Korapiloa
Lotu, heldu, korapilatu mihia. Ez dezala ihes egin, ez dezala tarte txiki bat ere topatu non libre mugitu daitekeen. Ez dezala dastatu, inoiz, askatasuna. Lotu, heldu, korapilatu mihia. Domestikatu. Esan dezala bai, beti bai eta ados nago. Ados nago, nitaz-gutaz ematen duzuen irudiarekin, ados. Ados nago zuen begiradak nitaz esaten duenarekin. Ados nago gu fikzionatzeko duzuen modu horrekin, era horrekin.
Lotu, heldu, korapilatu mihia. Izan dadila fin, izan dadila baikor, izan dadila ni ez naizen hori, izan dadila beste batena, izan dadila beste batena, izan dadila beste batena: zurea, gizon. Beti zurea.
"Lotu, heldu, korapilatu mihia. Izan dadila fin, izan dadila baikor, izan dadila ni ez naizen hori, izan dadila beste batena, izan dadila beste batena, izan dadila beste batena: zurea, gizon"
Zurea bada nire mihia, bai esango diot estereotipoari, baietz esango diot emakume pertsonaiei jazarritako lanei, kezkei, minei, nekeei. Beti zuretik, ez niretik, zurea bai da mihia eta bozgorailua, beti zurea.
Zuk ezarria korapiloa.
Hortzekin laztandu dut nire mihia, poliki, emeki, hortzekin laztandu dut korapiloa. Buelta eman diot, ezkutuan beti, intimitatean, ez dezala inork sumatu zertan nabilen. Kontuz! Ez dezala inork sumatu mihia askatzen ari naizenik. Hortzekin laztandu dut emeki eta krask! kosk egin diot korapiloa mantentzen zuen zatiari. Momentu katartikoa, odolaren zaporeak eztarritik behera ahots kordak laztantzen ditu, tripetara iritsi arte. Lasai nago, bai badakit, mihiak berriz hazteko gaitasuna duela. Nire amona Maritxuk irakatsi zidan hori.
Ezkutuan mantendu dut zauria, inork ez dezala sumatu zer egin dudan. Orain korapilorik gabeko mihi zauritu baten jabe naiz. Lasai nago, badakit mihiek berriz hazteko gaitasuna dutela, amona, zuk irakatsi zenidan hori.
Esango dudana, trakets esango dut. Oraindik ez bainaiz trebea. Oraindik hazten ari baita moztutako zatia. Oraindik korapiloaren oroimena gertu baitago. Esango dudana trakets esango dut, baina esan egingo dut:
Euskal Herrian egiten den fikzioaren %92a gizonezkoen buruetatik irteten da. Euskal Herrian sortzen diren pertsonaia femeninoen %92a gizonezkoek eraiki dituzte. Eta ez, aktore, zuzendari eta sortzaile bezala ez nago ados. Ez ditut gure sentitzen zuen erak, zuen normak, zuen formak.
Esan dudana trakets esan dut oraindik ez bainaiz trebea baina lasai nago, baidakit, mihiek berriz hazteko gaitasuna dutela. Nire amona Maritxuk irakatsi zidan hori.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Hezkuntza publikoko irakasleok hamabost urtetan berriztu gabeko lan-hitzarmena eguneratzeko eta hobetzeko beharra eta eskubidea dugu. Horretarako, benetako negoziazio batean murgilduta egon beharko genuke, baina errealitatea negargarria da. Negoziazio batean, alde oro ados... [+]
Ekonomialariei asko gustatzen zaizkie merkatuen jokabideak adierazten dituzten grafikoak, kurbak alegia. Deigarria egin zait zentzu horretan Pluralistic webguneko “The future of Amazon coders is the present of Amazon warehouse workers” artikuluan (Amazonen... [+]
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
Bekatu bat aitortu behar dut hemen. Duela lau urte, ohitura berri bat sarrarazi nuen nire bizian: igande gauetan, kaka kanoi baten antzera "informazio" jarraikia hedatzen duen CNews telebista kate ultraeskuindarra begiratzen hasi nintzen. Hasieran ordu erdi bat astero... [+]
Kointzidentzia harrigarriak daude bizitzan. Izan ere, zenbat ikusle elkartu litezke Arriaga antzokian? Zenbat komun ote daude solairu bakoitzean? Zein probabilitate dago Gipuzkoako emakume bik sartu-irtenean leku eta istant berean kointziditzeko, 35 urtean elkar ikusi barik egon... [+]
Transfeminismoak argia eta konplexutasuna ekarri ditu gorputz, genero eta desirei buruzko eztabaidetara. Hala ere, itzalak ere sortu ditu. Ustezko koherentzia politiko erradikal baten izenean –askotan hegemonia oso zehatz bati lotua–, diskurtso transfeminista batzuek... [+]
Garai kuriosoak bizi ditugu eta bizi gaituzte, zinez. Hezkuntza krisian dela dioten garaiak dira eta, gutxien-gutxienean, aliritzira, ba aizue, 2.361 urte ditu gaurgero boladatxoak.
Ez zen ba debalde joan Aristoteles bere maisu maite Platonen akademiatik lizeo bat muntatzeko... [+]
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]
Badira etxebizitzak saltzeko atarietara harpidetuta daudenak, etxe bat erosi nahiko luketelako. Tarteka etxeak ikusteko hitzorduak ere egiten dituzte, eta seguru nago saltzaileak badakiela pertsona horiek ez dutela etxea erosiko, ez bisitan etxeari aurkitzen dizkioten baina... [+]