“Tout le monde déteste la police”
Hori dio Errekaleorren dagoen horma-irudi batek, niri gozamen kilimak eragiten dizkit, eta nago, ezker abertzalearen kide eta boto emaile gehienei ere eragiten diela halako irribarre bat. Zergatik esan zuen orduan Arnaldo Otegik badagoela Ertzaintzaren barruan EH Bilduri boza ematen dion jendea eta ezker abertzaleko jendea sartzen ari dela? Zergatik dio berreskuratu behar dela Ertzaintza?
Ba, noizbait EH Bilduko lehendakari bat izango bada Ajuria Enean, harremanak “normalizatu” behar dituztelako Confebask, Vocento, Europar Batasuna, AEB eta, noski, Ertzaintzarekin. Realpolitik. Diplomazia. Oinak lurrean.
Egia esateko, ezkertiar askori helduen mundua handiegi egiten zaigu, kabroiegi, errealistegi, kapitalistegi, nazkagarriegi. Bai, ume, erraza da anti-dena izatea, baina gero lanera joan behar da, mailegu bat eskatu, furgoneta bat erosi...
Gogoan dut Askapenako kideoi Ezker Abertzaleak lehen hauteskundeak irabazi zituen Obamari bidalitako zorion mezuak eragin zigun mina eta haserrea. Zertarako? Pentsatzen genuen, zer inporta dio Obamari? Ardi beltzak beltza izaten jarraituko badu bihar ere?
"Lehen ezker abertzaleko jende bat sartzen zen ETAn, erakunde sozialista iraultzaile armatuan. Orain beste Ezker Abertzaleko jende bat sartzen ari omen da Ertzaintzan, erakunde polizial autonomista kapitalaren beso armatuan"
Hori bai: beste ardi zuri guztiek ardi beltzaren zurixkatze ahaleginari barre. Izan ere, noraino zuritu behar du beltzak zuriek onartu dezaten.
Bestalde, estatu bat aldarrikatzen duenak polizia, armada, espetxeak nola kudeatu pentsatu behar du, noski. Eta daudenetatik abiatu beharko du, iraultza (armatu?)-rik ezean. Ez dira tokian-tokian polizia, armada, espetxe guztiak berdin izan, egia esateko, han dago Kuba, Hugo Chávez zena, zapatistak, kurduak, palestinar brigada ezkertiarrak... eta nahi beste luza liteke zerrenda, segida logiko batean ETAn bukatzeraino.
Lehen ezker abertzaleko jende bat sartzen zen ETAn, erakunde sozialista iraultzaile armatuan. Orain beste Ezker Abertzaleko jende bat sartzen ari omen da Ertzaintzan, erakunde polizial autonomista kapitalaren beso armatuan.
CUPeko Laia Estradak berriki esan du Principateko eredu poliziala aldatu beharra dagoela, militarizatua dagoelako, beren taser pistola eta foam balak, beren torturak eta gehiegikeriak, beren mozal legearen erabilera, beren arrazakeria, beren amarru polizialak, beren independentisten kontrako oldarrak ere. Emaizkiozu gizaki bati pistola eta borra, esaiozu legearen defendatzailea dela, emaiozu inpunitate marko bat, hauts zuri pixka bat. Iiijili!
Nire adintxoan oraindik ez nago prestaturik debate honetarako, you may say I’m a dreamer, baina poliziarik, armadarik eta espetxerik gabeko herri bat, mundu bat nahi nuke.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Badira bi aste beste behin makroproiektuei kaleetan oposizio argi bat erakutsi geniela. Milaka eta milaka pertsona atera ginen kalera dinamika suntsitzaile honek amaitu behar duela aldarrikatzera. Bada, dirudienez horrek ez du lurraren suntsiketaren aldeko politikarietan inolako... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Wikipedian bilatu dut hitza, eta honela ulertu dut irakurritakoa: errealitatea arrazionalizatzeko metodologia da burokrazia, errealitatea ulergarriago egingo duten kontzeptuetara murrizteko bidean. Errealitatea bera ulertzeko eta kontrolatzeko helburua du, beraz.
Munduko... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Bizitza erdigunean jartzeko abagunea ikusi genuen feministok zein ekologistok Covid-19 pandemia garaian. Ez ginen inozoak, bagenekien boteretsuak eta herritar asko gustura itzuliko zirela betiko normaltasunera. Bereziki, konfinamendu samurra pasa zutenak haien txaletetan edo... [+]
Segurtasun falta dagoen irudipena handitu dela azaldu du Eustaten azken txostenak. Gurean, Trapagaranen, Segurtasuna orain, delinkuenteen aurka manifestaziora deitu dute herritar batzuek.
Bi izan dira sentsazio hori zabaltzeko arrazoiak. Batetik, udalak Udaltzaingoaren... [+]
Badira etxebizitzak saltzeko atarietara harpidetuta daudenak, etxe bat erosi nahiko luketelako. Tarteka etxeak ikusteko hitzorduak ere egiten dituzte, eta seguru nago saltzaileak badakiela pertsona horiek ez dutela etxea erosiko, ez bisitan etxeari aurkitzen dizkioten baina... [+]
Haurtzaroaren amaiera eleberri distopikoa idatzi zuen Arthur Clarkek, 1953. urtean: jolasteari utzi dion gizarte baten deskribapena. Eta ez al da bereziki haurtzaroa jolasteko garaia? Jolasteko, harritzeko, ikusmiratzeko eta galdera biziak egiteko unea. Ulertzeko tartea zabalik... [+]
Juan Bautista Bilbao Batxi idazleak barku batean egiten zuen lan, eta bere bidaietako kronikak bidaltzen zituen Euzkadi egunkarira. Horri esker, XX. mende hasierako mundu osoko kronika interesgarriak ditugu, euskaraz. 1915eko ekainean, hain zuzen, Murtzian egin zuen... [+]
Antzokiko argiak piztu dira. Diskretuki, pasabideetan nabil: emanaldi eskolarra hastear dago. Gazteak korrika doaz beraien eserlekuetara, bizi-bizi eta alai. Ateraldiak askapenaren zaporea du, baina askatasun sentsazio hori gaztelaniaz edo frantsesez mintzo da. Goiz honetan,... [+]
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Ez dezazuela lotura hau Ezkiotik bilatu, ez eta Altsasutik ere, are gutxiago Ebro ibaia Castejonetik zeharkatuz. Euskal Yaren eta Nafarroako AHTaren arteko lotura, edo hobeto esanda, loturak, dagoeneko errealitate bat dira. Pluralean dauden lotura horiexek dira kezkatu beharko... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]