Aurreko kontzertu kronika Rukula eta Sofaren kontzertu bat eskatuz amaitu genuen. Musika instrumentalak baduelako dantzagarritik eta gozagarritik Euskal Herrian, eta dena ez delako esan behar ulertzeko. Eskatu eta Donostiako Kafe Antzokiak miraria egia egin du.
Aspaldian oholtzara igo gabe zeuden rukulatarrak eta nabari zitzaien hasierako urduritasunean. Baina areago nabari zen bertaratutakoongan. 19:00etan ez zegoen inor sartzeko prest, baina 19:30ean martxan zen kontzertua lagun guztiekin aretoa lepo. Bai, denak –gehienak– lagunak.
Usurbiletik klandestinoki etorritako basurde koadrilak ipar-ekialdea okupatu zuen. Formal xamar aulkitik gehiegi zutitu gabe. Eta dantza egiteaz geratu gabe. Nork bere erara, ohikoa ez den askatasunez mugituz besoak, lepoak, oinak, baina baita ukondoak (!), bularrak (!!), aldakak (!!!) ere. Rukulatarrek badutelako, bai, errezeta magiko bat.
Zaldibiako mendialdean bizi ginenean baratza ondoan jo zuten behin Rukulakoek (pandemiarik ez zegoen garai urrunean) eta dantza mordoa egin ostean orkatila ondo bihurritu nuen uda osorako. Kontzertua bukatzean eta gihar puztu eta formagabea begiratzerakoan oihukatu zuten taldekideek: “Gure metodoak funtzionatzen du! Rukulitisa daukazu!”.
Rukula
Noiz: otsailak 26
NoN: Donostiako Kafe Antzokia
Rukulitisak funtzionatzen duela dudarik ez izan, eszenatoki gainean aritzen direnean zein azpira jaisten direnean zaleen artera. Baterian house, afro eta latin, baxuan funky eta punky eta gitarretan Marte, Jupiter eta Saturno. Zer atera daiteke gaizki?
Gertatzen da askotan euskal talde bat gustuko dugula nazioarteko talde baten antza hartzen diogulako (nork egin ditzala bere loturak). Niri alderantziz gertatu zitzaidan Berlineko Kreuzberg auzoko Space Hall denda kaleidoskopikoan topatu nuen Sons of Kemet taldearen Your Queen is a Reptile diskoarekin. Lehen entzunaldian ez zitzaidan errez sartu saxo, tuba eta bi bateriaz osatutako afrojazza. Baina une batean rukulitisarekin oroitu eta berriz imajinatu nuen nire burua hanka bakarrean dantzan. Orain nire talde gustokoenetakoa da, Rukulak irekitzen dituen eremuei esker.
Eta hor doa rukulutarren magia. Eremu berriak irekitzeko gai direla, estilo eta une anitzekoak. Dokak ez dio dantza egiteari utzi une bakarrean ere. Beraiek ere ez (izerdi piszina lekuko). Rukulitisak berdin funtzionatzen baitu zutik, eserita, mozkor edo nahi duzunarekin. Rukulitisa batez ere delako gero eta handiagoa den komunitate batek asmatzen eta berrasmatzen duen dantza mota.
Iñigo Malvidoren argazkiak:
OCU kontsumitzaileen Elkarteak hiru arrazoi zehaztu ditu, horien artean kanpoko janaria eta edaria Kobetamendiko esparruan sartzeko debekua, eta eskudirutan edo banku-txartelaren bitartez ordaintzeko ezintasuna. Facuak aurreko urtean egindako salaketan zehazturiko arazoak... [+]
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Willis Drummonden agur besta
Non: Intxaurrondoko kultur etxean, Donostian
Noiz: Urtarrilaren 5ean
Gonbidatuak: Zetkin, Elvis Caino DJ, Indezen DJ eta Zumitrenko DJ.
------------------------------------------------
... esango dugu noizbait. Joan ikustera, baina... [+]
Arabako Mendialde eta inguruetako identitate disidenteek osatzen duten Asteriskes kolektiboak Bermu Okerra musika jaialdia antolatu zuen abenduaren 28rako. Araba eta Nafarroa arteko mugan kokatuta dagoen Kontrasta herrian egin zuten, eguerdian. Antolatzaileek azaldu dutenez,... [+]
Arabako Mendialde eta inguruetako identitate disidenteek osatzen duten Asteriskes kolektiboak antolatu du Bermu Okerra musika jaialdia abenduaren 28rako. Araba eta Nafarroa arteko mugan kokatuta dagoen Kontrasta herrian egingo dute jaialdia, eguerdian.
Hatortxurock elkartasun jaialdiaren 28. edizioa ospatu da gaur Atarrabian. Euskal errepresaliatu guztiak etxeratzeko helburua duen musika festibalak milaka lagun bildu ditu berriz ere. Jaialdia aurrera eramateko, boluntarioen lana ezinbestekoa izan da. Sarrera guztiak... [+]
Amorante eta Ibil Bedi
Non: Portuko ranpi (Ondarroa)
Noiz: Azaroaren 25ean
------------------------------------------------
Ez zait aukerarik sortu orain arte Ondarroako Portuko Ranpara gerturatzeko. Toki berezia zela eta gustatuko zitzaidala esaten zidaten lagunek... [+]