Una de Zetak?
Gailu elektronikoen bidez sortzen den musika motari deitzen diogu elektronika, baina definizio hau ez da nahikoa, izan ere, gaur egun egiten den musika oro igarotzen da elementu edo instrumentu elektroniko batetik. DJ-aren lana ordenagailu bati klik egitea dela diote hater-ek, aldiz, pertzepzio hori aldatu nahi dutenek musikaren atzean dagoen alde gizatiarra azpimarratzen dute.
Gustatu ala ez, musika elektronikoa Euskal Herrira heldu da, eta Zetak taldea da horren erakusgarri. Millennial edo Y belaunaldi bezala izendatu diren gazteen musika estilotzat definitu da. Gazteak (eta ez hain gazteak) olatu berri honetara igo dira, eta ez da kasualitatea, doinu errepikakorrek, egitura solidoek eta elektronikaren melodiek emozioak eta euforia egoera sortzen dituen dopamina askatzen laguntzen baitute, besteak beste.
Arbizutik datorren Peio Reparazen proposamen berri honek lekua egin du gazteentzako euskal musika ren eszenan. Proiektu berritzaile eta eguneratu honek euskal identitatearen berrinterpretazioa eskaintzen digu eta horretarako hainbat erreferentzia garatu ditu nafarrak. Horren erakusgarri da erabilitako tipografia. Zetaken identitate bisuala euskal tipografia tradizionalean oinarrituta dago eta letrak euskal alfabetotik berreskuratuak eta eguneratuak izan dira.
Duela urtebete luze argitara atera zen Errepidean abestiarekin eman zioten hasiera, eta haren atzetik Pater Noster, Nirekin topatu naiz, Zuziri bi… atera ziren. Harrera paregabea izan zuen proiektuak hasieratik eta gaur egun olatuaren gandorrean jarraitzen dute Zeinen ederra izango den disko berriarekin. Agerikoa da nerabeen artean duen arrakasta, Gasteizko Kubik aretoan sold out egin du eta ikusmina gailentzen da giroan.
Euskal identitate kulturala garatzen duen lan honek folklorea, tradizioa eta euskal historia ezagutzeko aukera ematen du. Urbasa, Larrun, Laboa, Sakana, arranoa eta antzeko erreferentzien zertzeladak uzten ditu Reparazek abestietan. Hala ere, ozenki eta kemenez abesten duten nerabeek jakingo dute nor zen Mikel Laboa?
Kanten artean isiltasuna nagusitzen da entzuleen zurrumurrua agerian utziz. Gaztelania da nagusi zurrumurruan, hurrengo kantaren hasierara arte gailenduko den hizkuntza. Hurrengo kantaren lehenengo dunbalarekin berriz ere euskara. Laboa nor den jakin ala ez, argi dago garaipen txiki bat lortu dela.
Olatz Salvador
Noiz: martxoaren 15ean.
Non: Deustuko jaietan.
------------------------------------------------
Martxoak beti du deustuarrontzat kolore berezia; urtero ospatzen ditugu jaiak, San Jose egunaren bueltan. Bi asteburu bete festa, eta urtetik urtera Deustuko... [+]
Inoren Ero Ni + Lisabö
Noiz: martxoaren 14an.
Non: Gasteizko Jimmy Jazz aretoan.
----------------------------------------------------
Izotz-arriskuaren seinalea autoko pantailatxoan. Urkiola, bere mendilerro eta baso. Kontzertuetara bideko ohiko errituala: Inoren... [+]
Olor
Noiz: martxoaren 9an.
Non: Bilboko Sarean espazioan.
---------------------------------------------------------
Esperantza. iz. Nahi edo desiratzen dena gertatuko delako edo lortuko delako uste ona.
Izen horixe jarri zion Jokin Azpiazu Carballo Olor ermuarrak bere... [+]
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk... [+]
Gauzak ez dira izatez errazak, eta, izango da batagatik edo besteagatik, baina, azken boladan, mingainari behar baino gehiagotan egin diot kosk bi kontu hauengatik: sold out-aren kultura eta FOMOa –azken hori agian azaldu behar da, ez baita hainbestetan esana: esperientzia... [+]
EMEADEDEI + MAHL KOBAT
NOIZ: otsailaren 2an.
NON: Zuiako gaztetxean, Murgian.
----------------------------------------------------
Iazko irailaren 20an izan genuen lehen aldiz musika kolektiboaren berri, sortu berri zuten sare sozialeko profilean: “Hemen da Hil da... [+]
Kolektiboki antolatzeko grina aspalditxotik gorpuztu da, besteak beste, kulturaren esparruan. Jendea batzeko abaguneak dira kontzertuak, eta horregatik, musika kolektiboei egingo diegu txokoa erreportaje honetan. Gaia hain zabalean hartu ordez, Araban ipiniko dugu fokua,... [+]
Dena
NOIZ: urtarrilaren 18an.
NON: Gasteizko Jimmy Jazz aretoan.
----------------------------------------------
Galdera bat dabilkit buruan azken aldian: zenbat aldatzen dira gauzak 30 urtetan? Bai, irakurle, asmatu duzu: hiru hamarkada bete berri ditut. Laugarren... [+]
Chulería, joder!
NOIZ: urtarrilaren 5ean.
NON: Bilboko Kafe Antzokian.
----------------------------------------------------
Aretoa betetzen ari dela, antzokiko goiko barandaren atzetik beherantz begira, ni baino gazteagorik topatuko ote dudan jolasten eman ditut... [+]
Beyoncé futbol amerikarreko partida baten atsedenaldian, Houstonen (Texas). Kantari estatubatuarra cowboy jantzirik atera da estadio erdira. Kapela hegaluzeak tapatzen dio burua, zangoak belaunetarainoko bota luzeek. Soineko zuri urriak, berriz, izterrak eta paparra... [+]
.jpg)
17 urteko musika ibilbideari itxiera emango dio Odolaren Mintzoak hilaren 25ean Usurbilen eskainiko duen kontzertuan. Amaiera kontzertuaren inguruan egun osoko egitaraua antolatu dute. Bidelagun izan dituzten herriko taldeek hartuko dute oholtza: Rukula, Ameba, Viafara edota... [+]