Bigarren itzulirako txartela lortu du EH Baik zazpi kantonamendutan
Ipar Euskal Herriko hamabi kantonamenduetatik zazpitan lehiatuko dira ezkerreko abertzaleak ekainaren 27an: Hendaia Hegoko Itsas Bazterra izenekoan (lehen indarra atera da EH Bai, botoen %29,3 lorturik); Donibane Lohizunen (bigarren, %39 eginik); Bidaxune-Amikuze-Oztibarren (bigarren indarra, %24,5) ; Uztaritze-Errobi-Urdazurin (bigarren, %29); Errobi Aturrin (bigarren, %27,1); Baigura Mondarrainen (bigarren, %36) eta Euskal Mendian (bigarren, %36,9). Hendaian ezkerrekoa ukanen dute lehiakidea, haatik, beste guztietan eskuina.
Ezkerreko abertzaleek duela hogei urte lortu zuten lehen kontseilaria departamendu mailan (Jean-Mixel Galant) eta geroztik, Alain Iriartek ere lortu zuen aulkia 2008an eta 2015ean –elkargoan presidenteorde bihurturik, 2017an demisionatu zuen kargu metaketa saihesteko–. Bigarren itzulirako lehian hurbiletik begiratzekoak izanen ditugu batez ere Bidaxune-Amikuze-Oztibarre; Hendaia, Hegoko Itsas Bazterra; Uztaritze-Errobi. Hala ere, parte-hartzeak ukanen du garrantzi handia eta horrek eragin ditzake sorpresak.
Zehaztekoa da abstentzioa izan dela garaile nagusia: %61,2koa izan da Ipar Euskal Herria eta Biarnoa biltzen dituen Pirinio Atlantikoetako departamenduan. 2015 urteko hauteskundeekin konparatuz, 14 puntuz apaldu da parte-hartzea.
Historikoki Pirinio Atlantikoetako departamendua ia betidanik kokatu da eskuinean: soilik 2009-2015eko agintaldia gidatu zuen ezkerrak. Ekainaren 27an beste behin ere garaile atera behar luke zentro eskuinak. Ikustekoa da orain arteko presidentea den Jean-Jacques Lasserrek (%52,5 lortu du lehen itzulian)beste behin irabazten dituen bozak... Parean du EH Bai, lehen itzuliko %24,5ko emaitzarekin eta bigarren itzulian ezkerraren alde bozkatzeko deia egin duten Michele Doyhenart eta Lucien Betbeder hautagaien sostenguarekin (%14,4).
Lehen itzulitik bigarrenera, auzapezgotzara jauzi egin zuen Ramuntxo Labat-Aramendi abertzalearen zerrendak. Erdiespena "xinaurri lanari esker" egin zela uste du Labat-Aramendik. Ahetzen zerrendak bozen %44,39 lortu zuen urtarrilaren 12an eginiko behin betiko bozketan... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Pantxoa Bimboire Haritxelar, Ipar Euskal Herriko Eusko Alderdi Jeltzaleko arduradun berria da azarotik. Ipar Euskal Herriko ekonomia munduko pertsona ezaguna da.
EHBaik Autonomia estatutu baterako proposamena prestatu du, gure nazioaren burujabetza osorako bidean etapa gisa.
.jpeg)
«Argizko idazkun digitalak debekatu» lelopean, Aturri aldeko Stop Pub kolektiboak bederatzi proposamen plazaratu ditu, Tokiko Publizitatearen Araudia eztabaidan delarik momentu honetan.
Uda aurretik, irakasle talde batek ekimen bat jarri zuen martxan ikasleek proba euskaraz erantzun ahal izateko. Kazetak adierazi duenaren arabera, orain gertatutakoa ikertzeko prozesua zabalik dago.
Politikari zentrista ezaguna, 1986tik 1991ra Departamendu kontseilari izan zen, 1991tik 2014ra Miarritzeko alkate eta Frantziako senatari 1992tik 2011ra. 86 urte zituela zendu da abuztuaren 21ean, infartu baten ondorioz.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Nork aurreikusten ahal zuen 2024an Peio Dufau –Marie Heguy-Urain duelarik ordezko– EH Baiko hautagaia, diputatu izanen zela? Eskuin muturraren kontrako kanpainak eta estrategiak funtzionatu du. Ipar Euskal Herriak ez du faxistarik bidaliko Frantziako Asanblea... [+]
Iñaki Echanizek irabazi du Zuberoa, Nafarroa Beherea, Hazparne eta Biarnoko zati bat barnebiltzen dituen laugarren hautesbarrutian. 2022an bezala, garaile atera da, ezkerreko Fronte Herritar Berriaren izenean.
Ekainaren 30ean, lehen itzulian, 11.000 boto eskas gehiago lortu zituen Fronte Herritar Berria koalizioak Batasun Nazionalaren aldean. Orain, 30.000 boz atera dizkio. Parisera joango diren hiru hautesbarrutietako ordezkariak Fronte Herritar Berrikoak izanen dira.
Nafarroa Behereko zati bat, Zuberoa eta Biarnoko zati bat hartzen dituen laugarren hautesbarrutian %73ko parte-hartzea izan da (Frantziako estatukoa %65,5). Ezkerreko Fronte Popular Berriko Iñaki Etxaniz nagusitu da bozen %38,01ekin. Eskuin muturreko Batasun Nazionaleko... [+]
Sindikatuek eta Alda elkarteak deituta karrikara atera dira herritarrak eskuin muturraren gorakada salatzeko.