Etengabeko saiakera
Bizitza edo bizia animalien zein landareen ezaugarria da eta haren bidez bilakatu, garatu, ugaldu eta ingurunera moldatzen gara. Bizia ez litzateke ezer izango heriotzarik gabe, baina bizia artean ere modu askotara hil daiteke. Bizitzan hiltzeko modu bat norberaren esperientziaren mugak zeharkatzea izan daiteke, heriotza heldu baino lehenagoko leiho ireki bat.
Eskarmentuz beteriko ibilbidean zamak pilatzen joaten gara eta horren erakusgarri da Dead lana. Judith Argomaniz koreografoak sortu duen dantza ikuskizunean bizitzaren inguruan hitz egiten dute, gizakion, baina, batez ere, emakumeon bizipenez.
Heriotza, askatasuna, itxurakeria eta zamak dira gai nagusia laguntzen duten buruhausteak. Pertsona oro iraganeko patroi eta sinesmenez kutsatuta bizi da eta jende sofistikatuak sinestarazten dizkigun fikziozko munduekin bonbardatzen gaituzte. Nahi dugun segurtasun hori lortzeko etengabeko saiakeran bizi gara.
Dead ikuskizuna
Noiz: maiatzak 22.
Non: Gasteizko Felix Petite antzokia.
Aipaturiko guztia ulertzeak lagundu egiten gaitu, eraldaketarako parada ematen digu eta “askeak” edo askeagoak egiten gaitu. Ulermen prozesu horretan murgiltzen gaituzte Lasala konpainiako kide diren Garazi Etxaburu, Paula Parra, Miren Lizeaga eta Leire Otamendik. Haiekin batera Puy Barral narratzailea ageri da oholtzan eta haren laguntzarekin interprete bakoitzak momentuan bizi duenaren gakoak eskaintzen dizkigu.
Ikuskizuneko protagonistak diren dantzariak indibidualki zein kolektiboki ageri dira eszenatokian. Taldekako mugimendu sorta batekin ematen diote hasiera lanari eta banan-banan bakoitzaren rolak eta bizipenak zeintzuk izango diren deszifratzen joaten gara.
Oso rol eta pertsonaia definituak dira. Bakoitzak bakarka egiten duen esku-hartzean bestelako elementu bat ageri da; adibidez, komun bat, lore gorridun diadema bat, motxila handi bat, plastikozko bilgarri bat…
Elementu guztiak lagungarriak dira lau bizitza horiek hobeto ulertzen laguntzeko, baina musikak ere berebiziko garrantzia du. Batzuetan, elektronikaren dunbalek markatzen dute erritmoa eta erakusten dute momentuko indarra. Besteetan, aldiz, Follow the sun abestiaren bertsio lasai batek laguntzen du egoera ulertarazten.
Balleta, dantza garaikidea, pilateseko mugimenduak eta yogako posturak eskaintzen dituzte. Horrela, pertsonaia bakoitzaren bizitza eta pertsonalitatea definitzen joaten dira, batzuk indartsuagoak dira, beste batzuk bakartiagoak…
Biziak bizi, proposamen garaikide bezain interesgarri honek egunerokotasuneko askotariko bizipen eta errealitateak plazaratzen ditu. Itxurakeriaz beteriko mundu antzu honetan ezer ez da kasualitatea eta hori ulertzeak ahaldundu egiten gaitu, erabakiak hartzera bideratzen gaitu eta benetako gu izaten uzten digu.
Ausartuko gara esaten Otsagabiko (Nafarroa) eta Eltziegoko (Araba) dantzak direla irailak 8 bueltako dantzarik ezagunenak. Ibilbide eta historia luzea dute eta azken hamarkadetan Euskal Herriko dantza talde askoren errepertorioetan jasoak izan dira.
Sei urte ditu. Gustura ari zen da dantzan. Baina gurasoek jakinarazi digute utzi egingo duela dantza. Arrazoia? Eskolan burla egiten diote lagunek dantzan aritzeagatik. Sei urte. Eta dagoeneko genero estereotipoen indarkeria sufritzen. Nahikoa da! Gurasoak, eskolak, irakasleak,... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
"Guri bizitza joan zaigu espaloitik begira". 80 urteko emakumearen arrangura iltzatuta geratu zitzaion Josune Zubeldiari. Hainbat belaunalditako bost emakumek hartu dute hitza emakumeek dantzetan, herriko taldeetan eta errituetan izan dituzten borroka, aldaketa eta... [+]
Gerratik ihesi 1937ko ekainean Donibane Garazin Bilbo eta inguruetako 600 haur jaso zituzten. Hiriburuko Ziudadelan Eusko Jaurlaritzaren menpeko eskola kolonia bihurtu zuten, eta bi urtean 8-14 urteko 800 bat haur igaro ziren bertatik. Haurrekin 80 bat heldu ere iritsi ziren:... [+]
Aste hondar honetan euskal dantzen hiriburu bilakatu da Hendaia. Akelarre dantza talde hendaiarraren 50. urtemugaren testuinguruan, Lapurdi, Baxe Nafarroa eta Xiberoako hamasei dantza talde elkartu ditu bertan Iparraldeko Dantzarien Biltzarrak.
Nola deitzen da dantzariek batak besteari ipurdian sua piztearen zirraraz jolasean aritzen diren dantza? Ba plego-dantza izan liteke, edo bizker-dantza, edo tatin-dantza sua ipurdian edo Izetz ixetukoa-Baietz ixetukoa... Ablitasen, Baztanen, Garesen, Bardozen zein... [+]
Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du martxo hondar eta apiril hastapenean. Ondorengo lerroetan taldeak berak azaltzen ditu ospakizunok.