Eneritz Furyak, unibertsoa loreetan emana
Eneritz Furyak irundarra ez da belarri errazentzako artista izan inoiz. Izateko asmorik ere ez ziurrenik. Bere ahoskera eta harrabotsa frankotiratzaile gisa erabiltzen zuen lehen, orain margolari moduan darabil eta gai da unibertso berri bat oparitzeko. Neurtu ditu disonantziak eta naretasun erabatekorik gabe josi du disko geldo eta eder-ederra.
“Fabrikazio sistematik at” dago –eta egongo da– Furyak-en Emadan, 2021ean autoekoiztua eta autograbatua. Hemen ez duzu topatuko euskal merkatu txiki horretan hegemoniatxoa bilatuko duen undergroundez edo bazterrekoaz mozorrotzen den artistarik. Autentikotasun sena bere-berea du Furyakek, ezarritakoaren aurrean luddita baten antzera: erre azken pieza!
Gitarra da oinarri, baina sintetizagailuekin panorama kosmiko zabalak koloreztatzen ditu. Izkander Fernandezek eder esan bezala, azalean dauden lore horiek izan daitezke bere musika, ilunaren baitan gehituz kolorea.
Errepikapena da nagusi diskoan, bakarrik konposatzean looperrak erraztu duelakoan akaso, eta kapak gehituz eraiki dira kantak. Une batean ordea, gantxo gisa funtzionatzen duten ihesaldiak ere baditugu, arreta berreskuratu eta kantari lotzeko, Beltzaile kantan errepikatzen den “i” horren gisan, jostailuzko sintetizagailu batekin bueltaka. Furyak, orain bezala lehen, asko jolastu du ahotsarekin eta soinuekin, eta orain une dibertigarriak eskaintzen ditu.
Maria Arnal eta Marcel Bagés-ek kaleratu berri duten Clamor diskoarekin batera entzuten ari naiz Emadan. A posteriori egindako entzunaldi gurutzatu honek bi lanen arteko konexioak errazten ditu eta oihartzun egiten du Furyak-ek meteoritoetan, gizaki ez diren izakien arteko harremanetan, munduaren amaieran, eta munduaren hasiera berri batean. Donna Harawayren cyborgak eta Björk-en irudiak imajinatzeko gaitasunak bat egiten dute.
Mundu osoaren historia une bakar batean joan daiteke. Neguko gau bat, pianorik gabe, eraginkorra den drogaren bat. Arnasa bat. Hutsune bat. Istanteen aldarrikapena dago Emadan-en eta lasaitasunerako gonbidapena. “Iraungiko haiz, sua bezala baina sua haiz, aspaldi ez bezala”.
Hauskortasuna eta ausardia batzen diren puntua da Emadan. Disko txiki batean unibertsoa kondentsatzeko gai. Gizaki adina izaki sartuko diren lore eta kolore sorta. Ez du errekorrik egingo ez Spotify-n eta ez Youtuben, baina marka utziko du zapaltzen duen lurrean.
ARGIAko erredakzioak aurtengo zortzi hilabeteotan kaleratu diren diskoen artean hiru hautatu ditu, gomendatzeko.
Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.
Ibilbide... [+]
Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]
Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]
"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.
Zeren, sortzaile... [+]
Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]
Ez dago beste biderik, gustuko ez duzuna aldatu eta beste zerbait sortzeko apurtu egin behar da: apurtu eta zerotik hasi. Hori izan zen punkaren oinarria; eta horixe bera da Leire Led Infiernok (ahotsa) eta Txerra Bolinagak (bateria) erabaki zutena Piztupunk taldea zena nahita... [+]
Interneten musika entzuten duzunetakoa bazara, ia seguru ezagutzen duzula Kokoroko. Agian uste duzu ezetz, baina hartu segundo bat eta bilatu Abusey Junction. Oscar Jeromeren gitarra riff malenkoniatsua ezaguna egin da Spotify eta YouTube gisako plataformetako algoritmoaren... [+]
Neomak taldeak tradizioaren perkusioa dakar, molde elektroniko zainduarekin. Arrasateko Leire Etxezarreta, Amets Ormaetxea eta Irati Gutierrez, Asteasuko Garazi Otaegi, Zarauzko Eneritz Aulesti, Zizurkilgo Maria Lasa eta Debako Alaitz Eskudero dira zazpi kideak. Denak dira... [+]
1988an, Euskal Herrian gazteria punkean eta RRVan buru-belarri murgilduta zegoen garaian, Bilbo eta Santurtzi artean La Secta taldea sortu zuten ozeanoz bestaldeko –antipodak barne– musikari so egiten zioten lau gazte ausartek; haietako bat zen La Herencia de los... [+]
Searching for sugar man bezalako istoriorik ez du emango Euskal Herriak. Gutxitu eta gutxietsiak, zer egingo diogu. Baina herri txiki –eta infernu handi– honek eman ditu hainbat mito, itzaletatik agertu eta itzaletara itzultzen direnak.
1980ko hamarkadan eduki... [+]
Arrasateko Perlata taldea ez da, bada, ia inorekin ezkontzekoa. Haien bide propioa egiten dihardute 2015etik, inguruan zer egiten den begiratuta bai, baina norabide eta erritmo propioan, eta ez lasaian, hain justu. Disko eta kilometro dezente daramate bizkarrean. Harritu nau,... [+]
Krisi pandemikoa ere izan da birsortzeko aukera berri bat, halaxe erakutsi du Usurbilgo Odolaren Mintzoa taldeak. Normaltasunari iseka egiten dion lana, su txikian ondu dute Hauskor Andoaingo Garate estudioetan. Kaki Arkarazoren laguntzarekin findu diren 8 kanta biltzen... [+]
Gutako edozein, gutako bakoitza isla bat gara ezinbestez, mehatxuz, aukeraz eta bestelako bizidun ugariz inguratutako itsaso erraldoian igeri egiten. Lan ederra daukagu gure flotazio-marra propioa kudeatzen, alboetatik etortzen zaizkigun olatu, uhin eta bestelakoen artean zer... [+]
Azkenean egin du. Azkenean, urtetako ibilbidearen ostean, Odei Barroso bertsolariak atera du bere bakarkako lehen lana. Tira, bertsolaria ez. Raplaria baita bertsolari izan aurretik. Baina bertsoaren jakintza ondo baliatuta dator, esatekoak zituenak errimaz esateko eta... [+]