saihesteko, Euskotrenek aparteko neurriak ezarri ditu Bat txartel pertsonalizatua tramitatzeko. Neurriaren lehen hilabetean, nahikoa izango da NANa edo familia-liburua aurkeztea doako garraioa eskuratzeko.
Bezperako zentsura mozioa dela medio, Frantziako Gobernua erori izanak ez ditu herritarrak etxean geldiarazi eta jarraitua izan da CGT, CFDT, Unsa, FSU, Solidaires, CFE-CGC eta FA-FP sindikatuek, baita LABek ere deituriko greba eguna.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik. Bezperan, zentsura mozioaren alde eman dute botoa Frantziako... [+]
Arabako zahar egoitzen egoera lehen planora pasa da berriz ere azken asteetan. Zaintza Araba elkarteak Gasteizko Arabarren eta Laudioko San Roque erresidentzietako egoiliarrei ematen zaien tratua salatu dute, hainbat senideren testigantzak jaso ondoren. Langileen lan-baldintza... [+]