Serrulla, etxean bezala antzokian
Iñigo Serrulla donostiarra bakarrik taularatu da berriz ere, Donostiako Antzoki Zaharrean, aspaldiko partez. Banda izugarri konpaktu batekin aurkeztu zuen duela hiru urte 1/4 Life lana (Airaka, 2019). Orain ordea, elektronika lagun, aipatu laneko kanten moldaketa intimistagoak aurkeztu ditu eta datorren lanean aurkituko ditugun berri –harrigarri– batzuk.
Serrullak ez du oihartzun handiegirik izan gurean –tira, ezta beste inon ere– baina bere talentuak ez du besteen onarpenik behar. R&B modernotik gertu, lo-fi eta bedroom pop gisa ezagutzen denaren inguruan intentsitate maila ugari ematen ditu, beti ere emozioak neurtuz eta ekoizpenean "gutxiago gehiago da" printzipioari jarraituz.
Iñigo Serrulla
Noiz: maiatzak 8
Non: Donostiako Antzoki Zaharra
Bere etxeko logela irudikatu du, igerilekuko txankletak jantzita, gatzezko lanpara piztuta, hainbat liburu iskinean eta ukitu ere egin ez duen gitarra akustikoa. Aurikularrak buruan, bere azken urteotako konposatzeko prozesua erakusten ari dela dirudi, bera hobeto ezagutzeko aukera eskaini nahi balu bezala.
Kanta berri batekin ireki du saioa, gitarrarekin bakarrik, kontzertuaren une intimoenarekin lotuz publikoa. Aurrerantzean loop eta sampleen gainean eraikiko du emanaldia. Frank Ocean eta Sen Senra ditut gogoan, eta bistan da erreferentzia zuzena direla. Oceanen bertsioa egin du Gartxot Unsainekin, iazko konfinamenduaren emaitza ederretako bat.
Bertsio hori eta Txomin Artolaren Itsasoan kanta himnotiko eta epikoa izan dira kontzertuko une gorenak. Azken hau bereziki. Aitor Etxeberriak egindako Boga-Bogaren moldaketaren antzekoa izan da hasiera, lanbrozko sintetizagailuen gainean eraikiz melodia, eta gora eta gora egin du autotunearen laguntzaz Bon Iverrek sortzen dituen klimaxak lortuz. Aurten zuzenekoan ikusi dudan kantetatik gehien hunkitu nauena, azal eta mami.
Ez da kasualitatea bi abesti horiek izatea gehien iritsi zaizkidanak, gainontzekoak ez ditut ulertzen, ingelesez direlako. Sentsazioa daukat kantaren %40 galtzen ari naizela. Eta pena ematen dit izugarrizko kalitate eta zorroztasuna ematen dituelako Serrullak kanta bakoitzean. Hurrengoan azpitituluak edo bertso paperak eskatuko dizkiot eta saiatuko naiz soilik azalean ez geratzen.
Talentua saritzea merkea iruditu zait beti. Atentzio gehiago ematen didate beste faktoreek. Serrullak talentu bikoitza erakusten du eta gehiegikeriarik gabe erakusten du kantagile eta interprete bikaina dela. Umiltasun hori ere saritzen da. Bidea zintzo aukeratzen denean, eramaten zaituen lekua ederra izaten delako.
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]
FERMIN MUGURUZA 40. URTEURRENA
Noiz: abenduaren 21ean.
Non: Bilbo Arenan.
-------------------------------------------
Urtero janzten da festa giroz Bilbo abenduaren 21ean. Sagardoa eta taloa protagonista, San Tomas eguneko azoka eguna da. Aurten, gainera,... [+]
Milaka lagun elkartu dira Hatortxu Rock elkartasun jaialdiaren azken aurreko edizioan. Euskal preso politikoen senideei babesa eta sostengua emateko sortutako jaialdiak agur esanen du 2025ko udan Lakuntzan eginen den azken edizioarekin. Sakabanaketarekin amaitzea lortu bada ere,... [+]
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
HTX ROCK jaialdiaren azken-aurreko edizioa izanen da abenduaren 28an, eta Atarrabiako herrian ospatuko den azkenekoa, alegia.
TU-K
Non: Ahotsenean (Plateruena, Durango)
Noiz: Abenduaren 8an
-----------------------------------------
Bufandak, aterkiak eta begi-zuloak ditu abenduaren 8ak Durangon. Azokaren azken egunari igande eguerdia eta negu giro sarkorra gehitu zaizkio eta erdi hutsik daude... [+]
Anari + Belako
Noiz: abenduaren 5ean.
Non: Iruñeko Zentral aretoan.
-----------------------------------------------
Gogoan dut Erasmuseko lehenengo hilabetean ikusi nituela aurreneko aldiz Belakokoak zuzenean. Ez nintzen haiek ikustera joan, azkenean bertan behera... [+]
Iruñeko Baluarten, ostegunean, Israelgo ereserki nazionalaren orkestrako bertsioaren egilearen pieza bat jotzear zirela aurretik zutik jarri eta aretoa utzi du publikoaren zati handi batek. Ereserki horrek “okupazio sionistari” gorazarre egiten diola kritikatu... [+]
Aspaldi ezagutu genuen gaur gaurkoz Añube taldeko abeslari den Aitor Bedia Hans. Garai berean adiskidetu ginen egun Añube taldeko gitarra jotzaile ohia den Beñat Gonzalezekin. Unibertsitateko garaian izan zen, Debagoienako bi gazteak musika zainetan... [+]