Azkar eta agudo
Aitak lantegi berean eman zuen bizitza osoa. 40 urte pasatsu igaro zituen handik mugitu gabe, baina ez beti langintza berean. Lan egiteko erak, makinak, lankideak, bezeroak eta produktuak ere, ez ziren gehiegi aldatu eta planifikazioak ez ziren urtean urterako egiten, urte batzuetarako baizik. Igaro den mendeko 80. hamarkadan amaitu zen aitaren enpresa, eta berea zein milaka langileren ibilbide laborala.
Gaur egun, laneko mugikortasuna, lan prozesuen aldakortasuna eta produktuen iraungitasuna ohikoak dira gure enpresetan. Gizartea azkar ari da aldatzen, eta teknologia are azkarrago; lankideen arteko berriketetan maiz nabarmentzen dugu azkartasun horrek ez digula gauzak ongi egiten uzten, ezin dugula ezertan sakondu hobeak izateko, zerbait berria sortzen aritu behar dugula beti, eta azkar batean gainera.
"Pandemiaren aurretik teknologia asko merkatura ateratzeko zorian zeuden. Agian ez zeuden erabat osatuta eta frogatuta, baina hortxe zeuden, erabilerarako prest"
Pandemiak gauza asko eten edo moteldu ditu. Ostalaritza itxita, hegazkinak lurrean, kultura geldirik, kontsumoa motelduta, enpresa asko aldi baterako enpregu-erregulazioan eta beste asko lan telematikoan. Hortaz, etenaldia lanak hobeto antolatzeko eta gehiago ikasteko baliatu behar genuela pentsatzen genuen batzuek. Europan itxialdia agindu zenetik ia 15 hilabete joan dira, eta atzera begiratuz gero, teknologiak jauzi pentsaezinak eman dituela baieztatu dezakegu. Herrietako kultur bonoak, jateko menu interaktiboak, udaletako pleno telematikoak, ikastetxeetako ikasgaiak telematikoki etxeratzeko bidea, administrazioarekin harremana erabat digitalizatzea, eta beste kontu asko pentsaezinak ziren 2020ko otsailean eta gaur normalak dira. Zer gertatu da?
Pandemiaren aurretik teknologia asko merkatura ateratzeko zorian zeuden. Agian ez zeuden erabat osatuta eta frogatuta, baina hortxe zeuden, erabilerarako prest. Pandemiak erabat apurtu ditu mugak eta urtegi baten hormak apurtzean urak anarkikoki isurtzen diren bezala, teknologia gure bizitzaren esparru guztietara hedatu da eta gainera, teknologia bat ezarri aurretik erabilgarritasuna eta lagunkoitasuna zaintzen baziren ere, txanda honetan alderantziz gertatu da, hots, gizakiok gure ohiturak eta usadioak moldatu behar izan ditugu teknologien esanetara.
Beraz, pandemiak gorputzaren mugimenduak moteldu baditu ere, barneko organoen funtzionamendua bizitu egin du eta lehen enpresa asko teknologia berriei jarraitzeko erdipurdi bazebilen ere, hemendik aurrera asko eta asko izango dira gorriak ikusiko dituztenak.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Ekonomialariei asko gustatzen zaizkie merkatuen jokabideak adierazten dituzten grafikoak, kurbak alegia. Deigarria egin zait zentzu horretan Pluralistic webguneko “The future of Amazon coders is the present of Amazon warehouse workers” artikuluan (Amazonen... [+]
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
Bekatu bat aitortu behar dut hemen. Duela lau urte, ohitura berri bat sarrarazi nuen nire bizian: igande gauetan, kaka kanoi baten antzera "informazio" jarraikia hedatzen duen CNews telebista kate ultraeskuindarra begiratzen hasi nintzen. Hasieran ordu erdi bat astero... [+]
Kointzidentzia harrigarriak daude bizitzan. Izan ere, zenbat ikusle elkartu litezke Arriaga antzokian? Zenbat komun ote daude solairu bakoitzean? Zein probabilitate dago Gipuzkoako emakume bik sartu-irtenean leku eta istant berean kointziditzeko, 35 urtean elkar ikusi barik egon... [+]
Transfeminismoak argia eta konplexutasuna ekarri ditu gorputz, genero eta desirei buruzko eztabaidetara. Hala ere, itzalak ere sortu ditu. Ustezko koherentzia politiko erradikal baten izenean –askotan hegemonia oso zehatz bati lotua–, diskurtso transfeminista batzuek... [+]
Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.
Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]