Kilate askoko ahotsa
Egia esan, gaizki ohitzen ari gara OLBEk ekartzen dituen nazioarteko panorama operistikoko figura apartekin. Publikoa, berez zorrotza, aseezin bihurtuko da horrela eta ez du azken aldian entzuten ari garena baino boltaje gutxiagoko ahotsik onartuko.
Sonya Yonchevak OLBE on stage zikloaren barruan eskainitako emanaldia oso goxoa izan zen, aurrekoak bezala. Laburregia agian, baina nahikoa iraun zuen harmoniko ederrez beteriko ahotsa preziatzeko, erregistro guztietan oso orekatua eta dotorea.
Abeslari bulgariarra Frantziako errepertorioarekin hasi zen, Massenet-en Hérodiade eta Thaïs operen ariekin hain zuzen ere, zeintzuetan hizkuntza menderatzen zuela erakutsi zuen. Frantsesez, bokalizazioak bikaina izan behar du, hizkuntzaren sonoritate berezia ahalik eta gehien zaintzeko, eta horretan, Yonchevak ez zuen arazorik izan.
Matizazio gaitasuna Txaikovskyren Iolanta-ren aria batekin frogatua geratu zen, eta batez ere, Dvoráken Rusalka operaren Ilargirako kanta ederrarekin.
Dena den, batez ere italiar errepertorioan agertu ziren distira osoz soprano honen teknika izugarria eta arnasketaren kontrol bikaina. Abesti horietan bere ahots boteretsuaren ñabarduren aberastasunaz gozatu ahal izan genuen. Puccini oso konpositore egokia da bere ahotsarentzat eta Le Villi operaren Se come voi piccina-n, La Bohème-ren Donde lieta uscìa-n eta Madama Butterfly-ren Un bel di vedremo-n pertsonaien barruan sartzeko gaitasuna erakutsi zuen.
Programari amaiera emateko Frantziara itzuli zen: Massenet-en Manon operaren Adieu à nôtre petite table eta Bizet-en Carmen-en Habanera abestu zituen. Ondo merezitako txalo zaparrada jaso zuen.
Antoine Palloc piano-jotzailearekin batera aritu zen Yoncheva. Trebetasun osoz aritu zen laguntzaile lanetan, baina ez hainbeste abeslariari atseden emateko bakarlari gisa pieza batzuk interpretatu zituenean. Halere, musikari eraginkorra da Palloc pianista, dudarik gabe.
Yonchevak bis pare bat oparitu zizkigun: zarzuela pieza bat grazia handiz eta Pucciniren Gianni Schicchi operako O mio babbino caro aria ospetsua. Zoragarria.
Euskal Herriko Gazte Orkestra. Neguko topaketa
Zuzendaria: Iker Sánchez.
Narratzailea: Kepa Errasti.
Egitaraua: Britten eta Beethovenen lanak.
Lekua: Donostiako Victoria Eugenia antzokia.
Eguna: urtarrilaren 2a.
Pucciniren Il Trittico
Nork: Nafarroako Orkestra Sinfonikoak eta Bilboko Opera Abesbatzak.
Eszena zuzendaria: Paco Azorín.
Bakarlariak: C. Álvarez, A. Blancas, M. Berti, C. Isotton, K. Mattila, A. Ibarra, S. Esparza eta I. Hotea.
Non: Bilboko Euskalduna... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Frantziako musikagileei buruz hitz egitean, Claude Debussy eta Ravel etortzen zaizkigu burura. Bada dibertitzen denik ere, bata edo bestea defendatuz garai guztietako musikagile frantziar onena bezala. Egia esan, bi jeinu absolutu dira, beren garaiko zirkunstantzien ondorio. Oso... [+]
Donizettiren Don Pasquale opera
Taldeak: EOS eta Bilboko Operako Abesbatza.
Bakarlariak: S. Orfila, M.J. Moreno, F. Demuro, D. Del Castillo, P.M. Sánchez.
Eszena-zuzendaria: Emiliano Suárez.
Eszenografia: Alfons Flores.
Lekua: Euskalduna Jauregia.
Data:... [+]
Columbus Fundazioak antolatutako kontzertua, ‘RenHacer’ Musikaldiaren barruan.
Bilboko Orkestra Sinfonikoa.
Zuzendaria: Ramón Tebar.
Bakarlaria: Joaquín Achúcarro.
Egitaraua: Guridi, Grieg eta Brahmsen lanak.
Lekua: Bilboko Euskalduna... [+]
Edizio asko dira orain arte; Espainiako Estatuko musika klasikoko jaialdirik zaharrena da. Behin amaituta, une egokia izan daiteke aurtengo edizioaren balantzea egiteko, baina baita jaialdiaren bizitza luzearen balantzea egiteko ere. Jaialdi bikaina da, oso. Baina hausnartu egin... [+]
Donostiako Musika Hamabostaldia
Euskadiko Orkestra: Zuzendaria: J. Rohrer.
Donostiako Orfeoia: Zuzendaria: J.A. Sáinz Alfaro.
Bakarlariak: C. Reiss, V. Karkacheva, M. Schmitt, H. Müller-Brachmann.
Egitaraua: Beethovenen Missa Solemnis re maiorrean, op. 123.
Egia esan, pena ematen dit kritika honi izenburu hau ipintzea. Bizeten Carmen oso opera ederra da, sentimendu unibertsalak jorratzen dituena, hala nola pasioa, jeloskortasuna, maitatuaren posesioa, independentzia... Eta hori guztia musika-lan bikaina oinarri hartuta. Baina... [+]
Albenizen Iberia Suite monumentalaren bertsio berri bat egitea meritu handiko lana da, merkatuan dauden grabazio bikainak kontuan hartuta. Hori dela eta, Luis Fernando Pérezek Musika Hamabostaldiko errezitaldian egindako lanak sekulako miresmena sortu zidan.
Orkestra handien eta obra handien kontzertuen ondoren, ezin diegu arreta jarri gabe utzi musika-patxada handiagoko, sosegu handiagoko baina edertasun berdineko proposamenei.