Iraganeko mamuak
Dei batek gure mundua dardarka jarri dezake. Dei batek denbora eten eta unibertsoan arrakala sor dezake. Dei batek orbainak ireki ditzake, erraiak airean utzi, odolustu arte.
“Zuen hilotzen aurrean makurtuko naizenean, guraso maiteak, zuen azalari musu eman ordez, atximur egin eta ile-sorta bat kenduko dizuet” idatzi zuen Hervé Guibert-ek Mes Parents nobela laburrean. Gurasoen heriotzak hainbat sentimendu azaleratu ditzake, baita ilun eta mingarrienak ere. Gurasoen heriotzak hainbat min eta esan gabeko hitz jar ditzake mahai gainean, munduaren aurrean babesgabe egotearen sentimendua piztu dezake gugan, baita mamu zaharrak bizitzara ekarri ere. Hildakoak bakean utzi behar direla esan diguten arren, batzuetan ezinezkoa zaigu beraiekin hitzik ez egitea.
ATZERRIAN LURRA GARRATZ
Noiz: martxoak 2
NoN: Bilboko Arriaga Antzokia
Amancay Gaztañagak zuzendutako Atzerrian lurra garratz antzezlanean, Laurak (Laura Penagosa) haren mundua kolokan jarriko duen deia jasoko du. Badira urteak Kolonbiatik Euskal Herrira etorri zena eta orain, hainbat oztopo gainditu ondoren, bere lehenengo arte erakusketa inauguratu behar duenean, albiste txar batek kolpatu du: ama hil egin da, Kolonbian, eta hara itzuli beharko du hiletara.
Laurak deia jaso eta hegaldiaren ordua heldu bitartean hainbat mamu, zalantza eta beldurri egin beharko die aurre. Zer egin galderari erantzun beharko dio: bere bikotekidearekin (Ander Lipus) Euskal Herrian geratu eta bere bidea jarraitu, ala Kolonbiara, jaioterrira, itzuli. Bihotzak zer dioen ez du argi Laurak. Ez da hemengoa, hemen arrotz sentitzen baita, umezurtz. Han, Kolonbian, ezer gutxi du, mamuak baino ez. Han, sortu zen lekuan, ez du argi pena guztiak kontsolatuko dituen, bizitza familiarraren plazerak topatuko dituen. Erabakia hartu bitartean, amarekin lotutako hainbat oroitzapen berreskuratuko ditu. Ander Lipusek antzeztuko dituen hainbat pertsonaiarekin, hangoak eta hemengoak, hitz egin eta eztabaidatu beharko du. Barre eta negar egingo du. Ibon RG-ren musikaren erritmoan dantzatu beharko du Laurak etorkizun hurbilak planteatzen dizkion galderei erantzuna aurkitu bitartean.
Antzezlanaren une batean, ohe azpian ezkutatu den mamuak eskua luzatu eta Aurora orkatilatik oratu du. Orduan, mamua parez pare duela berarekin hitz egin behar du, erantzukiak egingo dizkio, esateko geratu direnak entzun beharko ditu mamuak. Bizitzan egindako sakrifizioak eta bidean utzitakoak aurpegiratuko dizkio. Baina, atsegin edo ez, mamuei entzun behar diegu, bestela, nork kontatuko du beraien historia?
Artedrama konpainiaren argazkiak:
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]
64 urterekin, Kike Diaz de Rada donostiarra hil da, Eneko Olasagasti lankideak asteazken arratsean sare sozialetan jakinarazi duenez. Ibilbide luzeko aktorea izan zen eta Tanttaka teatroaren eta Orain gipuzkoar antzerki taldearen sortzaileetako bat.
"Garai batean, nire herrian, kateme guztiek Remigia izena zuten, kateme belaunaldi oso bat, Iruñeko ikuspegi panoramiko ederrenak konkistatu zituztenak”. Horrela hasten da Remigia Etxarren funanbulistaren bizitza kontatzen duen Argako erregina antzezlana... [+]
Izurako Latsaga zalditokian egingo dituzte emanaldi guztiak, hamar saio, maiatzaren 31tik ekainaren 16a bitartean. Ximun Fuchsek idatzitako obrak "ikuspegi integratzaile eta kolaboratiboa" du oinarrian, landa eremuko lurraldearen lekukotasunak bildu eta "tokiko... [+]
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]
Azkainen aurkeztu du Ander Lipusek bere ibilbide artistikoaren inguruko gogoeta jaso duen liburua: Antzerkiaren labirintoan I. Bigarren partea ere badu liburuak, “antzerkilariei gehiago zuzendurikoa” dena bere esanetan, baina Azkaineko irakurle taldeak lehenbizikoa... [+]
Ziburuko Baltsan elkartean aurkeztu dute antolatzaileek euskara hutseko liburu eta disko azokaren 5. edizioa. 41 argitaletxe izango dira bertan (inoizko gehienak), 120 metro erakusmahai beteko dituzte denen artean (inoizko gehienak) euskarazko irakurgai eta musikarekin eta... [+]
Lehentze franko ditu Pagolako maskaradak: lehentze da Pagola herriak maskaradak ematen dituela; lehentze ere da Kabana pertsonaia neska batek jokatzen duela; lehentze ere da maskaradako txirulariak oro neskak izan direla, Urdiñarbeko barrikaden denboran; lehentze da... [+]
Julia Fernandez Zabaleta emakume aitzindariaren bizitza ezagutzera ematen duen pastorala larunbatean estreinatuko da, San Frantzisko eskolako jolastokian.